Мијатовиќ: Доаѓањето на Мбапе во Реал е завршена работа

Поранешниот фудбалер на Реал Мадрид, Предраг Мијатовиќ, кој извесен период беше и спортски директор на „Сантијаго Бернабеу“, е убеден дека нападот на кралскиот клуб од следната сезона ќе го предводи Килијан Мбапе.

Со месеци се водат многу полемики околу иднината на францускиот фудбалер, но по испаѓањето на ПСЖ од Лигата на шампионите токму од Реал , работите стануваат се појасни.

Во таа насока свое видување даде и легендата на Партизан и Реал Мадрид, популарниот Пеџа Мијатовиќ.

„Изворите внатре од клубот ме уверуваат дека доаѓањето на Мбапе во Реал е сосема сигурно. Винисиус-Бензема-Мбапе звучи прекрасно, и се надевам дека ова трио успешно ќе ги тресе противничките мрежи“.