Американскиот фудбалски МЛС лигаш Атланта повторно го ангажираше Херардо „Тата“ Мартино како тренер, потпишувајќи договор со аргентинскиот стратег до 2027 година. Мартино се враќа во клубот што го водеше до шампионската титула во МЛС лигата во 2018 година, кога беше прогласен за тренер на годината.
„Овој момент не е враќање во минатото, туку можност да поставиме нов темел и да продолжиме да еволуираме во согласност со барањата кои ги носи редовната борба за врвот во МЛС“, рече сопственикот на клубот Артур М. Бланк.
Мартино пред речиси една година го напушти Интер Мајами од лични причини, по една сезона во клубот. Во текот на својата кариера, Аргентинецот освои 11 трофеи на клупско и репрезентативно ниво во Северна и Јужна Америка, како и во Европа.
Интер Мајами го ангажираше во јули 2023 година, во моментот кога Лионел Меси го имаше своето деби за клубот. Мартино претходно го тренираше Меси во Барселона и во репрезентацијата на Аргентина, а двајцата ја обновија соработката во Мајами.
Кенет Фарид пред потпис со Панатинаикос
Панатинаикос не игра добро на почетокот на сеозната во Евролигата. Зелените се на скор од пет победи и четири порази. Покрај тоа тимот остана без класичен центар, Лесор се уште е на рехабилитација, а во меѓувреме се повредија Хомс и Јурцевен.
Дека не може да игра без класичен центар, Ергин Атаман најдобро виде во средата, кога Панатинаикос доживеа тежок пораз во Белград од Црвена звезда (86-68).
Сопственикот на тимот Димитрис Јанакопулос најде решение за центарската позиција во Тајван, поточно во ликот на НБА ветеранот Кенет Фарид, поранешен соиграч на Никола Јокиќ во Денвер четири сезони.
Фарид помина седум сезони таму, а ги бранеше и боите на Бруклин и Хјустон, додека европско искуство стекна во ЦСКА Москва во 2021 година и во Реџо Емилија минатата сезона.
Популарниот „Менимал“, кој за една недела ќе наполи 36 години, целата своја кариера ја играл на позицијата крилен центар, но Фарид, висок 203 см, ќе може да ги покрива центарските позиции во Европа, единственото прашање е дали ќе може да го стори тоа во елитното континентално натпреварување.
Фарид играше во НБА (478 лигашки натпревари и 18 плејоф натпревари) од 2011 година, кога беше избран како 22-ри пик на драфтот, до 2019 година и неговото прво патување во Кина, а играше и во Мексико и Порторико. Тој беше дел од репрезентацијата на САД која го освои Светското првенство во Шпанија во 2014 година.
Милан во јануари тргнува во Левандовски
Според каталонскиот весник „Спорт“, Милан сака да го ангажира Роберт Левандовски во јануарскиот преоден рок.
Актуелниот договор на Левандовски со Барселона истекува по крајот на оваа сезона. Тој преферира да го испочитува цел, а потоа да замине како слободен играч.
Барселона би била отворена за негова продажба доколку Милан има интересна понуда, Каталонците преферираат да заработат некое евро од неговото заминување.
На Милан му е потребен напаѓач со оглед на тоа што Хименез не им се погоди, па сега се разгледвуаат поинакви алтернативи.
Тотенхем во јануари ќе тргне по Родриго
Иднината на Родриго во Реал Мадрид е неизвесна, се појасно е дека тој нема уште долго време да биде член на шпанскиот гигант.
Таквата негова позиција го прави интересен за други клубови, а информациите од Англија велат дека Тотeннем е загреан за него.
Англискиот клуб е подготвен да го одврзе ќесето за да потпише со Родриго.
Се верува дека и фудбалерот би прифатил предизвик во Премиер лигата.
Ваноли е наследникот на Пиоли во Фиорентина
Поранешниот шеф на стручниот штаб на Торино, Паоло Ваноли (52), пристигна во Фиренца за да ја преземе функцијата тренер на Фиорентина, која е на дното на табелата во Серија А, јавија денеска италијанските медиуми.
Ден претходно, Ваноли спогодбено го раскина договорот со Торино, кој важеше до јуни 2026 година. Ваноли во Фиорентина доаѓа на местото на Стефано Пиоли, кој беше отпуштен во вторникот поради катастрофален почеток на сезоната.
Фиорентина не победи на ниту еден натпревар во првите десет кола во Серија А и е на дното на табелата со четири нерешени резултати и шест порази.
Ваноли треба да потпише договор со клубот од Фиренца до крајот на сезоната, со можност за продолжување на соработката за уште една година, а во клубот од Фиренца се враќа по повеќе од 20 години, кога настапуваше за Фиорентина како фудбалер од 2000 до 2002 година.
Ваноли треба да дебитира на тренерската клупа на Фиорентина в недела на гости против Џенова, која, исто така, оваа недела го смени својот тренер, назначувајќи го Даниеле Де Роси на местото на Патрик Виеира.
Аморим: Цел ми е да се поправиме и да не примаме толку многу голови
Менаџерот на Манчестер Јунајтед, Рубен Аморим, изјави дека тимот треба повеќе да се фокусира на одбраната за да го намали бројот на шутевите кон нивниот гол. Јунајтед ремизираше 2-2 на гостински терен со Нотингем Форест во 10-то коло од Премиер лигата, а Аморим вели дека премногу лесно примаат голови.
„Ако ја погледнете табелата, ќе видите дека тимот што води не прима голови. Ова е првенствено тимско прашање, бидејќи сè е меѓусебно поврзано. Понекогаш, ако напаѓате подобро, се браните поефикасно. Но, не можеме да продолжиме да примаме толку голови како што примаме сега. Треба да бидеме поагресивни. Во последниот натпревар, се мачевме во одбраната во шеснаесетникот бидејќи му дозволивме на противникот да ја центрира топката без да врши притисок врз крилата. Оваа недела работевме на овој аспект за да ја подобриме ситуацијата“, рече Рубен Аморим.
Билети во продажба за натпреварите на Македонија до 21 година против Шведска и Полска во Битола
Македонската репрезентација до 21 година на 13 и 18 ноември на стадионот „Петар Милошевски“ во Битола ќе одигра два домашни натпревари од квалификациите за Европското првенство 2027.
Продажбата на билети за натпреварите на македонската репрезентација против Шведска и Полска се одвива преку електронската платформа на ФФМ, eticket.ffm.mk и во продажните места на Димпо Тобако во Битола. Цената на билет изнесува 200 денари.
Бидете поддршка за нашите фудбалски надежи во важните квалификациски натпревари.
Горан Станиќ го објави списокот за У21 дуелите против Шведска и Полска
Репрезентацијата на Македонија до 21 година на 13 и 18 ноември ќе биде домаќин на два квалификациски натпревари за Европското првенство 2027 против селекциите на Шведска и Полска. Двата натпревара ќе се одиграат на стадионот „Петар Милошевски“ во Битола.
Селекторот Горан Станиќ за претстојните натпревари со Шведска и Полска се одлучи да ги повика следните фудбалери:
По четири кола од групата за пласман на ЕП 2027, Македонија има победа против Ерменија. Полска и Италија се на првите две места со максимални 12 бодови.
На 20 ноември во Цирих, Македонија ќе ги дознае ривалите во баражот за СП 2026
Фудбалската репрезентација на Македонија на 20 ноември, два дена по натпреварот со Велс во Кардиф, последен од квалификациите, ќе ги дознае и ривалите во баражот за пласман на Светското првенство.
Жрепката за финалната разрешница на квалификациските турнири за пласман на Светското првенство 2026 и европските плеј-оф натпревари ќе се одржи во седиштето на ФИФА во Цирих, Швајцарија, во четврток, на 20 ноември 2025 година. Два дена по натпреварот меѓу Велс и Македонија во Кардиф, нашиот национален тим ќе ги дознае и ривалите со кои ќе води финална битка за пласман на Мундијалот.
Македонија се уште е во битка за освојување на второто место во квалификациската група за пласман на Светското првенство, а има и друга опција да биде дел од баражите и како еден од победниците од Лигата на нации. Жрепката е закажана за в четврток на 20 ноември, со почеток во 13:00 часот во Цирих.
Оваа жрепка ќе го одреди патот што 22-те селекции, шест преку плеј-оф турнирот и 16 преку европските плеј-оф натпревари, треба да го поминат за да обезбедат место на првото Светско првенство со 48 репрезентации, кое ќе се одржи во Канада, Мексико и САД од 11 јуни до 19 јули 2026 година.
28 селекции веќе обезбедија место на Светското првенство, додека уште 14 нации – три од КОНКАКАФ и 11 од УЕФА, ќе се квалификуваат преку конфедерациските квалификации овој месец.
Плеј-оф турнирот на ФИФА ќе има две финалиња, каде ќе се соочат победниците од полуфиналните натпревари меѓу селекциите неносители и селекциите носители. Победниците ќе обезбедат две места за Светското првенство 2026.
Европските плеј-оф натпревари ќе ги сочинуваат 12-те второпласирани репрезентации од групите и четирите најдоброрангирани победници од секциите на УЕФА Лига на нации. 16-те тимови ќе бидат поделени во четири плеј-оф патеки по четири тима.
Натпреварите ќе се играат во полуфиналиња и финалиња по еден натпревар за да се одредат последните четири европски учесници на Светското првенство 2026. Следното издание на ФИФА ранкингот ќе биде објавено на 19 ноември 2025 за да се обезбеди правилно спроведување на жрепката.
Крос против модерната строгост: „Фудбалот е контактна игра“
Пензионираниот ас на Реал, Тони Крос, застана во одбрана на Луис Дијас, откако колумбискиот офанзивец беше исклучен во победата на Баерн Минхен над ПСЖ во Лигата на шампионите. Контроверзниот момент се случи кон крајот на првото полувреме, кога Дијас со остар старт го повреди Ашраф Хакими, а судијата по преглед на ВАР му додели директен црвен картон. Според Крос, одлуката била премногу под влијание на повредата, наместо на самиот дуел, потенцирајќи дека фудбалот е контактна игра и не секој тежок старт заслужува исклучување.
Во својот подкаст, Крос ја објасни својата позиција:
„Ако Хакими се кренеше веднаш по стартот, никој немаше ниту да го прегледа тој момент,“ изјави тој. Според него, судиите треба да се водат од самата ситуација, а не од нејзините последици. Крос призна дека стартот изгледал грубо, но смета дека Дијас не настапил со намера да повреди. Дел од фудбалската јавност се согласи со него, додека други сметаат дека сериозноста на повредата ја оправдува црвената санкција.
Инцидентот повторно ја отвори дебатата за судиските критериуми во европскиот фудбал, особено околу улогата на ВАР и влијанието што го имаат повредите врз конечните одлуки. Крос со своите коментари го насочи вниманието кон поширокото прашање: дали судиите треба да ја раздвојуваат самата акција од нејзиниот исход, особено во натпревари со висок притисок. Случајот со Дијас уште еднаш покажа колку е тенка линијата меѓу жесток дуел и прекумерна агресија, оставајќи ги навивачите и аналитичарите поделени околу тоа дали исклучувањето било оправдано.
