Арсенал го носи најдобриот играч на холандската лига

Челниците на Арсенал се заинтересирани за доведување на фудбалерот од ПСВ Ајндховен и холандски репрезентативец Коди Гакпо.

Арсенал во летниот преоден рок веќе потроши 132 милиони евра на засилувања, но лондонскиот клуб сака да ангажира уште еден напаѓач.

На мета на топџиите се најде Гакпо кој е прогласен за најдобар играч на холандското првенство во минатата сезона.

Од ПСВ за својот заменик капитен ќе бараат најмалку 40 милиони евра.

23-годишниот Гакпо за првиот тим на ПСВ има одиграно 135 натпревари и постигнато 42 гола.