Кошаркарите на Реал Мадрид лошо ја започнаа сезоната, особено во Евролигата, каде по осум рунди веќе имаат пет порази. На Реал му се неопходни засилувања, најмалку по еден играч во надворешната и внатрешната линија.

Ајзеа Кординие е првиот пик на Реал како засилување на бековската позиција. Францускиот кошаркар е еден од главните адути на Виртус оваа сезона, екипа која исто така лошо влезе во новата сезна.

Доколку сака да го доведе францускиот репрезентативец, Реал ќе треба да одвои половина милион евра како обештетување. Во замена за Кординие, италијанскиот тим би го довел младиот играч на Реал Мадрид, Уго Гонзалес.

Кординие, кој одигра исклучително добро на олимпискиот турнир во Париз, сезонава во италијанското првенство има просек од 10,3 поени, додека во Евролигата бележеше 14,1 поен, но и 4,7 скока и 3,9 асистенции по натпревар.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Брони Џејмс дебитираше во НБА лигата како член на Л.А Лејкерс и му ја исполни желбата на својот татко ЛеБрон, но реалноста е дека тој до крајот на сезоната ќе настапува во развојната лига.

Лејкерс официјално потврдија дека дебитантот се сели во редовите на вториот тим, односно Саут Беј Лејкерс, кој наскоро ја започнува сезоната во Џи-лигата.

Брони не доби сериозна минутажа од тренерот на Лејкерс и зад себе има 13 минути во НБА лигата, но барем ќе биде најплатен играч во развојната лига, при што планот е тој да игра само на натпреварите на домашен терен.

Синот на ЛеБрон заработува речиси 2 милиони долари по сезона, што е недофатлива сума за останатите играчи во таа лига, а сезонава барем успеа да се запише во историјата, учествувајќи во првиот тандем на татко и син на еден НБА натпревар.

„ЕСПН“ најави дека помладиот Џејмс ќе биде во ростерот на Лејкерс уште за дуелот со Филаделфија, а потоа ќе се пресели во Саут Беј и може да дебитира викендов против Солт Лејк Сити.

Во првиот натпревар од шестото коло на Првата македонска кошаркарска лига, Пелистер триумфираше со 110-93 против Феникс 2010.

Своја шутерска вечер имаше Мишковиќ, кој заврши со дабл-дабл учинок од 30 поени и 13 скокови. Антоан дојде до 18 поени, Стојановски, на својот поранешен клуб му испорача 15, Едвардс имаше 13, а Стајиќ уште 10 поени во петтата победа во оваа прва фаза од сезоната.

Кај Феникс 2010 за кој ова е петти пораз сезонава во шест одиграни мечеви, доста добар ефект имаа четири стартери, кои беа со двоен број на поени. Митревски заврши со 18 поени и шест асистенции, Баун даде 16, Тимоти 15, а Марфи уште 14 поени. Пет постигна и Сергеј Петровиќ, синот на тренерот на спротивната страна од теренот, Александар Петровиќ, што е навистина ретко виден момент во македонската клупска кошарка.

Онуралп Битим е нов кошаркар на Фенербахче. Битим се врати од НБА лигата каде го носеше дресот на Чикаго Булс.

Поранешниот кошаркар на Каршијака и Бурса потпиша договор со Фенербахче и веднаш замина на позајмица во Баерн Минхен.

Станува збор за крилен центар, во чии договор постои клаузула дека Фенербахче може да го врати кошаркарот во Истанбул доколку Баерн не избори пласман во плеј-офот.

Битим во дресот на Чикаго имаше просек од 3,5 поени и 1,4 скока по натпревар.

Еторе Месина по синоќешната победа над Реал Мадрид во Евролигата не штедеше пофални зборови за македонскиот кошаркарски репрезентативец Ненад Димитријевиќ.

Популарниот Нено синоќа постигна 22 поени и беше најдобар поентер на натпреварот. Извонредната партија се покажа како клучна за победата на Милано над кралскиот клуб.

Погледнете каква игра демонстрира. Да не заборавиме дека Нено е само дебитант во Евролигата. Во последната четвртина во Виторија и против Виртус имаше големо влијание на играта. Сигурен сум дека ако се навикне физички на лигата, ќе остави навистина силна трага во Евролигата, изјави Месина по дуелот.

Македонската женска кошаркарска репрезентација загуби вечерва во Скопје од Украина со 98-49 во рамки на квалификациите за Европското првенство 2025.

За избраничките на селекторот Александар Ашаданов ова е трет пораз во третиот натпревар по кој се последнопласирани во квалификациската група Г.

Најефикасни во македонските редови беа Митрашиновиќ со 17 и Хемпе со 16 поени,

Во следното четврто коло, македонските кошаркарки в недела ја пречекуваат Португалија.

Европското првенство за кошаркарки во 2025 година ќе се одржи во Чешка, Германија, Грција и Италија.

Кошаркарите на Олимпија од Милано го совладаа Реал Мадрид со 85-76 во 8. коло од Евролигата. Двата тима се на скор од три победи и пет порази. Реал се уште е без победа на гостински терен од почетокот на сезоната. Најдобриот меч од доаѓањето во Милано го одигра Ненад Димитријевиќ.

Избраниците на Еторе Месина многу брзо го наметнаа својот стил на игра и беше јасно дека Реал ќе има проблем. Единствен расположен беше ветеранот Серж Ибака.

Во тие воведни 10 минути, тимот на Олимпија постигна 24 поени, а четвртината ја добија со осум поени разлика.

Реал се распадна во вториот период, Олимшпија направи серија 18:3 и веќе тука ја најави победата.

Ненад Нено Димитријевиќ беше најефикасен со 22 поени (15 постигна во првиот дел), Зек Ледеј постигна 17 поени, забележа 8 скока и 2 асистенции, а новиот играч Нико Манион постигна 11 поени, имаше скок и 5 асистенции.

Серж Ибака беше најефикасен кај Реал со 13 поени и 4 скока, исто толку додаде и Марио Хезоња, додека Габриел Дек имаше 11 со 3 скока и 2 асистенции, а 10 поени и 9 скока беше учинокот на Валтер Еди Таварес.

Андре Роберсон веројатно ќе дебитира во Евролигата. Американецот кој има 32 години и 201 сантиметар, може да потпише договор со екипата на Асвел Вилербан.

Тој има реализирано 7 сезони во НБА. Цели шест години ги помина во Оклахома додека една сезона настапуваше за тимот на Бруклин.

Кошаркарот од САД сега за прв пат ќе има можност да настапи во најсилната лига во Европа.

Ѕвездата на екипата на Филаделфија, Џоел Ембид се очекува да заигра во својот тим на прв натпревар од регуларниот дел на сезоната на 12 ноември кога неговиот тим ќе игра со екипата на Њујорк Никс.

Оваа средба ќе биде и прва за екипите во новиот НБА куп.

Во вторникот НБА го суспендираше центарот на Филаделфија на три натпревари поради расправија со новинар во соблекувалната по натпревар. Инаку, Ембид го пропушти стартот на сезоната поради повреда на коленото, што резултираше и со очаен старт на 76-ките кои тргнаа со само една победа во 6 одиграни средби.