Мбапе: Остануваме обединети до последниот натпревар

Ѕвездата на ПСЖ, Килијан Мбапе го коментираше поразот на неговиот тим од Реал Мадрид на „Сантијаго Бернабеу“. 

Париз Сен Жермен загуби со 3:1 од Реал Мадрид и беше елиминиран во осминафиналето од ЛШ.

„Тежок момент. Лигата на шампионите беше нашата голема цел, но не успеавме. Сепак, сезоната не е завршена и што и да се случи, ќе останеме обединети и непоколебливи до последниот натпревар. Благодарност до нашите навивачи кои отпатуваа во Мадрид и ни дадоа голема поддршка“, напиша Мбапе на својот Инстаграм профил.

Напаѓачот беше еден од ретките играчи во тимот на тренерот Почетино, кој прикажа одлични партии во двата натпревари против ривалот од Мадрид.