Реал Мадрид и понатаму своите домашни натпревари ги игра во кампот Валдебебас, бидејќи на Сантијаго Бернабе трае реконструкцијата.
Таа би требало да биде завршена во август идната година, а Реал за истата ќе потроши повеќе од 500 милиони евра. Во минатите неколку дена, беше објавено дека теренот на реновираниот стадион ќе биде мултифункционален.
Имено, на него еден ден ќе биде одигран фудбалски натпревар, а веќе наредниот стадионот ќе може да биде домаќин на музички концерт или пак кошаркарски натпревар, иако стадионот се наоѓа во градот и околу него нема место за поместување и складирање на теренот.
Поради тоа, шпанската компанија која е изведувач на реконструкцијата замисли дупка длабока 30 метри во која стадионот ќе ги складира терените кои не се во употреба. Тие ќе се менуваат на системот како лента и ќе бидат сместени еден под друг.
Со тоа, под стадионот ќе поминува и метро, па така клубот ќе добие и своја метро станица.

Македонската репрезентација до 19 години убедливо со 4-0 загуби од соодветната селекција на Бугарија на пријателскиот натпревар во
турска Анталија. Без шестмина стандардни фудбалери (Лука Станковски, Методи Максимов, Димитар Тодоровски, Марио Илиевски, Кристијан Тасевски и Берат Калкан), кои поради клупски обврски не се вклучени на подготовките, македонската репрезентација не можеше сериозно да им се спротивстави на врсниците од Бугарија. Дополнителен хендикеп за селекторот Арслани беше и отсуството на Луан Абази кој заработи повреда на вчерашниот тренинг. Во 34. минута, Трифонов го отвори резултатот, а во второто полувреме истиот фудбалер зголеми на 2-0 по еден од игра. Двоен стрелец за Бугарија беше и Сираков.
Македонија до 19: Стефан Митрев, Филип Костовски, Славе Маркоски, Мартин Величковиќ Радуловиќ, Виктор Крстевски, Иван Николов, Зуфер Шајини, Бехар Фета, Октај Ракипи, Арда Окан, Фатон Адеми; Замени: Новаков, Николов, Ѓуровски, Фетаи, Терзиев, Рамани, Игњатов, Трајаноски, Арифи, Абази, Џемаили, Петејчук, Муше

Се чини дека Бока Јуниорс на самиот крај од трансфер периодот би можела да добие огромно засилување.
Откако клубот беше елиминиран во полуфиналето од Копа Либертадорес, Бока сака нова титула која ќе биде посветена на Диего Марадона, а според информациите, нов предводник на нападот на клубот би можел да биде Диего Коста.
Шпанските и аргентинските медиуми тврдат дека преговорите се движат во добра насока, Коста кој го раскина договорот со Атлетико има желба да игра за Бока, иако има понуди и од родниот Бразил.
Многумина веќе го замислуваат тандемот Диего Коста – Тевез, иако Тевез е веќе на крајот од својата кариера и не е стандарден во првиот состав.
Бока Јуниорс веќе го ангажираше Маркос Рохо, поранешниот фудбалер на Манчестер Јунајтед, а наводно блиску до потпис е и Гастон Хименез, поранешен играч на Сампдорија кој сега настапува во МЛС.

Според првичните информации, Хари Кејн ќе мора на подолга пауза.
Како што јавуваат англиските медиуми, повредата на Кејн не е наивна и тој би можел да паузира месец и половина.
Во тој период, Тотенхем ќе ги одигра клучните натпревари во борба за трофеи.
Доколку Кејн е надвор од теренот до втората половина од март, ќе ги пропушти натпреварите против Челзи, Манчестер Сити и Арсенал, како и уште пет натпревари во Премиерлигата, потоа двомечот со Волфсбергер во 1/16 финалето од Лига Европа и потенцијалното осминафинале, како и гостувањето кај Евертон во ФА Купот.
Се уште се чека официјална потврда, но според очекувањата Кејн го чека подолга пауза и тоа во клучниот период во кој Тотенхем може да ги заврти работите во своја корист.
Се поставува главното прашање – кој ќе го замени Кејн во тој период, ако Мурињо вели дека не го гледа Бејл на таа позиција, а Карлос Винисиус ја нема довербата на тренерот?

Аталанта е во напредни преговори за офанзивниот играч на врска на Шахтјор, Коваленко. Украинецот веќе ги договори личните услови со Аталанта, па останува да се договорат уште деталите помеѓу двата клуба за да се официјализира трансферот.
24-годишниот фудбалер има само 8 одиграни меча оваа сезона во првеството, но постигна 4 гола.
Цената на Коваленко во моментов изнесува околу 6 милиони евра, а во Аталанта доаѓа како замена за Папу Гомез, кој се пресели во Севиља.

На Интернет и социјалните мрежи кружи ретко видео кое ја воодушеви аргентинската и светската јавност.
На видеото, Диего Марадона и Лионел меси одработуваат загревање воочи натпревар на аргентинската репрезентација.
Марадона ја предводеше Аргентина од 2008. до 2010. година, а Меси во тој период беше на самиот почеток од својата кариера.
На видеото кое деновиве кружи на социјалните мреди, Марадона и Меси се загреваат и додаваат на средината од теренот.
Марадона почина на 25. ноември 2020. година, во 60. година од животот.

Бразилецот Хулк се врати во неговата татковина и потпиша договор со Атлетико Минеиро. Низ медиумите се шпекулираше дека Хулк би можел да се пресели во Порто во Португалија, Вест Хем од Англија, се споменуваа и клубови од Турција и Франција. На крајот ништо не испадна од тоа, после 15 години повторно ќе игра во Бразил.
За дебито во Атлетико Миениро ќе почека. Поради ситуацијата со коронавирусот првенството во Бразил е продолжено, па Хулк ќе мора да почека оваа сезона, па да биде регистриран за наредната.
Како што е објавено тој потпишал договор на две години со опција истиот да биде продолжен на уште една.

Езџан Алиоски влезе во последните шест месеци од договорот со тимот на Лидс.
Во островските медиуми се најавуваше дека договорот на Алиоски ќе биде продолжен, но тоа засега официјално не е направено и поради тоа се појавуваат шпекулации поврзани за неговата иднина. Последните денови актуелни се информациите дека преговара со турскиот гигант Галатасарај.
После таквите гласини Алиоски за „Би-Би-Си“ не ги коментираше директно ваквите шпекулации, но истакна дека е задоволен од својот престој во Лидс и можноста да игра против најдобрите играчи во светот.
„Убаво ми е тука, стилот на игра кој го имаме мене ми се допаѓа. Секој ден учам по нешто ново и најдоброто од се е што во Премиер лигата играте против најдобрите играчи во Европа. Навистина е посебно да се надигрувате со нив и да им покажете колку знаете“, изјави Алиоски.