Ѓоргиев: Ја добивме најтешката група, ќе изгинеме за секој поен

Капитенот на македонската одбојкарска репрезентација, Никола Ѓоргиев најави беспоштедна борба на претстојното Европско првенство на кое противниците ја имаат фаворитската улога.

-Ја добивме најтешката група, но никој не може да ни го одземе правото да сонуваме. На теренот сме истобројни. Сепак моменталните резултати на Бугарија и на Полска навестуваат дека тие се огромни фаворити. Истото важи и за Украина. Меѓутоа ако ги прашате Португалија и Израел, и тие веќе имаат запишано победа против нас. Ние сме овде да им ги расипеме сметките. Само треба да ја играме нашата игра. Влегуваме на Еврпското првенство многу подготвени, а на терен ќе се види дали доволно за пласман во втората фаза. Треба да играме трпеливо и многу мудро. Ние никогаш не се предаваме и давам збор од име на целата репрезентација дека ќе изгинеме за секоја топка, потенцира Ѓорѓиев.

Македонските одбојкари во четвртото учество во низа на ЕвроВолеј играат во најсилната група – групата Б, во Софија заедно со Бугарија, Полска, Украина, Португалија и Израел.

Првиот дуел нашите репрезентативци ќе го имаат в среда (9 септември) против Бугарија.

Европското првенство ќе се одржи од 9 до 26 септември 2026 во организација на Италија, Бугарија, Финска и Романија.

Македонскиот одбојкарски репрезентативец Никола Ѓоргиев ја оствари првата победа со својот нов клуб Карловарско. Нашиот репрезентативен капитен ги одигра првите минути во дресот на лидерот во чешката Екстралига, каде го доби дресот со број 1.

Викендов Карловарско на домашен терен славеше над екипата на Усти над Лабем со 3:1. Ѓоргиев по есенскиот престој во романски Рапид, во вториот дел од сезоната го облече дресот на чешкиот тим со кој ќе се бори за нова шампионска титула во својата долгогодишна интернационална кариера.

Македонската одбојкарска репрезентација ја очекува настпа на четврто Европско првенство во низа.

Среќата посака избраниците на ЈошкоМиленковски да се најдат во група заедно со Бугарија, Полска, Украина, Португалија и Израел. Домаќин на оваа група ќе биде Бугарија, но се чекаше да се види кој ќе биде градот организатор. Иако првично беше најавено дека групата ќе се игра во Варна, потоа дојде до промена откако ЦЕВ во соработка со Бугарската одбојкарска федерација ја смени одлуката.

„По вонредниот состанок на Управниот одбор на Бугарската одбојкарска федерација, донесена е одлука Софија да биде град-домаќин на ЕвроВолеј 2026 во Бугарија“, објавија од федерацијата.

Ова е добра вест за нашата репрезентација, бидејќи Софија е значително поблизу од Варна, па постои можност за поголема поддршка од трибините на македонските репрезентативци.

Женскиот прволигаш Фит Фан Волеј е првиот македонски претставник кој во новата сезона ќе на претставува на меѓународна сцена, поточно во рамките од БВА Балканскиот клупски куп.

Ланскиот учесник на Ф4 турнирот во Купот на Македонија и екипата која играше во полуфиналето на првенствениот плеј-оф ќе дебитира во интернационални рамки на турнирот, кој од 6 до 8 октомври ќе се игра во Скендерај, на Косово.

БВА купот имаше административно одложување од ФИВБ, а сега се игра во новиот термин во кој тимот на Фит Фан Волеј, ќе се соочи со домаќинот на БВА купот, косовска Дрита, како и грчки АЕК, и Херцег Нови од Црна Гора.

Одбојкарките на Фит Фан Волеј со нетрпение ја чекаа премиерата, во која ќе се обидат да го дадат најдоброто од себе, но и да си ги „пробаат“ силите на меѓународно ниво.

„Уште од формирањето на клубот во 2008 година нашата желба и цел беше еден ден да настапуваме на меѓународна сцена. Клубот се ‘роди’ во период во кој беше незамисливо некој македонски клуб да настапува на интернационално ниво, знаејќи во каква криза беше женската одбојка по откажувањето на Фершпед како спонзор на Работнички, односно Кометал на клубот Студент, екипи кои во тоа време редовно играа во Европа. По толку години успеавме да си ја реализираме таа амбиција и со нетрпение го очекуваме почетокот на турнирот“, нагласува стратегот на Фит Фан Волеј, Благоја Ставревски и продолжува: „Во подготвителниот период одигравме повеќе пријателски натпревари, ги воочивме слабостите и се обидовме да ги анулираме во тренажниот процес. Како и ланската сезона, така и оваа се потпираме само на домашни играчи, во кои сме решени да инвестираме и да собираат искуство на меѓународна сцена. Нашата цел на овој турнир е да се покажеме во најдобро светло и што поподготвени да влеземе во новата сезона. Имаме силни противници на БВА купот. Секој од ривалите има по неколку интернационалки во составот, а особено внимание привлекува тимот на Херцег Нови, состав со исклучително високи девојки. Сметам дека ова ќе биде прекрасно искуство за сите нас. БВА купот не очекувам да биде показател за силата на Фит Фан Волеј во пресрет на новата сезона, затоа што ќе играме без резултатски притисок, но секако дека ќе се обидеме и да дадеме отпор и да го покажеме најдоброто од нас како тим. Со нетрпение и возбуда го чекаме стартот на турнирот.“

Она што го прави дополнително атрактивен БВА купот е што победникот на овој турнир обезбедува директно учество во ЦЕВ Челинџ купот, а за да дојдат до таа привилегија четирите екипи ќе играат по принципот „секој со секого“.

Машкиот национален тим на четвртиот настап на еден континентален собир во низа нема да има нималку лесна задача откако ждрепката во Бари, ни донесе група во која покрај домаќинот Бугарија, ќе се соочиме и со Полска, Украина, Португалија и Израел.

Нималку лесно друштво, но селекторот Јошко Миленкоски смета дека мора да веруваме во нашиот квалитет.

„Сите групи се тешки, но нашата е убедливо најтешка! Сите репрезентации имаа одлични резултати на последното СП, додека Израел финишираше како трет во Златната Европска лига. Скоро сите противници завршија со смена на генерации и сега бркаат резултат. Многу сериозна работа ја чека нашата репрезентација. Првиот впечаток е дека ќе биде многу тешко да се повтори успехот од претходното Европско првенство, пласман во следната рунда, но од друга страна мора оптимистички да се гледа и да се верува во својот квалитет. Ова го велам затоа што имаме многу квалитетен состав, кој веќе по четвртипат во низа ќе учествува на една ваква манифестација. Верувам дека нашите играчи како и секогаш ќе ги потврдат своите вредности и ќе сторат сè, и по којзнае кој пат да ги израдуваат љубителите на спортот и одбојката во Македонија“, вели стратегот на националниот тим.

ЕвроВолеј 2026 ќе се игра во четири земји Италија, Бугарија, Финска и Романија од 9 до 26 септември следната година.

Македонската машката одбојкарска репрезентација ќе игра на Европскиот шампионат, 34-ти во историјата.

Ќе се одржи следната 2026 година во четири земји, Италија, Бугарија, Финска и Романија.

Македонија ќе биде дел од Б групата чиј домаќин ќе биде бугарскиот град Варна. Таму покрај ко-домаќинот, противници на Македонија ќе биде и селекцијата на Полска, Украина, Португалија и Израел.

Првенството ќе се одржува во периодот од 9 до 26 септември 2026 година.

Пред доделувањето на медалите на Светското првенство во Манила, публиката ги поздрави членовите на идеалниот состав.

Најдобрите примачи на сервис се Алесандро Микелето (Италија) и Александар Николов (Бугарија) – двајца играчи кои долго време ќе водат големи битки и на клупско и на репрезентативно ниво.

Коректор кој дефинитивно најмногу се издвои е Јури Романо (Италија). Со него во дијагоналата е како и обично репрезентативниот колега, Симоне Џанели.

Средните блокери во идеалниот состав на првенството се Полјакот Јакуб Кохановски и Бугаринот Алекс Грозданов. Најдобар либеро е Италијанецот Баласо. МВП е Алесандро Микелето.

Да ве потсетиме дека Италија ја одбрани титулата светски шампион во одбојка, Бугарија го освои сребрениот медал, а Полска заврши на третото место.

Светскиот шампион Италија ќе ја брани титулата во утрешното финале, откако попладнево ја совлада Полска со 3-0 (25-21, 25-22, 25-23) во полуфиналето на Светското првенство за одбојкари на Филипините.

Второто полуфинале во Пасај Сити беше реприза на последното финале на Светското првенство пред три години, во кое Италија ја совлада Полска во Катовице со 3-1, како и на овогодишното финале во Лигата на нации, во кое полската репрезентација беше победник со 3-0 во кинескиот град Нингбо.

Јури Романо беше најефикасен во редовите на Италија со 15 поени, додека најистакнат во редовите на Полска беше Вилфредо Леон со 14 поени.

Противник на Италија во утрешното финале ќе биде Бугарија, која претходно денеска ја совлада Чешка со 3-1. За Бугарија ова ќе биде прво финале по пауза од 55 години, кога во Софија загуби од поранешна Источна Германија.

Европската одбојкарска федерација (ЦЕВ) ги објави денеска деталите во врска со жрепката за составот на групите за 34. Европското првенство (ЕП), кое ќе се одржи во септември идната година, а на кое меѓу 24 селекции настап обезбеди и македонската репрезентација.

Организаторите – Италија, Бугарија, Финска и Романија обезбедија директен пласман на ЕП 2026. Полска, Словенија, Франција, Холандија, Србија, Украина, Германија и Португалија се селекциите кои според пласманот на претходното ЕП 2023 имаа обезбеден билет за претстојниот континентален собир. Селекциите на Данска, Белгија, Чешка, Естонија, Швајцарија, Грција и Словачка како првопласирани во групите во квалификациите се најдоа на ЕП 2026, додека македонската репрезентација, заедно со селекциите на Летонија, Турција, Израел и Шведска како најдобропласирани второрангирани репрезентации во турнирските квалификации се најдоа на завршниот турнир.

Жрепката закажана за 4 октомври во Бари ќе биде полу-диригирана, односно четирите земји – домаќини ќе бидат сместени во по една од четирите групи, како нивни носители. Италија е носител во групата А, а натпреварите ќе ги игра во Неапол, Модена, Торино и Милано. Бугарија ќе биде носител на групата Б во Варна, Финска во Тампере ќе ги пречека противниците во групата Ц, додека Романија во групата Д натпреварите ќе ги игра во Клуж.

Непосредно пред почетокот на жрепка, секој од домаќините ќе има право да избере по еден противник во групната фаза.

Откако и тој процес ќе биде завршен, ќе се формираат четири шешири со по четири екипи според ЦЕВ рангирањето

Доколку не биде избрана од некој од домаќините на ЕП 2026, македонската одбојкарска репрезентација жрепката ќе ја чека во четвртиот шешир во кој, најверојатно, според ЦЕВ рангирањето ќе бидат Летонија, Шведска и Данска.

Селекторот на женската сениорска репрезентација на Македонија, Стефан Пауновиќ во новата сезона ќе биде тренер на словачкиот прволигаш Ново Место. По две години минати во финска Вампула стратегот од оваа година ќе ги здружи силите со македонската репрезентативка Ерјона Јонузи во новиот клуб.

Организаторот на играта во националниот тим од минатата сезона го носи дресот на Ново Место, а сега работата од репрезентацијата ќе ја продолжи во клупската средина под водство на Пауновиќ.

Србинот по успешното лето со селекцијата на Македонија, која ја предводеше до прва победа на европско тло по пауза од 17 години, се посветува на нови клупски обврски, а ќе има и можност да работи со Јонузи во текот на целата сезона, што дополнително оди во прилог и за репрезентацијата.

Во клубот со Пауновиќ и Јонузи како статистичар ќе работи и Татјана Поповиќ, која е дел од стручниот штаб и на македонската репрезентација.

Пауновиќ претходно покрај ангажманот со сениорскиот национален тим на Македонија, ја водеше и нашата селекција до 19 години, додека на клупски план покрај Финска има работено и во Романија и Либија.