Раул одбил да го преземе Лидс Јунајтед

Раул Гонзалез одби да биде тренер на Лидс Јунајтед.

Англискиот клуб се раздели со Американецот Џеси Марш поради катастрофалните резултати, па поради тоа се во потрага по негов наследник. Спортскиот директор Виктор Орто го посакуваше Раул кој работи одлично во Мадрид и има забележителни резултати.

„Б“ тимот на Реал Мадрид се бори за промоција во Сегунда што за овој клуб ќе биде од големо значење затоа што младите фудбалери би се развивале во посилна лига пред да добијат шанса во најсилната екипа.

Раул не сакаше на половина од сезоната да го напушти тој проект и така да влезе во потенцијално лоши односи со клубот каде што е вистинска легенда и сака еден ден да стане главен тренер.

Ова не е првпат Раул да има понуди од странски клубови. Претходно го посакуваа Шалке и Ајнтрахт, но исто така ги одбиваше поради Реал. Медиумите блиски до клубот истакнуваат дека Раул многу напредувал како тренер и неколку одлични млади фудбалери на Реал останале само поради него.