Коке: Го елиминиравме Манчестер Јунајтед, зошто да не го повториме истото и со Сити

Капитенот на Атлетико Мадрид, Коке, верува дека тимот, предводен од тренерот Симеоне, нема никаков страв од четвртфиналниот дуел од Лигата на шампионите со Манчестер Сити.

Шпанецот е уверен дека Атлетико има сили да се пласира во полуфиналето на турнирот.

„Ни претстои многу интензивен и добар дуел. За прв пат ќе играме против Манчестер Сити во Лигата на шампионите. Го победивме Манчестер Јунајтед, па зошто да не го направиме тоа и против Сити. Во битката ќе влеземе многу мотивирани. Сакаме да се претставиме добро против еден од фаворитите во натпреварувањето“, изјави 30-годишниот Коке.