Париз во 14. коло од Евролигата го совлада Олимпијакос со резултат 96-90 среде Пиреја. Со оваа победа актуелниот освојувач на Еврокупот докажа дека повеќе не е изненадување во Евролигата туку легитимен кандидат за место на завршниот турнир.

Избраниците на Тиаго Сплитер го задржаа првото место на табелата во Евролигата со ско 11-3, а против грчкиот тим забележаа неверојатна десетта победа во низа, додека Олимпијакос падна на 9-5 со вториот пораз во последните три натпревари.

Гостите на полувремето заминаа со +5, а потоа следуваше фуриозен трет период (24-16) кој на Париз му донесе предност од 13 поени. .

Играчите од Париз добро ја отворија последната четвртина, направија серија и стекнаа предност од 20 поени. И тука застана. Следуваа фуриозни три ипол минути на Олимпијакос и серија од 22-0 (во која Фурние постигна 11 поени).

Следуваше неверојатна завршница. Шортс погоди тројка за +4 на Париз, Олимпијакос успеа да изедначи, имаше дури и напад за водство, но Париз се одбрани, па на 20 секунди до крајот, Ло остана сам како дух и погоди тројка за +3. Тогаш тренерот на Париз реши да влезезе во пенал завршница и тоа му се испалтеше. Фурние промаши едно фрлање, а зонскиот пресинг на домаќините беше толку лош што Јантунен остана сам под обрачот за +4.

Фурние погоди тројка од едната нога на 6,5 секунди до крајот (-1), а Ло веднаш беше фаулиран. Германецот без проблем ги погоди и двете слободни, а Фурние потоа се лизна, му падна топката, а Хифи со тројка во последната секунда стави точка на натпреварот.

Ти Џеј Шортс со 21 поен и осум асистенции го предводеше Париз, Хифи постигна 20, додека Вард имаше 14 поени. Ло уфрли осум коша од кои пет во последните 20 секунди.

На другата страна трагичарот Фурние имаше 25 поени. Везенков постигна 18 поени.

Лука Дончиќ потврди дека ќе ја води Словенија на Евробаскетот во 2025 година.

„Со нетрпение очекувам да играм за мојата земја. Гордост е, радост е да играм за мојата земја секогаш кога можам. Затоа ќе го повторам тоа“, рече Дончиќ.

Дончиќ во кариерата нема пропуштено ниту еден репрезентативен турнир.

Играше за Словенија на Евробаскетот 2017, во квалификациите за Олимписки игри и на Олимписки игри во 2021, Евробаскетот 2022, Светското првенство 2023 и квалификациите за Олимписките игри во 2024 година.

Голема е веројатноста Дончиќ да игра и на Евробаскет 2029, со оглед на тоа што Словенија е еден од кандидатите за коорганизатор на турнирот.

Словенија беше домаќин на Европското првенство во 2013 година, а Дончиќ како 18-годишник ја предводеше репрезентацијата до титулата во 2017 година.

Евробаскетот во 2025 година ќе се игра од 27 август до 14 септември следната година, а домаќини ќе бидат Кипар, Финска, Полска и Летонија.

Дончиќ оваа сезона има просек од 28,7 поени со 8 скока и 7,9 асистенции за Далас Маверикс во НБА.

Како дел од проектот „Откажи родово базирано насилство“, во просториите на Арената „ОАКА“ во Атина се одржа извонредна конференција организирана од страна на Грчката кошаркарска федерација, а во соработка со партнерските организации, меѓу кои и Македонската кошаркарска федерација.

Конференцијата беше модерирана од проектниот менаџер на грчката кошаркарска федерација, а говори одржаа претседателите на грчката и на кипарската кошаркарска федерација.

Настанот ги претстави целите на проектот, достигнувањата и тековните активности од неговиот почеток во 2022 година.

Дискусиите ја нагласија важноста од спречување на родово базирано насилство во спортот и потребата од ефикасни системи за пријавување, кои ќе обезбедат поддршка за сите жртви.

Заедно, работиме на зголемување на свеста, одговорноста и позитивните промени во спортските заедници, гласи пораката која е испратена од присутните на собирот во главниот град на Грција.

Душко Ивановиќ го наследи Лука Бјанки на клупата на Виртус Болоња. Бјанки си замина по синоќешниот пораз од Алба во Евролигата. Виртус има скор од само две победи и 11 порази.

Виртус за помалку од 24 часа најде нов тренер. Поранешниот тренер на Црвена звезда и Басконија, Душко Ивановиќ го презеде тимот.

Црногорецот нема да може да дебитира утре прптив својот поранешен клуб Црвена звезда, бидејќи помина рокот за регистрација, за играчи или тренери за 14.коло.

Ивановиќ ќе дебитира против Милано викендов во домашното првенство.

Денес во просториите на Кошаркарската Федерација на Северна Македонија делегација од Амбасадата на Босна и Херцеговина и претставници од Владата беше во официјална посета.

Драган Јаќимовиќ, амбасадорот на Босна и Херцеговина, заедно со Министерот за безбедност, господинот Ненад Нешиќ, ги посетија канцелариите на КФСМ.

Мандатот на Драган Јаќимовиќ како амбасадор на Босна и Херцеговина во Македонија започна во 2019 година додека господинот Ненад Нешиќ, ја обавува функцијата Муинистер за безбедност на Босна и Херцеговина од 2022 година.

Лука Банки повеќе не е тренер на Виртус. Според „Газета дело Спорт“, тој по тешкиот пораз од Алба во Евролигата на играчите им рекол дека си заминува од таа позиција.

Виртус, синоќа, по едно продолжение загуби од Алба 88:90. Утре во Болоња гостува Црвена звезда.

Она што се случуваше по натпреварот е кулминација на лошите односи во Виртус бидејќи Бјанки имал жесток конфликт со генералниот директор Паоло Рончи.

Веќе на почетокот на сезоната тој имаше недоразбирања со Вил Клајбурн и оттогаш се се искомплицира, а меѓу играчите наводно ја имал поддршката само од Марко Белинели.

Италијанските медиуми шпекулираат дека Бјанки на клупата ќе биде заменет од човекот на чие место дојде минатата сезона, Александар Ѓорѓевиќ. Поранешниот селектор на Србија го водеше тимот од Болоња од 2018 до 2021 година.

Единствена пречка е што 57-годишниот Ѓорѓевиќ сака повеќегодишен договор.

По поразот од Алба, Виртус остана сам на дното на табелата во Евролигата со само две победи и 11 порази.

Осум национални федерации и официјално испратиле пријави за организирање на ФИБА Евробаскетот 2029 година, потврдија од европската зона на Светската кошаркарска федерација.

Естонија, Финска, Германија, Грција Литванија, Холандија, Словенија и Шпанија се имињата на земјите од кои ќе бидат одредени домаќините на наредниот собир на најдобрите европски селекции.

А согласно со принципите на ФИБА, половина од нив ќе бидат со „добитна комбинација“ односно ќе го поделат „домаќинството“ на 43. по ред, Европско првенство.

Естонија и Холандија се единствените држави на оваа листа кои никогаш не биле во улога на организатор на финалната фаза од турнирот за Евробаскетот, додека Финска би можела да биде првата земја која би организирала два шампионати по ред, со оглед на тоа дека ќе бидат домаќини на една од натпреварувачките групи за претстојниот Евробаскет во 2025 година.

Одговорот кој ќе ја добие организацијата на овој следен голем настан во европската кошарка, ФИБА ќе го „даде“, односно објави во мај, 2025 година.

Минатата седмица ФИБА објави дека групната фаза на женскиот Евробаскет во 2027 година ќе се игра и во Белгија и Шведска, кои им се придружија на Финска и Литванија како организатори на 41. издание на Европското првенство во женска конкуренција.

Никола Јокиќ постигна трипл-дабл на натпреварот со Лос Анџелес клиперс во натпревар одигран рано утрово.

На средбата која ја добија Клиперс со 126:122, 29-годишниот Јокиќ постигна 28 поени, а забележа и 14 скока и 11 асистенции.

Така, српскиот кошаркар го повтори достигнувањето на членот на „Куќата на славните“ Меџик Џонсон со својот 138. трипл-дабл и стана трет во историјата на лигата по овој показател.

Пред Србинот се само Оскар Робертсон (181) и Расел Вестбрук (200).

Абу Даби ќе биде домаќин на фајналфорот на Евролигата во 2025 година, пренесуваат „СДНА“ и „Баскет њуз“.

Одлуката е донесена, претпладнево, по седницата на Извршниот одбор на акционери. „За“ гласале 11 клубови, против биле само Реал Мадрид и Олимпијакос.

Фајнл-форот ќе се игра од 23 до 25 мај следната година. Полуфиналните натпревари се закажани за петок на 23 мај, додека финалето е во недела на 25 мај.

Ова ќе биде првпат завршниот турнир во Евролигата да се игра надвор од Европа.

Потпишан е едногодишен договор со можност за продолжување на соработката за уште две сезони во зависност од успехот на организацијата во Обединетите Арапски Емирати.

Локацијата се уште не е потврдена, но најверојатно тоа ќе биде арената „Етихад“ со капацитет од 18.000 навивачи.

Македонскиот репрезентативец Ти-Џеј Шортс, по извонредните настапи за Париз, е избран за МВП за месец ноември во Евролигата.

Шортс го доби признанието МВП откако во пет натпревари оствари просек од 19,6 поени и 8,4 асистенции по натпревар.

Со таквите настапи, тој го предводеше францускиот тим до пет победи.

Најдобриот настап го постигна против Барселона кога Париз победи, а тој забележа 24 поени и девет асистенции.