Бензема ќе настапи за Франција во нокаут фазата?

Шпанските медиуми тврдат дека францускиот репрезентативец, Карим Бензема, би можел да му се приклучи на тимот во нокаут фазата од Светското првенство во Катар, бидејќи успешно се опоравил од повредата.

Информациите од Шпанија велат дека Бензема ќе присуствува на тренингот на Реал Мадрид во четврток кои се подготовка за продолжение на сезоната.

Претходно од Фудбалскиот сојуз на Франција изјавија дека Бензема ќе мора да паузира три недели поради повреда на бутниот мускул. Сега се отвора можноста Бензема да му се приклучи на репрезентативците на Франција во нокаут фазата од Мундијалот, но челниците на сојузот и селекторот Дешамп не даваат повеќе информации во моментот.

Франција веќе обезбеди пласман во осмина финалето на СП, после двете победи против Австралија и Данска.