Париз Сен Жермен се распитува за Антони Марсијал

Екипата на ПСЖ сака да го види во своите редови Антони Марсијал, во кого гледа замена за Килијан Мбапе кој се очекува да го напушти клубот до крајот на сезоната.

Марсијал има актуелен договор со Манчестер Јунајтед но тој е незадоволен од статусот на резерва и малата минутажа во тимот, па изрази желба да побара нов клуб во јануари.

26-годишниот француски репрезентативец, пристигна во Манчестер во 2015 година како големо засилување од Монако за 60 милиони евра, меѓутоа не успеа докрај да ги покаже своите играчки квалитети.

Освен од ПСЖ, голем интерес за трансфер на Марсијал покажуваат и екипите на Лион и Борусија Дортмунд.