Пелистер не успеа да стигне до позитивен резултат во првото коло од ФИБА Европа купот откако битолскиот клуб вечерва беше поразен во Загреб од Цедевита јуниор со убедливи 94-76. Хрватскиот тим покажа многу повеќе на теренот во арената „Дражен Петровиќ“, Пелистер имаше проблеми и со шутот од далечина и со скок-играта, ситуација во која не можеше да се стигне до изненадување вечерва во Загреб.

Домаќините го отворија мечот со брзо водство од 6-0, пред првите поени за Пелистер да ги постигне Андреј Митревски (6-2). Цедевита Јуниор за момент имаше 8-2, но Пелистер имаше одговор и во четвртата минута поведе со 8-9, прво водство на македонскиот тим на натпреварот. По ефикасниот старт се влезе во серија грешки на двете страни, Цедевита јуниор по осум минути игра водеше со 18-16, Пелистер израмни на 18-18 со забивањето на Ленгстон Вилсон, но хрватскиот тим подобро ја заврши четвртината, поведувајќи со 24-20.

Почетокот на втората четвртина мина во знакот на Стајиќ, кој најпрви асистираше до Вилсон, а веднаш потоа украде топка и рутински реализираше за 24-24. Повторно следеше период на грешки, а откако домаќинот поведе со 28-24 тренерот Даскаловски го побара својот прв тајмаут на мечот. Цедевита Олимпија имаше најубедливи 35-27, Митревски се врати на терен и постигна пет поени во низа, но следеше нов период на криза во нападот што домаќините го искористија и на одмор заминаа со 44-35, полувреме во кое домаќинот целосно доминираше под обрачите (26-13 во скокови).

Домаќините го отворија второто полувреме со тројка за 47-35, Пелистер одговори со четири поени во низа, но Цедевита јуниор ја задржа контролата над играта и резултатот, со тројката под фаул на Даниелс стигнувајќи до најубедливи „плус 13“ (56-43). Во 27. Минута хрватскиот тим поведе со 59-45, по што Даскаловски беше принуден да побара уште еден тајмаут. Ситуацијата на теренот не се промени, хрватскиот тим издоминира до крајот на третата четвртина, во последните десет минути Пелистер влезе со негатива од 67-53.

Хрватскиот тим имаше контрола над резултатот, Пелистер само за момент намали на „минус десет“ (74-64), но следеше нова серија на Цедевита јуниор и разликата за две минути скокна на 20 поени (86-66). На крајот, хрватскиот тим славеше со убедливи 94-76 , за убедлив пораз од кој „пелистерци“ ќе мора експресно да извлечат многу поуки, за подобро да се претстават во ова европско натпреварување.

Прв стрелец на Пелистер во овој пораз беше Ленгстон Вилсон со 17 поени и 12 скокови, а двоцифрен ефект имаа уште и Митревски со 13, Си-Џеј Вилсон со 11 и Малешевиќ со 10 поени.

ТФТ повторно се враќа на настапите во АБА-2 лигата. Во новата сезона, клубот од Тафталиџе ќе отвори на гости кај тимот на Раднички од Крагујевац.

Пред дуелот со оваа екипа коментар даде тренерот Боро Смилковски.

„По пауза од една година повторно сме дел од АБА 2 натпреварувањето, овој пат поискусни и со повисоки амбиции во однос на насиот настап сесонава. Не очекува дуел против екипата на Раднички Крагујевац, КлС екипа со познато кошаркарско реноме во регионот и квалитетен состав – спој од искусни и млади играчи. Екипа која игра на голем број поседи и која игра голема агресивност во одбраната посебно на надворешните позиции. За нас после добриот почеток на сезоната натпреварот ке претставува еден вистински тест за досега сработеното и би ни дал своевидна евалуација на ростерот и потребите на екипата за вакво натпреварување. Верувам дека и двете екипи влегуваат мотивирани и со свои амбиции и дека нема да изостане добра кошарка достојна за едно вакво квалитетно натпреварување како АБА 2 лигата“, изјави Смилковски.

Натпреварот меѓу Раднички Крагујевац и ТФТ се игра во среда од 18:00 часот.

Милвоки стана првиот НБА тим во историјата кој има тројца браќа под договор. Тоа се Јанис, Танасис и Алекс Адетокунбо.

Бакс официјално објавија дека потпишале договор со Алекс, кој играше за Висконсин Херд, тим од Џи-лигата и подружница на Милвоки, од 2022 до 2024 година.

Сите кошаркарски експерти истакнуваат дека договорот со Алекс не е склучен за зајакнување на играчкиот кадар, туку е одредена отстапка направена кон најдобриот играч, 30-годишниот Јанис, за кој се вели дека наскоро ќе може да го напушти Милвоки.

Уште во 2013 година, Милвоки го избра Јанис како 15-ти пик на драфтот, а за грчкиот супер стар, Баксе сè уште се единствениот клуб во неговата НБА кариера. Со Милвоки, тој освои две титули за најкорисен играч и ја освои титулата во НБА во 2021 година.

Сепак, во последните години, Бакс редовно беа елиминирани во првото коло од плејофот на Источната конференција. Ова, како што тврдат медиумите го тера Јанис да размислува за преселба во некој друг клуб.

24-годишниот Алекс ја започна својата професионална кариера во Мурсија, а во последната година член на Будуќности од Подгорица, ПАОК и Арис. Најстариот брат, 33-годишниот Танасис, е член на Милвоки од 2019 година.

Експедицијата на Пелистер од денес е во Загреб, каде „зелено-белите“ утре ќе го одиграат првиот натпревар од ФИБА Европа купот, против Цедевита јуниор. Битолчани одлично ја стартуваа новата сезона со две убедливи победи во домашното првенство, како најава за почетокот на оваа европска авантура во групната фаза од едно ФИБА натпреварување.

Домашниот терен ќе биде адут на хрватскиот тим на утрешниот натпревар (19 часот, сала „Дражен Петровиќ“ во Загреб), но „пелистерци“ се решени воопшто да немаат епизодна улога и ќе сторат се за да стигат до посакуваниот резултат.

„Ни следува првиот натпревар на европската сцена, пред нас имаме екипа што е млада, физички добро подготвена, што игра агресивна кошарка на двете страни од теренот. Главна задача ќе ни биде да одговориме на таа нивна брза игра и да ја контролираме топката во нападот. Се наоѓаме во добра форма, одлично отворивме во домашното првенство и се надеваме дека така ќе продолжиме и на европската сцена“, вели Бобан Стајиќ, еден од најискусните во играчкиот кадар на КК Пелистер.

Кошаркарите на Пелистер вечерва ќе тренираат во Загреб, а утре наутро ќе имаат уште еден тренинг, овојпат во салата „Дражен Петровиќ“ каде утревечер во 19:00 часот ќе излезат на мегдан со хрватскиот претставник во ова европско натпреварување.

Сите кошаркарски натпревари во младинска и сениорска конкуренција закажани од 14 до 19 октомври се одложуваат поради претстојните локални избори во Македонија.

Министерството за внатрешни работи (МВР) извести дека полициските службеници ќе бидат целосно ангажирани за обезбедување на изборниот процес.

Натпреварите ќе се одржат во нови термини од 20 до 22 октомври.

Доколку клубовите се договорат, мечот може да биде одигран и по овие датуми, но само со писмена согласност и најдоцна до почетокот на следното коло (25–26 октомври).

Во првиот натпревар од второто коло на Супер лигата, кошаркарите на Пелистер имаа една одличнаа четвртина, третата, беше доволна за победа над на Чаир.

За „зелено-белите“ ова е втора победа во сезоната, за уште подобро расположение пред европските обврски во ФИБА Евро купот.

По убедливиот триумф над Работнички со 40, вечерва Пелистер славеше над Чаир со 30 разлика 104:74.

Малешевиќ беше прв стрелец во победничката екипа со 23. поени, а имаше и осум скока и шест асистенции. Митревски заврши со 15.поени, Л. Вилсон дојде до 13, Си-Џеј Вилсон и Крстевски додадоа по 12, а Дејвис имаше 11,.

Во гостинската, Билингсли застана на бројката од 27.поени, на кои придодаде и 11. скока. Четмен финишираше со 12, а Бетсон и Рушити имаа по 11.

Црвена Ѕвезда и грчкиот стратег Јанис Сферопулос се разделија по заедничка одлука на двете страни, соопшти клубот преку официјално соопштение.

Одлуката е донесена по состанокот на претседателот на клубот Жељко Дрчелиќ, генералниот спортски менаџер Милан Томиќ, менаџментот и досегашниот тренер Сферопулос, а како што се наведува, таа е направена во најдобар интерес на клубот во овој момент.

Сферопулос го презеде водството на “црвено-белите” на 21 октомври 2023 година и во текот на две години на клупата освои вкупно четири трофеи – титулата во АБА лигата, две Куп натпреварувања “Радивоје Кораќ” и првенството на Србија. Под негово водство, тимот минатата сезона стигна и до плеј-ин фазата на Евролигата.

Црвена Ѕвезда се заблагодари и на неговиот помошник, Василис Гераготелис, за ангажманот и придонесот во работата на клубот во изминатиот период.

Јанис Антетокумпо е легенда на Милвоки Бакс и, заедно со Карим Абдул-Џабар (Лу Алсиндор), оставија најдлабок белег во историјата на овој клуб.

Токму двајцата ги донесоа единствените две шампионски титули. Јанис беше МВп на финалната серија против Феникс во 2021 година.

Со денови се зборува дека Јанис би можел наскоро да замине, и дека бил многу блиску до преселба во Њујорк Никс ова лето.

„Веќе многу пати кажав, сакам да бидам во ситуација каде што можам да победувам и да освојувам титули и сега сум тука. Верувам во овој тим, верувам во моите соиграчи. Тука сум за да бидам лидер на тимот, да видиме до каде можеме да стигнеме и сигурно нема да ни биде лесно. Сега, за шест или седум месеци, можам да се предомислам. И јас сум човек. Дозволено ми е да носам свои одлуки, но сега сум целосно фокусиран и посветен на овој тим“, рече Адетокумбо.

Сè се случи во првите денови од тековната календарска година, кога Ертел практично се договорил за сите услови со Барселона, но веднаш по слетувањето во Каталонија, го пречекале непријатни вести бидејќи клубот го прекршил својот збор.

За да ја прифати понудата од Барселона, Ертел го одбил Асвел поради што и решил да го тужи клубот од Каталонија.

Од друга страна, Барселона инсистира дека не е формализиран никаков договор меѓу двете страни, односно дека нема докази дека клубот го измамил играчот. Овие тврдења кошаркарот ќе мора да ги докаже на суд.

Како што е наведено, првото рочиште треба да биде закажано наскоро.

Познатиот аргентински кошаркар, Карлос Делфино, официјално соопшти дека става крај на долгата и богата кариера.

43-годишниот Делфино играше повеќе од две децении во неколку славни клубови, а минатите две сезони ги мина во италијанскиот второлигаш, Бенедето Ченто.

Во текот на кариерата настапуваше уште за Пезаро, Фортидудо Болоња, Торино, Басконија, Бока Јуниорс, Химки и Реџо Калабрија.

Имаше и завидна НБА етапа, каде го носеше дресот на Хјустон, Милвоки, Торонто и Детроит.

Минатата сезона ја комплетираше со просек од 11 поени, 2,8 скокови и 2,1 асистенции по наптпревар.