feature

Чешка ќе добие нов селектор, Хашек доби отказ

Раководството на Фудбалската федерација на Чешка едногласно го прифати денес предлогот на претседателот Давид Трунда за разрешување на селекторот Иван Хашек и неговиот помошник Јарослав Веселех. Одлуката е донесена по состанокот на Федерацијата по враќањето на националниот тим од Фарските Острови и поразот од 1:2 во квалификацискиот натпревар за Светското првенство.

Првиот човек на чешкиот фудбал Трунда изјави дека, по анализата на резултатите од октомврискиот мундијалски циклус од натпреварите против Фарските Острови и Хрватска, е донесена одлука за итна смена на селекторската клупа.

Нов селектор ќе биде предложен во наредните денови, а целта, како што нагласи Трунда, останува иста – пласман на Светското првенство следната година.

Пеп го сака Андерсон од Форест во Сити

Манчестер сити е заинтересиран за потпишување на играчот од средниот ред на Нотингем Форест, Елиот Андерсон.

Според „Експрес“, трансферот на 22-годишниот Англичанец би можел да го чини Сити приближно 87 милиони евра.Челзи е исто така заинтересиран за играчот

Во сезоната 2025/26, Андерсон имаше една асистенција во девет настапи во сите натпреварувања. Неговиот договор е до 30 јуни 2029 година.

„Трансфермаркт“ ја проценува неговата трансферна вредност на 35 милиони евра.

Брогдон одлучи да ја заврши кариерата

Малколм Брогдон одлучи да се пензионира од НБА по девет сезони

„Официјално се пензионирам од кошарката. Гордо ги посветив мојот ум, тело и дух на играта во изминатите неколку децении. Иако морав да жртвувам многу за да стигнам до тука, добив многу награди. Длабоко сум благодарен што стигнав до овој момент по мои услови и сега ги жнеам наградите од мојата кариера со моето семејство и пријатели. Од дното на моето срце им се заблагодарувам на сите што беа дел од моето патување“, го цитираше 32-годишниот Американец ESPN.

Брогдон имаше просек од 12,7 поени, 3,8 скока и 4,1 асистенции во 24 натпревари за Вашингтон визардс во сезоната 2024/25.

Кошаркарот беше избран од Милвоки како 36-ти избор на НБА драфтот во 2016 година. Тој играше и за Индијана, Бостон и Портланд. Тој се приклучи на Њујорк никс пред сезоната 2025/26.

Интер неколку недели без Дармијан

Фудбалерот на Интер, Матео Дармијан, ќе ги пропушти претстојните натпревари на тимот, потврди калчо-лигашот.

Во соопштението на лекарскиот тим се вели дека дефанзивецот има истегнување на тетивата на левата нога и дека ќе биде надвор од терените најмалку неколку недели.

Дармијан нема да игра против Рома в сабота во Серија А и на натпреварот од Лигата на шампионите со белгискиот тим Ројал Унион.

Маратон за пелистерци: Четири меча во седум дена за момците на Даскаловски

Екипата на Пелистер се врати назад во Битола, каде од утре ќе стартува со подготовки за пеколниот ритам на натпревари што ќе ги очекува „пелистерци“ во наредниот период.

Дуелот од третото коло во Супер-лигата ќе го играме против екипата на Маџари, договорено е со промена на домаќинствата тој меч да биде одигран во Битола, но поради одржувањето на „Локалните избори 2025“ натпреварот Пелистер – Маџари е закажан за следниот петок (24 октомври во 19 часот, сала „Боро Чурлевски“).

Претходно, Пелистер в среда го очекува првиот домашен меч од ФИБА Европа купот во кој битолчани пред своите верни навивачи ќе го пречекаат словачкиот тим Превидза.

По тој дуел закажан за 22 октомви и мечот со Маџари на 24 октомври, Пелистер до крајот на следната седмица ќе одигра уште еден меч, на 26 октомври во рамките од Супер-лига против скопски Феникс, по што ќе следи гостувањето против кипарски Керавнос во третата рунда од ФИБА Европа купот.

Барса го носи Влаховиќ како замена за Левандовски

Барселона ја разгледува можноста напаѓачот на Јувентус, Душан Влаховиќ, да биде замената за Роберт Левандовски. Претходно беше објавено дека поранешниот играч на Баерн Минхен ќе ја напушти „блауграна“ ова лето.

Договорот на српскиот репрезентативец со клубот од Торино истекува на крајот од тековната сезона. Освен Барселона, за играчот е заинтересиран и Баерн Минхен.

25-годишниот Влаховиќ постигна четири гола и имаше една асистенција на осум натпревари за клубот оваа сезона. 37-годишниот Левандовски постигна четири гола на девет натпревари.

Клајверт не е повеќе селектор на Индонезија

Патрик Клајверт повеќе не е селектор на репрезентацијата на Индонезија. Менаџментот на федерацијата се одлучи да му каже благодарам на легендарниот холандски фудбалер, а сега тренер, откако тој не успеа да ги постигне посакуваните резултати со тимот.

Клајверт стана селектор на Индонезија на почетокот на оваа година и потпиша двегодишна соработка. Сепак, резултатите не се очекуваните, земјата очекуваше успех во квалификациите, и конечно пласман на еден голем турнир, што не се случи.

Иако Индонезија за прв пат под негово водство стигна до четвртото коло од азиските квалификации, надежите беа уништени минатата недела. Поразите од Саудиска Арабија и Ирак ги уништија соништата на Индонезија да игра на своето прво Светско првенство.

Шампионот Еурофарм Пелистер и уморен го освои Кавадарци

Само дваесет часа по дуелот со Барселона во Лигата на шампионите против Барселона, првакот Еурофарм Пелистер одигра дуел од Суперлигата со Тиквеш и го совлада среде Кавадарци со 25-30 (12-15).

Пелистерци отворија подобро, погодуваа Тајник, Атанасијевиќ, Кузмановски и Валид за 1-4. Успеа домаќинот да се консолидира, па пријде до 3-5, ама бргу на семафорот се врати предноста од четири гола откако реализираа Валид и Видомски (3-7). Погоди Мартин Манасков за 5-7, а потоа гостите врзаа серија од 0-5 и се одлепија на седум разлика. Сепак, до полувремето домашните ја преполовија негативата и на одмор се замина со 12-15.

Успеа Тиквеш во второто полувреме да дојде и израмнување (18-18), но шампионот тука одново „додаде гас“ и до крајот повторно беше подобриот тим за петти триумф од стартот на сезоната

Во победничкиот табор со по пет гола се истакнаа браќата Петар и Павле Атанасијевиќ, Домен Тајник и Рудолф Хекбарт.

Во следното осмо коло, в сабота од 13:00 часот Еурофарм Пелистер го игра градското дерби со Еурофарм Пелистер 2.

Германија пресилна за македонските ракометарки

Женската ракометна репрезентација на Македонија со пораз ги почна квалификациите за Европското првенство. Вечерва во Гумерзбах, нашите девојки беа поразени од Германија со 34-18 (14-8).

Иако одигравме солидно во првиот дел, во второто полувреме Германките, особено во финишот, ја зголемија разликата која на крајот не чинеше повеќе од убедлив пораз. Апсолутниот фаворит во групата уште на стартот на квалификациите потврдува дека е најголем фаворит за директен пласман на ЕП.

Емилијана Ризоска беше најдобра во нашата репрезентација со 8 гола, додека Ива Младеновска постигна четири.

Индонезија го отпушти Клајверт по неуспехот во квалификациите

Патрик Клајверт е отпуштен од функцијата селектор на индонезиската фудбалска репрезентација по неуспешниот обид за пласман на Светското Првенство. Поранешната ѕвезда на Барселона и Ајакс беше назначен во јануари 2025 со договор на две години, но заминува по лошите резултати и последното место во квалификациската група, каде Индонезија загуби убедливо од Саудиска Арабија, Ирак и Иран.

Фудбалската Федерација на Индонезија соопшти дека соработката е раскината по взаемен договор. Заедно со Клајверт, отпуштен е и целиот стручен штаб.

Во 8-те натпревари под негово водство, Клајверт не успеа да донесе резултати што ги очекуваа навивачите. Неговото доаѓање беше пречекано со ентузијазам, со надеж дека ќе донесе европско искуство и мудрост. Но, слабите игри и резултати брзо ја намалија таа почетна возбуда, оставајќи ја федерацијата под силен притисок да реагира.

По неговото заминување, Индонезија ќе треба брзо да најде нов селектор што ќе ја предводи репрезентацијата во нов циклус.

«< 409 410 411 412 413 >»