feature

Дресот на Брајант продаден за седум милиони долари

Дресот на Коби Брајант во предсезоната и дебито во регуларната сезона со Лос Анџелес Лејкерс беше продаден за седум милиони долари на аукција во „Сотбис“ во Њујорк, објави аукциската куќа.

Дресот се совпаѓаше со фотографии од седум натпревари од неговата дебитантска сезона 1996/1997, вклучувајќи го неговото деби во предсезоната на 16. октомври и дебито во регуларната сезона на 3. ноември 1996 година, како и неговиот ден за медиуми во НБА.

Со цена од седум милиони долари, овој дрес е четвртиот најскап користен спортски дрес, зад дресот „call shot“ на Бејб Рут (24 милиони долари), дресот на Мајкл Џордан од финалето на НБА во 1998 година (10,1 милион долари) и дресот на Диего Марадона од Светското првенство во 1986 година, кој беше продаден за 9,3 милиони долари.

„Првите натпревари се навистина уникатни моменти во кариерата на еден спортист“, рече раководителот на одделот за модерни колекционерски предмети на „Сотбис“, Брам Вахтер, во изјава за ESPN.

„Тие го означуваат почетокот на едно извонредно патување, а за легендарни спортисти како Коби Брајант, овие пресвртници имаат уште поголемо значење бидејќи претставуваат уникатен момент во времето што никогаш повеќе не може да се повтори.“

Оваа продажба ги надмина 5,85 милиони долари што беа платени за неговиот потпишан дрес што го носеше на натпреварот кога беше прогласен за МВП во сезоната 2007/2008.

Петкратниот шампион во НБА, Брајант, загина на 41-годишна возраст во хеликоптерска несреќа во јануари 2020 година, во која загинаа и неговата ќерка Џана и уште седум други

Кејлор Навас: Барса ми испрати понуда по повредата на Тер Штеген

Soccer Football – Champions League – Round of 16 – Second Leg – Real Sociedad v Paris St Germain – Reale Arena, San Sebastian, Spain – March 5, 2024 Paris St Germain’s Keylor Navas during the warm up REUTERS/Juan Medina/File Photo

Кејлор Навас се поврзуваше со Барселона кон крајот на минатата година кога Каталонците бараа голман откако Марк-Андре тер Штеген заработи сериозна повреда. Искусниот голман реши за прв пат да проговори на оваа тема.

„Дали Барселона ме контактираше кога Тер Штеген се повреди? Да, тие го контактираа мојот менаџер кој ме информираше дека има интерес да ме доведат. Тоа беше голем комплимент за мене, но и комплицирана ситуација“, вели Навас и продолжува.

„Доколку Флорентино Перез ме повикаше, со пливање ќе дојдев од во Мадрид од Костарика. Реал е посебен за мене, да ме прашаа ќе ја завршев кариерата таму.“

Костариканецот пристигна во Реал Мадрид во летото 2014 година од Леванте и остана пет години, освојувајќи сè што можеше со „кралскиот клуб“.

Сепак, кога ја изгуби позицијата прв голман во летото 2019 година, тој се пресели во ПСЖ. Тој бранеше и за Нотингем Форест, а во првиот дел од сезоната беше без клуб откако истече договорот со клубот од Париз.

Сепак, 38-годишниот голман се врати на сцената претходно оваа година кога потпиша за аргентинскиот Њуелс Олд Бојс.

Силвана Карбеска и Марија Илиева добија европско финале

Македонските ракометни судијки, Силвана Карбеска и Марија Илиева ќе ја имаат честа и задоволството да го судат финалниот меч од завршниот турнир во Лигата на Европа.

Овој наш искусен судиски двоец има одсудено многу мечеви во Лигата на шампионите и во Европскиот Куп, па ова секако доаѓа како награда за досега сработеното на највисоко можно ниво.

„Рајфајзен Арена“ во австрискиот град Грац ќе биде домаќин на овој завршен турнир.

Во првото полуфинале ќе играат германскиот Бломберг и данскиот Икаст, додека во втората полуфинална средба ќе се соочат францускиот Дижон и германскиот Турингер.

Омерагиќ на отворањето на регионална канцеларија на УЕФА во Истанбул

Европската фудбалска асоцијација (УЕФА) отвори регионална канцеларија во Истанбул на пригодна свеченост на која присуствуваше и претседателот на Фудбалската федерација на Македонија (ФФМ), Масар Омерагиќ. Свеченоста беше одбележана со присуство на шефот на турската држава Реџеп Таип Ердоган, претседателот на УЕФА Александар Чеферин, како и речиси сите претседатели на фудбалските сојузи од регионот.

Поздравувајќи го отворањето на новата регионална канцеларија во Истанбул, првиот човек на ФФМ Омерагиќ истакна дека станува збор за стратешки проект за понатамошен развој и унапредување на фудбалската соработка во Југоисточна Европа.

„Преку оваа нова канцеларија, УЕФА ќе ја зајакне својата координација со земјите од регионот, а интеграцијата на европскиот фудбал ќе се продлабочи уште повеќе“, посочи Омерагиќ.

Гундоган: Беше чест да се дели соблекувалната со Де Брујне

Фудбалерот, Илкај Гундоган, го потенцираше Кевин Де Брујнe, за најдобар играч во историјата на Манчестер Сити. Познaто е дека на крајот на сезоната Белгиецот ќе го напушти англискиот клуб.

„Тој е незаменлив. Знаеме дека никој не може да дојде и едноставно да го замени. Секако, некако ќе ја пополниме таа празнина, клубот секогаш успева да го направи тоа.

Тоа што Кевин го направи за овој клуб е неверојатно. Беше радост да го делам теренот со него толку многу години“, рече играчот од средниот ред на „граѓаните“.

Рашфорд сака да игра во Шпанија

Фудбалерот на Астон Вила, Маркус Рашфорд, кој игра како позајмен од Манчестер Јунајтед, не крие дека сака да го облече дресот на Барселона.

27-годишниот напаѓач кој нема да се врати на – „Олд Трафорд бидејќи не влегува во плановите на менаџерот, Рубен Аморим, има опција да остане во сегашниот тим за околу 40 милиони фунти или да направи трансфер во друг состав.

Ќе потсетиме дека Барса сакаше да го ангажира Рашфорд во текот на зимата но, не успеа поради одредени финансиски проблеми.

Јуве се вклучи во трката за Украинецот Судаков

Челниците на фудбалскиот состав, Јувентус, веројатно во текот на летото ќе испратат понуда до играчот на Шахтјор Донецк, Георги Судаков, велат последните информации од Италија.

Украинецот во текот на зимскиот период се поврзуваше со неколку екипи но, сепак остана во клубот.

Извршниот директор на Шахтјор Донецк, Сергеј Палкин, неодамна потврди дека во моментов има најмалку два тима што сакаат да го ангажираат играчот од средниот ред.

Џими Батлер неизвесен за третиот меч со Хјустон

Поентерот на Голден Стејт, Џими Батлер, може да го пропушти наредниот натпревар со Хјустон во разигрувањето за титулата во НБА Лигата.

Тој беше подложен на магнетна резонанца која не покажа структурни оштетувања, но, ѕвездата на Вориорс ќе мора да биде крајно внимателен во наредните два дена.

Третиот меч меѓу Голден Стејт и Хјустон ќе биде одигран на 27 април. Резултатот е 1-1 во победи.

Влаховиќ се повреди во поразот на Јуве во Парма

Италијанскиот фудбалски прволигаш Јувентус соопшти денеска дека неговиот играч Душан Влаховиќ се здобил со повреда на бутот.

„Душан Влаховиќ денеска беше подложен на дијагностички прегледи, кои открија преоптоварување на мускулот на десната нога. Неговата состојба ќе се следи секојдневно“, се вели во соопштението на Јувентус.

Српскиот напаѓач е најдобар стрелец на Јувентус оваа сезона со 14 голови на 38 натпревари.

Јувентус е петти на табелата во италијанската Серија А со 59 бодови, а клубот од Торино на овогодишното Светско клупско првенство ќе игра во групата Г со Манчестер Сити, Видад и Ал Аин. (

Ти-Џеј Шортс одбил голема плата од Барса

Ти Џеј Шортс, еден од најдобрите кошаркари во Европа, наводно ја одбил понудата од Барселона од 2,5 милиони евра.

Шортс, годинава „ведри и облачи“ од европската кошарка, а заедно со неговиот Париз е најубавата приказна сезонава во Евролигата.

Американецот со македонски пасош статистички доминираше, па регуларниот дел од сезоната во Евролигата го заврши со 18,8 поени и 7,5 асистенции,а со Париз избори место во плеј-офот.

Со оглед на тоа што неговиот договор со францускиот тим истекува на крајот од сезоната, јасно е дека најголемите европски клубови ќе направат се за да го доведат, а меѓу првите се обиде Барселона.

Според „Планета баскет“, Барса на Шортс му понудила договор вреден 2,5 милиони евра годишно, но тој го одбил.

Се шпекулира дека репрезентативецот на Македонија се уште не сака да донесе одлука за својата иднина, односно дека сака по завршувањето на сезоната да ги разгледа сите понуди од заинтересираните клубови.

«< 810 811 812 813 814 >»