Стефан Савиќ е подготвен за дуел со Роналдо

Дефанзивецот на Атлетико Мадрид, Стефан Савиќ изјави дека не се плаши од дуел со ѕвездата на Манчестер Јунајтед, Кристијано Роналдо во првиот осминафинален натпревар меѓу двата тима кој се игра во среда.

„Детално се подготвуваме за натпреварот. Свесни сме за нивните добри страни, имаат многу брзи играчи и квалитетни напаѓачи. Знаеме како ќе играат и подготвени сме за тоа“, изјави Стефан Савиќ за шпанските медиуми.

31-годишниот Црногорец, вели дека не е загрижен од соочувањето со Роналдо кој во кариерата има постигнато 25 гола против Атлетико Мадрид.