Бензема: Оваа победа е за нашите навивачи

Напаѓачот на Реал Мадрид, Карим Бензема не го крие задоволството по победата од 3:1 над Париз Сен Жермен, со која „Кралскиот клуб“ се пласираше во четвртфиналето на Лигата на шампионите. Французинот постигна хет-трик на средбата и уште еднаш ја покажа својата голгетерска класа.

„Оваа победа е за нашите навивачи. Беше тешко, но не се откажавме во ниту еден момент. Секогаш верувавме дека ќе успееме. Направивме голем напор откако го загубивме првиот натпревар. Знаевме дека ПСЖ ќе сака повеќе контрола над топката, но во вториот дел ги притиснавме. Покажавме ментална сила. Нашата пресинг игра беше одлучувачка. За нас овој натпревар беше како финале. Покажавме дека Реал Мадрид е жив“, изјави Бензема.