Кил потпиша нови договори со два главни аса

Домагој Дувњак и Швеѓанецот, Никлас Екберг, ги продолжија договорите со екипата на Кил која утре ќе гостува кај Вардар во рамките на новото коло во Лигата на ракометните шампиони.

Тие ќе останат во бундес-тимот до 30 јуни во 2024 година иако постои можност тој термин да биде продолжен.

Дувњак потпиша за Кил во 2014 година додека Швеѓанецот го носи дресот од 2012 година. Двајцата беа дел од екипата која ја освои европската круна во сезоната 2019/20.