Атлетико Мадрид и Барса го сакаат Ињиго Мартинез од Билбао

Барселона и Атлетико Мадрид ќе водат голема битка за дефанзивецот на Атлетик Билбао, Ињиго Мартинез следното лето, пренесува „Спорт“.

Дефанзивецот беше трансферна цел на Барселона и минатото лето, но трансферот не се реализираше бидејќи Каталонците успеаа да го договорат Жил Кунде. Меѓутоа, Чави не се откажува од Мартинез и ќе се обиде да го доведе на „Камп Ноу“ по завршување на сезоната.

Сега договорот на Мартинез истекува и тој може без обештетување да се пресели во Барселона.

Сепак, Каталонците ќе имаат сериозна конкуренција бидејќи Атлетико Мадрид е силно заинтересиран и веќе работи на трансферот.