Парти ќе го напушти Арсенал како слободен агент

Томас Парти ќе го напушти Арсенал на крајот од јуни кога му истекува договорот, со што завршува неговиот петгодишен престој во клубот. Иако двете страни се обидоа да постигнат нов договор, преговорите не вродија со плод и ганскиот репрезентативец ќе го напушти Северен Лондон како слободен агент. 

Преговорите траеја неколку недели, а Арсенал беше решен да го задржи 32-годишниот играч по неговата силна и безповредна сезона. Сепак, несогласувањата околу должината и структурата на новиот договор доведоа до застој. 

Со заминувањето на Парти, Арсенал веќе ги забрза напорите за пронаоѓање замена. Веќе е испратена почетна понуда за капитенот на Брентфорд, Кристијан Норгард, а клубот продолжува да разгледува и други опции за засилување на средниот ред пред новата сезона. 

Парти си заминува по можеби својата најдобра сезона во Северен Лондон, настапувајќи на повеќе од 50 натпревари и давајќи значителен придонес и на домашната и на европската сцена. Додека размислува за следниот чекор во кариерата, се очекува интерес од клубови низ Европа и пошироко.