Гвардиола: Атлетико Мадрид беше подобар од Манчестер Јунајтед, ќе имаме тежок противник

Тренерот на Манчестер Сити, Пеп Гвардиола, изјави дека Атлетико Мадрид бил подобриот тим во дуелот со Манчестер Јунајтед и логично беше да продолжи во четвртфиналето на Лигата на шампионите. 

Токму во оваа фаза тимот на Манчестер Сити ќе ги одмери силите со шпанскиот шампион и Гвардиола даде свој коментар за играта на Атлетико Мадрид.

“Атлетико мина низ неверојатно тешка група. Беа подобри и од Јунајтед а првото полувреме од нивниот дуел во Мадрид беше фантастично. Покрај тоа, ние ќе гостуваме на реваншот против нив, што ја прави ситуацијата уште покомплицирана. Сепак, ова се врвните екипи во Европа, така што секогаш е тешко.