Хаас го раскина договорот со возачот Мазепин

Формула 1 тимот Хаас, поради инвазијата врз Украина, одлучи да го раскине договорот со рускиот возач Никита Мазепин.

Хаас го раскина и договорот со руски Уралкали, кој беше главен спонзор на тимот и е во сопственост на таткото на Мазепин.

23-годишниот Никита Мазепин своето деби во Формула 1 го имаше минатата година.

ФИА на 1.март  им дозволи на руските возачи да се тркаат под неутрално знаме. Употребата на национални симболи, бои, знамиња и изведување на државната химна е забранета на меѓународни натпревари. Истите мерки важат и за возачите од Белорусија.