Репрезентацијата на Германија е последниот патник во полуфиналето на завршницата на Европското првенство кое што се игра во Рига, откако вечерва успеаја да го урнат отпорот на храбрата Словенија и да слават со (99-91).

Лука Дончиќ натпреварот го заврши со 39 поени, додека кај Германците Франц Вагнер заврши со 23 поени.

Во полуфиналето Германија за противник ќе ја има Финска, додека во второто полуфинале ќе се сретнат Турција и Грција. И двата меча на програмата се во петок.

Кошаркарот на Макаби Тел Авив, Роман Соркин, би можел да ја продолжи кариерата во НБА откако неколку тима покажаа интерес за него.

Соркин импресионираше на Евробаскетот за Израел, со просек од 16,5 поени и 6 скока по натпревар.

Израел го заврши учеството во осминафиналето, со поразот од Грција. Интерес за Соркин покажале Мајами Хит, Њујорк Никс и Портланд Треил Блејзерс, тврди новинарот Иан Бегли.

Инаку, Соркин се пријави на драфтото во 2018 година, но не беше избран.

Минатата сезона, играјќи за Макаби Тел Авив во Евролигата, тој имаше просек од 12,9 поени и 4,1 скока по натпревар, шутирајќи 50,9 проценти од поле.

Расел Вестбрук моментно е слободен агент и сè уште не нашол ангажман за претстојната НБА-сезона. Иако беше споменат интересот на Сакраменто, Далас и Голден стејт, ниту еден од овие тимови не направи конкретен потег.

Токму оваа неодлучност му ја отвори вратата на Синкијанг, клуб познат во кинеската ЦБА-лига по доведувањето на големи меѓународни играчи.

Предноста е очигледна – во Кина, Вестбрук би добил целосна слобода во нападот, целосна контрола врз играта и веројатно профитабилен краткорочен договор со клаузула за враќање во НБА.

За играч кој се потпира на ритам, интензитет и лидерска улога, можноста да доминира секоја вечер и да ја обнови својата репутација би можела да биде совршено решение.

Екипата на Денвер Нагетс и нивната прва ѕвезда, Никола Јокиќ, би можеле да добијат уште едно звучно засилување по Јонас Валанчиунас.

Станува збор за легендарниот Кевин Лав, кој до неодамна беше член на Мајами, а беше трејдуван во Јута на почетокот на јули.

Како што пишува американскиот новинар Марк Штајн, една од причините за размената може да се најде во фактот дека соработувал со Дејвид Аделман во Минесота.

НБА-шампионот од 2016 година одигра 952 натпревари во лигата, а неговиот најдобар резултат беше во сезоната 2011/12 кога имаше просек од 26 поени и 13,3 скока по натпревар.

Кошаркарскиот клуб Пелистер од Битола пред стартот на новата сезона е активен во создавањето на ростерот. Во клубот последните денови пристигнаа неколку странски играчи (Американци) како и репрезентативецот Андреј Митревски, од клубот стигна информација дека клубот ги продолжил договорите со неколку домашни играчи.

Продолжена е соработката со Лука Стојановски, Бобан Стајиќ, Дамјан Крстевски и со Дарко Најдовски.

Стојановски е актуелен репрезентативец на Македонија. Стајиќ минатата година се врати во Битола од редовите на Работнички, беше една од ретките светли точки во ланската турбулентна сезона, па сигурно ќе биде значаен адут на тренерот Даскаловски. За Крстевски ова ќе биде втора сезона во дресот на Пелистер, додека битолчанецот Најдовски како капитен е дел од самите почетоци на овој проект.

Екипата на Пелистер е македонскиот претставник оваа сезона во квалификациите од Лигата на шампионите.

Многу тимови на тековниот Евробаскет имаат проблеми со повредени и болни играчи, а германската репрезентација има проблеми со селекторот.

Алекс Мумбру беше хоспитализиран поради инфекција непосредно пред почетокот на турнирот и се мачеше многу за време на групната фаза во Тампере.

„Панцерите“ го презеде неговиот помошник Алан Ибрахимагиќ, кој ќе биде на чело на еден од главните фаворити за златото во продолжението на Европското првенство.

Мумбру едноставно не можеше целосно да се посвети на кошарката, а Германската кошаркарска асоцијација го објави ова на своите официјални мрежи.

„Во текот на изминатите неколку дена сфатив дека не сум физички подготвен да го водам тимот од клупата за време на натпреварите. Решив да ги прилагодам улогите во тренерскиот штаб и Алан да ја преземе одговорноста на главен тренер за време на натпреварите. Јас сè уште ќе бидам на клупата, ќе го поддржувам тимот и ќе продолжиме тесно да соработуваме. Верувам дека ова е најдобриот начин да му помогнам на тимот да постигне успех“, рече Мумбру.

Германија ќе игра против Словенија во четвртфиналето на Евробаскетот во среда од 20 часот.

Кармело Ентони и Двајт Хауард стнаа жители на Куќата на славните во Спронгфилд.

Ентони, кој играше 19 сезони во НБА, ја заработи оваа чест врз основа на неговите лични достигнувања и како член на американскиот тим кој освои злато на Олимписките игри во Пекинг во 2008 година.

Американците особено го паметат златото од Пекинг затоа што четири години претходно во Атина беа само бронзени. Ентони има уште два златни медали од Олимписките игри: 2012 во Лондон и 2016 во Рио де Жанеиро.

Родениот во Њујорк, ја започна својата кариера во НБА во 2003 година. Прво играше за Денвер Нагетс осум сезони, а потоа од 2011 до 2017 година за Њујорк Никс. Играше и за Оклахома Сити, Хјустон, Портланд, а ја заврши својата НБА кариера со ЛА Лејкерс во 2022 година.

Тој беше избран во Ол-стар тимот десет пати, но никогаш не ја освои титулата шампион на НБА. Во текот на целата негова НБА кариера, тој имаше просек од 22,5 поени и 6,2 скока по натпревар.

Кошаркарската репрезентација на Србија важеше за прв фаворит за златото, но ги заврши настапите на Евробаскетот уште во осминафиналето, со сензационален пораз од селекцијата на Финска со 86-92. која е една од домаќините на настанот.

Најефикасен кај Србија беше Никола Јокиќ со 30 поени и 8 скокови, а Никола Јовиќ додаде 18 поени.

За Финска, Лаури Марканен забележа 26 поени и 7 скокови, Јантунен уфрли 15, Литл 13 со 8 скокови и 6 асистенции, а Валтонен постигна 13 поени.

Немања Недовиќ е нов кошаркар на Монако. Неодамнешниот играч на Црвена звезда потпиша договор со клубот од малото кенжевство, кој минатата сезона играше во финалето и загуби од Фенербахче.

Недовиќ имаше договор со Црвена звезда на крајот од минатата сезона за продолжување на соработката, меѓутоа, клубот се премисли и ја прекинаа соработката. Поради оваа причина, Недовиќ потпиша за Монако и ќе биде таму следната година.

Недовиќ ја започна својата професионална кариера во Црвена звезда, подоцна играше во Валенсија, Уникаха, Панатинаикос и во НБА за Голден стејт Вориорс. Се врати во редовите на црвено-белите во 2022 година и беше член до ова лето.

Европскиот првак Шпанија доживеа дебакл на Евробаскетот 2025 откако по првата фаза го заврши натпреварувањето.

На крајот според рангирањето на ФИБА Шпанија заврши на 17. то место.

Поразот од Грција во последното коло од групата значеше крај на една ера, крај за селекторот на „црвената фурија“ Серџо Сакриоло. Тоа беше тренер кој со децении беше синоним за успех на шпанската кошарка. Заминувањето на успешниот селектор беше планиран и порано, но дојде по еден дебакл на ова првенство.

Сепак неговиот учинок тешко дека ќе биде надминат – осум медали на големите натпреварувања и тренер, кој направи спој на искусни и млади играчи. Сега сите очи се свртени кон Пабло Ласо, кој е фаворит за наследник на Скариоло.
Скариоло во новата сезона ќе го предводи Реал Мадрид.