Кулушевски: Конте го пронајде моето совршено место на теренот

21-годишниот играч на Тотенхем, Дејан Кулушевски е благодарен на тренерот Антонио Конте кој ја пронашол совршената позиција за него на теренот. 

Кулушевски е играч на Јувентус кој во јануари пристигна како позајмен играч во Тотенхем.

„Сакав да им покажам на сите што можам да направам. Мислам дека станав уште помотивиран. Сакам да им докажувам на луѓето дека згрешиле, па затоа бев многу гладен за успех кога дојдов во Тотенхем. Знам дека е тешко кога ќе дојдеш во нов тим и ново првенство. Многу работи мора да функционираат, но мислам дека тоа функционираше кај мене бидејќи тренерот ја најде вистинската позиција за мене “, изјави Кулушевски за официјалниот сајт на Тотенхем.

Кулушевски во дресот на лондонскиот клуб досега на 14 натпревари постигна три гола и шест асистенции.