Антонио Рудигер се договорил со Јувентус?

Според најновите информации од „Газета дело Спорт“, дефанзивецот на Челзи, Антонио Рудигер, ги договорил личните услови со Јувентус и се очекува на лето да се пресели во Торино како слободен играч.

Весникот пренесува дека Германецот ќе потпише договор на четири години, но подетални финансиски податоци не се објавуваат. Рудигер беше многу блиску до обновување на договорот со Челзи, но целата работа се искомплицира после санкциите кон Абрамович и клубот.

Антонио Рудигер е член на Челзи од 2017 каде пристигна од тимот на Рома.