Центарот на Детроит , Џејлен Дуран, се врати од повреда на глуждот и постигна 31 поен против Индијан.

21-годишниот кошаркар имаше и 15 скока и 3 асистенции за 29 минути на теренот. мечот поради повреди го пропушти водечките играчи на Пистонси, Кејд Канингем, Тобијас Харис и Оскар Томпсон.

Детроит на мечот со Индијана ја оствари својата 10-та победа по ред во НБА лигата.

Кошаркарите на Пелистер експресно се вратија на победнички патеки во Супер-лигата, оставајќи го зад себе поразот од МЗТ минатиот викенд со одлична победа на гостувањето против Куманово со резултат 79-87.

Кумановчани имаа перфектен ефект дома во досегашниот дел од сезонава, вечерва за првпат имаа и поддршка од своите верни навивачи на трибините, но тоа беше само мотив плус за „пелистерци“ со одлична игра да го земат скалпот на овој незгоден ривал.Стајиќ ги постигна првите поени на натпреварот, по што центарот Вилсон нанижа седум поени во серија и донесе водство од 6-9. Куманово возврати и поведе со 14-11, но Пелистер имаше одговор за оваа мини-серија на противникот, подобро завршувајќи ја четвртината и поведувајќи со 22-24 со серијата од седум поени на Дејвис и Прајс. Вториот период беше и најслабиот на овој меч на „пелистерци“, во кој на противникот му беше дозволено да доминира (27-16) и на одмор да замине со водство од 49-40.

Пелистер ја покажа својата големина во второто полувреме, во кое „зелено-белите“ собраа сили за целосен резултатски пресврт. Клучна се покажа одличната одбрана во финишот од третата четвртина во која Пелистер четири минути не прими кош, правејќи целосен пресврт и поведувајќи со 62-67 на осум минути до крајот.

Кумановчани се обидоа да се вратат, но Пелистер секогаш имаше одговор, најпрвин преку Стајиќ, потоа и преку Крстевски осигурувајќи си ја оваа голема победа. Ленгстон Вилсон со 21 поен беше прв стрелец во овој триумф, 16 имаше Стајиќ, 15 Дејвис, а двоцифрен беше и Малешевиќ со 12 поени.

Кошаркарите на Маџари со одлично второ полувреме во дуелот со Работнички направија резултатски пресврт, и стигнаа до третата по ред победа во македонското првенство. Од друга страна Работнички ја прекина серијата од четири победи.

Маџари кои по првото полувреме губеше со девет поени разлика (38-47) одигра извонредно во последните 10 минути и по 28-14 дојде до конечни 87-80.

Седмо коло:
МЗТ Скопје Аеродром – ТФТ 80-67
Ангели – Тиквеш Голден Игл
Чаир 2030 – Гостивар
Феникс 2010 – Кожув
МКК Куманово – Пелистер

Шејн Ларкин ги повреди препоните на дуелот на Ефес со Баерн Минхен, а познато е и колку долго ќе паузира искусниот кошаркар.

Тренерот Игор Кокошков нема да може да смета на долгогодишната прва ѕвезда на тимот во следните два месеци.

Повредата се случи во првата четвртина од натпреварот во Анталија, кој Ефес го доби во трилер завршница со 74-72.

Капитенот на Ефес, има просек од 15,8 поени и 4,5 асистенции по натпревар оваа сезона.

Управата на Њу Орлеанс пеликанс денес му додели отказ на Вили Грин. Четириесет и четиригодишниот тренер го водеше тимот од 2021 година.

– Имам огромно восхитување и почит кон Вили Грин и сум навистина благодарен за сè што направи за нашата организација во текот на изминатите неколку години. Ова е тешка работа и овие одлуки не се донесуваат лесно, изјави сопственикот на тимот, Гејл Бенсон.

Грин претходно беше асистент во Феникс (2019-2021) и Голден Стејт (2016-2019).

Најдоброто достигнување на Грин со Њу Орлеанс беше стигнувањето до првата рунда од плејофот на НБА во 2022 и 2024 година. Во тековната сезона Пеликанс загубија 10 од 12 натпревари и се на дното на табелата во Западната конференција на НБА-лигата.

Шпанецот Чави Пасквал е новиот тренер на Барселона, ексклузивно објавува „Мундо депортиво“.

Пасквал се враќа во „Блауграна“, со која ја освои Евролигата во 2010 година и на чија клупа го помина периодот од 2008 до 2016 година како главен тренер, а претходно беше дел од тренерскиот штаб.

По Барселона, 53-годишниот Пасквал ги тренираше Панатинаикос и рускиот Зенит во последните пет години.

Пасквал го наследи Жоан Пењароха на клупата на Барселона и ќе потпише тригодишен договор, ќе го преземе тимот следниот понеделник, а претходно Каталонците ќе го играат натпреварот од 11-то коло од Евролигата против Виртус во петок и натпреварот од шпанската АЦБ лига против Басконија во недела

Минимална победа постигнаа македонските кошаркарки во првиот натпревар од квалификациите за Евробаскет. Во Скопје попладнево совладана беше Данска со 79-78.

Во изедначен натпревар македонските кошаркарки постигнаа важна победа на стартот од новата рунда квалификации. Избраничките на селекторот Александар Ашаданов во првата четвртина водеа со 18-13, но противникот направи серија од 8-0 за водство на крајот на четвртината од 21-18. Репрезентацијата на Данска стигна и до предност од девет разлика (29-20), но македонскиот состав сепак до крајот на полувремето успеа да дојде и до водство. Во третиот период двете репрезентации се менуваа во водството, додека во последниот нашиот национален тим имаше постојано водство кое успеа да го сочува до крајот.

Најефикасна во македонската репрезентација беше Мерит Хемпе со 25 поени, додека кај Данска Фрида Форман постигна 18 поени.

Во следното коло македонската женска репрезентација игра на домашен терен во сабота, а противник е селекцијата на Грција. Дуелот се игра во СРЦ „Кале“ со почеток во 18 часот.

Кошаркарите на Пелистер претрпeа двоцифрен пораз и на третото гостување во ФИБА Европа купот откако „зелено-белите“ вечерва загубија на гостувањето против Приевидза со резултат 97-82. Словачкиот тим одигра квалитетно во текот на сите 40 минути, ја казни слабата игра во одбраната на „пелистерци “ и заслужено стигна до победата, покажувајќи им на тренерот Даскаловски и неговите избраници дека ги очекува многу работа во наредниот период.

Пелистер имаше само едно единствено водство на мечот, кога преку Ленгстон Вилсон поведе со 4-5. Резултатот беше неизвесен до 8-7 и 10-9, по што Словаците се одлепија и поведоа со 17-9. Нападот на Приевидза функционираше одлично, па домашниот состав ги заврши првите десет минути со двоцифрена предност од 27-17.

„Пелистерци“ подобро ја почнаа втората четвртина, преку Лука Стојановски намалија на 27-22, но следеше одговор на Приевидза и брзо водство на домаќинот од 39-25. Словаците пред крајот на полувремето имаа и водство од 20 поени (49-29), но Пелистер преку Стајиќ и Крстевски намали на 49-33.

Преостанатите 20 минути од овој натпревар минаа во лесна контрола над играта и резултатот од страна на домашните кошаркари, кои на крајот на третата четвртина имаа предност од 74-55, за на крајот да триумфираат со конечните 97-82, и тоа по четирите поени што во завршните секунди од мечот ги постигна Дамјан Крстевски.

Кевин Брејси Дејвис ги предводеше стрелците на Пелистер со 19 поени, пред Крстевски со 16, Малешевиќ со 15 поени, додека Си-Џеј Вилсон го заврши мечот со 13 поени, осум скока и четири асистенции.

Влезот за воведниот натпревар на македонската женска кошаркарска репрезентација против Данска во рамки на квалификациите за пласман на Европското првенство ќе биде бесплатен.

Дуелот е закажан за утре со почеток во 17 часот во СРЦ „Кале“ во Скопје.

„Ги повикуваме сите искрени љубители на кошарката, и фанови на нашата најдобра женска репрезентација да дојдат во „Кале“, и да им дадат поддршка на девојките во овој натпревар, за кој влезот ќе биде слободен“, соопшти македонската кошаркарска Федерација (КФСМ).

Македонските кошаркарки се дел од квалификациската група Ф во која се и репрезентациите на Грција и Хрватска.

Џоан Пењароа и Барселона ја прекинаа соработката, потврди каталонскиот клуб.

Крајот на соработката меѓу тренерот и кошаркарскиот гигант од Барселона дојде по уште еден неуспех во шпанската лига.

Барселона доживеа понижувачки пораз од Џирона (96-78), откако претходно загуби од Реал во евролигата и Мурсија во првенството.

„Тренерот на кошаркарскиот клуб Барселона, Џоан Пењароа, ја напушти позицијата прв тренер. Барселона му се заблагодари на Пењароа за неговиот професионализам и му посака многу успех во понатамошната кариера. Каталонецот го презеде тимот на почетокот на сезоната 2024/25, а привремено ќе биде заменет од помошникот тренер Оскар Орелана“, се вели во соопштението на Барселона.

Шпанските медиуми наведуваат дека долгогодишниот тренер на Зенит, Чави Пасквал е главен фаворит да го наследи Пењароа. Пасквал ја водеше Барселона од 2008 до 2016 година.