Џоел Ембид повторно има проблеми со коленото и затоа не е на нивото од претходните сезони, па наскоро ќе мора да оди да прави операција.

Откако го повреди коленото пред една година, Ембид потврди дека мора да оди на операција и го чека подолга пауза.

Засега нема точен термин кога ќе оди на операција, но се шпекулира дека тоа најверојатно ќе биде за време на летната пауза.

Ова за искусниот кошаркар ќе биде дури шеста операција во период од 2014 до 2025 година.

Женската кошаркарска репрезентација на Македонија доживеа болен пораз од Украина од 74-72 во последниот натпревар од квалификациите за пласман на ЕП.

Нашите кошаркарки го одиграа најдобриот натпревар во овој циклус и беа многу блиску и до победата затоа што на 55 секунди до крајот водевме со 72-71 по тројката на Митрашиновиќ.

Меѓутоа потоа не реализиравме до крајот, имавме неуспешно обиди на Николиќ и Митрашиновиќ, додека Украинките погодија три од четирите слободни и се израдуваа на триумф во Рига.

Капитенот Митрашиновиќ со 33 поени, 7 скока и 7 асистенции беше најдобар наш поединец.

Тренерот на Лејкерс Џеј Џеј Редик го објави датумот на дебито на Лука Дончиќ.

„Лука најверојатно ќе дебитира како играч за нашиот тим во вторник против Јута. Договор за ова прашање нема, но најверојатно тој се очекува во вторник. Сите сакаме да го видиме Дончиќ во дресот на Лејкерс, изјави тренерот“, на официјалниот сајт на НБА.

Лос Анџелес лејкерс на 2 февруари го објавија трансферот на 25-годишниот словенечки кошаркар.

Оваа сезона Дончиќ има просек од 28,1 поен, 8,3 скока и 7,9 асистенции по натпревар. Дончиќ во текот на својата кариера пет пати учествуваше на Ол-стар во НБА лигата. Во Лејкерс, Дончиќ дојде од Далас маверикс.

Ентони Дејвис, кошаркарот на Далас Маверикс заработи сериозна повреда и ќе биде надвор од терените на неодредено време.

Дејвис неодамна стана член на Далас Маверикс во блокбастер трејдот што го испрати Лука Дончиќ во Лос Анџелес Лејкерс.

31-годишниот крилен центар, во саботата, блескаше на дебито во новиот клуб. За 31 минута на теренот имаше 26 поени, 16 скока, седум асистенции и три блокади и се повреди.

Токму неговите чести повреди беа главната причина поради која навивачите на Маверикс стравуваа како ќе изгледа ерата со Дејвис во тимот, а тие стравувања се потврдија по нешто повеќе од половина час кошарка.

Првично не се знаеше колку е сериозна повредата, а неколку дена подоцна стигна потврда дека не е добро.

Според НБА инсајдерот Шамс Шаранија, Дејвис ќе пропушти најмалку неколку недели, а потенцијално и до еден месец.

Остануваат уште околу два месеци до крајот на регуларниот дел од сезоната, а тимот на Џејсон Кид моментално е на осмото место во Западната конференција, второ во плеј-ин зоната.

Традиционалниот НБА Ол-стар натпревар ќе се одржи од 14 до 16 февруари во Сан Франциско. Веќе се познати составите на Истокот и Западот, а исто така е познато дека играчот кој доби најмногу гласови на истокот, Јанис Адетокумбо ќе го пропушти Ол-стар викендот.

Како што пренесуваат американските медиуми, причината е повреда на левата потколеница. Ѕвездата на Милвоки поради ова е на клупата цела недела, додека последните лекарски извештаи говорат дека Гркот нема да се опорави за Ол-стар натпреварот.

Како што додава Шамс Шаранија, Јанис се уште ги чувствува последиците од повредата. Има благи болки во потколеницата, па раководството и стручниот штаб на Бакс не сакаат нивниот најдобар играч да ризикува со посериозна повреда.

Сезонава Јанис има просек од 32 поени и 12 скока, а се уште не е познато кој ќе го замени за време на спектаклот во Сан Франциско.

За потсетување, Јанис Адетолумбо требаше да игра во тимот избран од Шекил О’Нил со Никола Јокиќ, Шеј Гиџгес Александар, Виктор Вембањама, Паскал Сијакам, Алеперен Шенгун, Карл-Ентони Таунс и Донован Мичел.

Австралискиот кошаркар Бен Симонс се договорил со Бруклин Нетс да го откупи неговиот договор и сега е слободен агент, објави НБА инсајдерот Шамс Шаранија.

Претходно, Брајан Виндхорст, новинар на „ЕСПН“, објави дека првиот пик од драфтот во 2016 година одржал состаноци со претставници на Кливленд Кавалирс и Лос Анџелес Клиперс.

Во меѓувреме, Шаранија објави дека играчот планира да се приклучи на франшизата од Калифорнија.

Атланта Хокс, која е деветта во поредокот на Источната конференција со 23 победи и 28 порази, решија да се разделат со некои од нивните клучни играчи со цел да соберат што е можно повеќе драфт пикови кои ќе ги користат во иднина, како и да ослободат пари за слободните агенти во текот на летото.

Атланта го испрати Де’Андре Хантер во водечкиот во Источната конференција Кливленд Кавалирс во замена за бекот Карис Леверт, крилото Жорж Нианг, три драфт пика од втората рунда и правата на две замени на пикови.

Богдан Богдановиќ беше испратен во Лос Анџелес Клиперс. За правата на Србинот, Атланта ги добива Теренс Ман, Бонс Хајланд, како и изборите за драфтот од втората рунда во 2025, 2026 и 2027 година.

Покрај тоа, Хокс се разделија и со центарот Коди Зелер, кој се сели во Хјустон Рокетс. „Ракетите“ добиваат и избор од втората рунда на драфтот во 2028 година, а Атланта ги добива правата на центарот Алфа Каба, кој играше во републичкиот шампионат на Кореја.

Плејмејкерот на Бруклин Нетс, Бен Симонс, ќе го напушти тимот и ќе ја продолжи кариерата во друг тим, објави „ЕСПН“.

Австралиецот започна процес за откупување на неговиот договор, кој треба да биде финализиран во наредните часови. Ова ќе му овозможи да потпише со друг тим, најверојатно веќе следната недела.

Симонс е поранешен избор на драфтот од првиот круг. Тој беше драфтуван во 2016 година од Филаделфија 76-ерс, за кои имаше неколку силни сезони пред неговата статистика да почне да опаѓа од различни причини.

Во 2021 година тој беше префрлен од Филаделфија во Бруклин во договор што го испрати Џејмс Харден во спротивна насока. Сепак, Симонс никогаш не се претвори лидер каков што се очекуваше да биде и не успеа да формира ѕвездено трио со Кевин Дурант и Кајри Ирвинг, кои беа разменети во Феникс Санс и Далас Маверикс, соодветно.

Од почетокот на оваа сезона, Симонс има просек од 6,2 поени, 5,2 скока и 6,9 асистенции по натпревар. Бруклин се наоѓа на 12. место во поредокот на Источната конференција со 17 победи и 34 порази.

Според „ЕСПН“, фаворити за потписот на 28-годишниот Австралиец се Лос Анџелес Клиперс и Кливленд Кавалирс.

Женската кошаркарска репрезентација на Македонија доживеа тежок пораз во Белгрд од Србија, во петтото коло, во квалификациите за пласман на Европското првенство. Србија во салата „Александар Николиќ“ победи со 105-60. Србија со една нога зачекори на ЕП кое од 18 до 29 јуни оваа година ќе се игра во Германија, Италија, Грција и Чешка, додека Македонија го доѓивеа и петтиот пораз.

Србија ја оправда фавористската улога во дуелот со македонските девојки, кои добро се држеа само во првите 15 минути.

Најдобри кај Македонија беа Анџелика Митрашиновиќ со 17, Александра Стојановска со 16 поени и Мерит Хемпе и Илина Селчова со по десет поени. Србија со по 21 поен ја предводеа Ивон Андерсон (10 асистенции) и Јована Ногиќ.

Во размената во која Лука Дончиќ заврши во Лејкерс, а Ентони Дејвис во Далас се случи уште една голема трампа во НБА лигата.

Милвоки Бакс го испрати Крис Мидлтон во Вашингтон.

Од друга страна Милвоки ги доби Кајл Кузма и Патрик Болдвиј Жуниор и еден пик од втората рунда.