Директорот на Борусија Дортмунд потврдува дека Реал Мадрид е најблиску до Халанд

Извршниот директор на Борусија Дортмунд, Ханс-Јоаким Вацке, официјално ја потврди веста дека Реал Мадрид е најзаинтересираниот клуб за купување на напаѓачот, Ерлинг Халанд.

„Каде и да погледнете денес, има голем број на информации поврзани за евентуален трансфер на Халанд. Единствено што знам со сигурност е дека Реал Мадрид има голем интерес за него. Пред неколку дена имав добар разговор со менаџерот на Ерлинг,Мино Рајола. Тоа беше пријателски разговор и без сомнение ќе разговараме повторно во наредните недели. Ако има и најмали шанси ние како клуб ќе направиме се за тој да остане во Дортмунд. Лично мислам дека би било добро да остане во Бундеслигата некое време, но Рајола е паметен човек и знае што е најдобро за неговиот клиент“, изјави претседателот Вацке.