Кајри Ирвинг станува нов соиграч на Лука Дончиќ во Далас

Американските медуми објавуваат дека кошаркарот на Бруклин Нетс, Кајри Ирвинг, својата кариера ќе ја продолжи во Далас Маверикс.

Според информациите, Бруклин ќе го замени Ирвинг со Спенсер Динвиди и Доријан Фини-Смит, а ќе добие и пик од првата и втората рунда на драфтовите во 2027. и 2029.година.

Трејдот помеѓу Маверикс и Нетс уште нема официјална потврда, но се очекува тоа да се случи многу брзо, со што тандемот Дончиќ-Ирвинг ќе стане реалност.

Ирвинг оваа сезона во просек по натпревар постигнува околу 27 поени, пет скока и пет асистенции. Тој во својата кариера играше за тимот на Кливленд, со кого во 2016 ја освои НБА титулата, а беше член и на Бостон Селтикс.