Познати полуфиналните парови од Купот на Македонија во одбојка

„Финале пред финалето“ донесе ждрепката за полуфиналните парови од завршниот турнир од Купот на ОФМ во женска конкуренција. Одбојкарките на Работнички Скопје и Јанта Волеј КВ ќе се соочат во второто полуфинале кај дамите, закажано за в петок (4 април) од 19 часот, што судијќи според досегашните меѓусебни дуели ќе биде едно од највозбудливите натпревари во салата „25 Мај“ во Радовиш. Претходно, во првото полуфинале од 16 часот ќе се соочат Наковски Волеј и Фит Фан Волеј. Патот до титулата во женска конкуренција е отворен, откако бранителот на трофејот Струмица жени беше елиминиран во осминафиналето.

Тридневната куп-програма стартува ден порано, на 3 април, кога се играат машките полуфиналиња. Во првото полуфинале бранителот на пехарот Штип УГД ќе се соочи со Работнички 71&амп;22 од 16 часот, додека Струмица 47&амп;72 ќе игра со Борец во второто полуфинале од 19 часот.

Одбојкарска федерација на Македонија заедно со општина Радовиш како технички организатор од 3 до 5 април во салата „25 Мај“ во Радовиш ќе ги пречека најдобрите четири екипи во Купот во машка и женска конкуренција.

Клоп не дозволил Тен Хаг да го преземе РБ Лајпциг

Германските и англиските медиуми пишуваат дека поранешниот менаџер на Манчестер јунајтед, Ерик тен Хаг требало да ја преземе тренерската функција во Лајпциг.

„Скај Спортс“ објави дека, во клубот сериозно размислувале за ангажманот на 55-годишниот Холанѓанец во случај да го разрешат сегашниот тренер Марк Росе. Сепак, предлогот за назначување на Ерик Тен Хаг го блокирал од Јирген Клоп.

Како што е познато, поранешниот менаџер на Ливерпул од јануари работи како директор за фудбалски развој во Ред Бул, во чии состав е и Лајпциг.

Клоп и Тен Хег беа ривали како тренери седум пати, при што Германецот беше поуспешен со 3:2 победи (со две нерешени), а особено за паметење е рекордната победа на Ливерпул од 7:0 над Манчестер јунајтед на 5.март 2023 година.

Тен Хег имаше одлични резултати со Ајакс, со кого, меѓу другото, три пати беше холандски шампион, но доживеа фијаско како менаџер на Манчестер јунајтед, каде што доби отказ во октомври минатата година.

Миротиќ се повреди, голем проблем за Месина и „манекените“

Кошаркарот на Олимпија Милано, Никола Миротиќ заработи фрактура на опашката на натпреварот против Фенербахче во Евролигата.

Миротиќ мораше да го напушти теренот во третата четвртина поради силни болки откако доби удар кој го испрати на подот.

Најпрво изгледаше како проблем со ногата, но во официјалното соопштение на клубот беше појаснето дека тој доживеал удар во опашката. Клубот најави дека на Миротиќ во наредните часови ќе му бидат извршени дополнителни прегледи, а сериозноста на повредата останува нејасна.

Евентуалното подлго отсуство на Никола Миротиќ би преставувал тежок удар за Милано, кој е пред клучениот дел од сезоната.

Сон: Сами сме виновни за поразот во Холандија

LONDON, ENGLAND – FEBRUARY 26: Heung-Min Son of Tottenham Hotspur during the Premier League match between Tottenham Hotspur FC and Manchester City FC at Tottenham Hotspur Stadium on February 26, 2025 in London, England. (Photo by Alex Pantling/Getty Images)

Капитенот на фудбалскиот состав Тотенхем, Хонг-Мин Сон, се осврна на поразот АЗ Алкмар со 1-0 во првиот меч од осминафиналето во Лига Европа.

„Разочарувачки е што се претставивме толку слабо, вклучувајќи ме и мене. Секогаш е тешко да се игра на гости во Лига Европа. Немавме шанси во првото полувреме.

Нема оправдување, едноставно не одигравме доволно добро. Ништо не е загубено, не чека реванш“, рече играчот на „спарси“.

Врвните тенисерки ќе имаат право на породилно отсуство

Повеќе од 320 тенисерки ќе имаат право на платено отсуство до 12 месеци преку новиот породилен фонд на ВТА, а финансиски средства ќе бидат достапни и за лекување на неплодност, пренесува Би-Би-Си.

Тенисерите ќе мораат да се натпреваруваат на минимален број ВТА турнири во одреден временски период за да стекнат право на

Породилната програма ќе биде целосно финансирана од Фондот за јавни инвестиции на Саудиска Арабија, кој е глобален партнер на ВТА турнејата.

Поранешната светска тенисерка број еден, Белорусинката Викторија Азаренка, која го роди синот Лео во 2016 година, лани во изјава за Би-Би-Си рече дека воведувањето платено породилно отсуство ќе биде „огромна победа за жените“.

Раул Алонсо: Горд сум на Битола и на моите ракометари

По натпреварот со ПСЖ Раул Алонсо од Еурофарм Пелистер кажа дека е горд на играчите и за она кое го покажале оваа сезона под негово водство во Лигата на шампионите.

„Многу сум горд на Битола и моите играчи, затоа што денес дадовме што можевме. Имавме тешка недела, со ракометари кои беа болни, па не беше лесно да се подготви овој дуел.

Мечот тргна лошо за нас, ПСЖ е одличен тим со светска класа играчи, ги искористија првите минути да направат разлика, но ние се вративме, се боревме добро. Беше тешко да се остане во натпреварот, секогаш бевме два до три гола зад ривалот. Можеби не бевме и доволно добри во одбраната. На полувреме губевме пет гола, пак се вративме, покажавме енергија во последните минути, но мора да прифатиме дека нашето ниво не беше доволно да се носиме со ПСЖ.

Ама, како што кажав, јас сум горд на овие играчи, дадоа максимум. Овие натпревари ќе ги направат посилни. На крајот шанса добија и помладите играчи, па среќен сум затоа што нашата публика ја препозна борбата и цело време беше со нас“, изјави Раул Алонсо.

Негредо ја заврши професионалната кариера

Шпанскиот фудбалер Алваро Негредо официјално ја заврши својата кариера. Информацијата ја сподели на социјалните мрежи, каде се заблагодари на сите негови соиграчи и поддржувачи.

39-годишниот ветеран ја започна кариерата во Рајо Ваљекано, а потоа играше за Севиља, Манчестер Сити, Валенсија, Мидлзборо,Бешикташ , Ал Наср, Кадиз и Ваљадолид.

Најголем клупски успех му е премиерлигашката титула со „граѓаните“ во 2014 година, а за шпанската репрезентација забележа 21 настап и постигна десет голови. Со „фуријата“ стана европски шампион во 2012 година.

Кирјиос го напушти Индијан Велс заради нова повреда

Австралиецот Ник Кирјиос го заврши настапот на АТП турнирот во Индијан Велс, откако се повреди во воведното коло и го предаде рано утрово дуелот против холандскиот тенисер Ботик ван де Зандшулп.

Кирјиос го загуби првиот сет во тајбрејк, а во вториот противникот имаше предност од 3-0 во гемови кога австралискиот тенисер одлучи да се повлече од теренот поради болка во зглобот на десната рака.

Ван де Зандшулп во второто коло ќе се соочи со петкратниот освојувач на Индијан Велс, Србинот Новак Ѓоковиќ.

„Бев многу уверен дека ќе можам да играм. Пред два дена почувствував болка во зглобот и бев принуден да прекинам со тренинзите, но пред денешниот натпревар се чувствував добро и мислев дека нема да има проблем. За жал, работите постепено се влошија, болката стана многу акутна и не можев да продолжам“, образложи Кирјиос.

Австралискиот тенисер, кој беше финалист на Вимблдон во 2022 година, одигра само еден натпревар во претходните две сезони поради здравствени проблеми, а неговата последна победа на АТП турнирите беше во октомври 2022 година во јапонската престолнина Токио.

Турнирот во Индијан Велс се игра за награден фонд од 13 милиони долари.

ПСЖ спремен да испрати понуда за Кимих

Францускиот шампион ПСЖ испрати официјална понуда за играчот од средниот ред на Баерн Минхен, Џошуа Кимих, јави германската телевизија Скај.

Според истиот извор, ПСЖ му нуди договор на капитенот на германската репрезентација до 2029 година.

Договорот на Кимих со Баерн истекува на крајот од оваа сезона, а двете страни веќе неколку месеци водат преговори за евентуално продолжување на соработката.

30-годишниот Кимих го носи дресот на Баерн од 2015 година.

Кличко ќе ја прекине пензијата и ќе се врати во рингот

Владимир Кличко е еден од најдобрите боксери во историјата. Украинецот беше неприкосновен светски шампион од 2008 до 2015 година, а титулите ги бранеше 25 пати. Кариерата ја заврши во 2017 година, по поразот од Ентони Џошуа и рекорд од 64 победи и пет порази.

Откако се повлече од спортот, се занимава со политка. Неговиот брат Виталиј е градоначалник на Киев. Сепак, според последните информации на американските медиуми, славниот Украинец би можел да се врати во рингот на 49-годишна возраст.

Имено, неговиот долгогодишен менаџер и промотор Том Лофлер во интервју за „The Ring“ изјави: „Владимир е историска личност. Не сакам да шпекулирам во негово име, но од она што го разбрав, тој сака да се врати во борба за титулата“.

“Ако некој може да се врати на оваа возраст, тоа е тој. Тој е во врвна форма и секогаш кога ќе го видам, тој е ист како кога имаше серија од 25 одбрани титулата. Има многу навистина добри борби за него. Реваншите со Џошуа и Фјури. Борбата за титулата со Дубоа би била одлична борба”, додаде Лефлер.

Доколку се врати и го нападне појасот, ќе има шанса да стане најстариот шампион во тешка категорија во историјата. Тој рекорд сега го држи Џорџ Форман, кој беше шампион на 45-годишна возраст.

Веќе се појавија гласини дека Кличко би можел да се врати во рингот, во борба за појасот на ИБФ што го држи Дубоа, во спротивно ќе мора да се бори со својот сонародник Усик, што не го сака.

feature