Манчестер Сити се интересира за Карим Бензема

Шампионот на Премиер лигата, Манчестер Сити, покажува интерес за купување на капитенот на Реал Мадрид, Карим Бензема.

Претставници на „плавите“ од Манчестер имале начелни разговори со менаџментот на францускиот напаѓач за да ја испитаат неговата подготвеност за напуштање на „Сантијаго Бернабеу“.

Договорот на 33-годишниот Бензема со Реал Мадрид истекува во 2023 година и имајќи ги во предвид шпекулациите дека „Кралскиот клуб“ веќе ова лето ќе се засили со Килијан Мбапе и Ерлинг Халанд, тогаш голема е веројатноста Французинот да размислува за промена на средината.

Гвардиола во Бензема гледа искусен голгетер кој со сигурност би дал голем допринос во нападот. Манчестер Сити минатото лето имаше неуспешен обид за потпис со Хари Кејн па остана без класичен напаѓач во тимот.