Алкараз брзопотезно во третото коло на Вимблдон

Двократниот победник на Вимблдон Карлос Алкараз од Шпанија без поголеми проблеми оствари победа во мечот од второто коло. Тој го совлада домашниот тенисер Британецот Оливер Тарвет со 3-0 во сетови (6-1, 6-4 и 6-4).

По доминацијата во првиот сет Британецот Тарвет (733.место АТП) на моменти бодрен од домашните навивачи поведе со 2:0 во гемови на стартот од вториот сет, а потоа и водеше и со 4:3, но Алкараз освои три гема и го доби сетот со 6:4. Во третиот сет беше нерешено до 3:3, но до крајот шпанскиот тенисер без многу напори го потврди сетот.

Во следната рунда Карлос Алкараз ќе игра со победникот од мечот Феликс Оже Алиасиме (Канада) и Јан – Ленар Штруф (Германија).