Галатасарај во зимскиот преоден рок сака да ја засили одбраната, а најголема желба е дефанзивецот на ПСЖ, Милан Скриниар.

Милан Скринар не е среќен со неговиот статус во ПСЖ бидејќи не игра многу и е спремен да ја промени средината.

Јувентус е заинтересиран за неговиот потпис, но Галатасарај сака да ја добие битката и да го „украде“ пред носот на „старата дама“.

Двата клуба го саката на позајмица со право на откуп, па се очекува голема битка за неговиот потпис.

Каталонските медиуми пренесува дека примарна трансфер цел на Барселона следното лето ќе биде ѕвездата на Ливерпул, Луис Дијаз.

Ливерпул не размислува за трансфер, но самиот фудбалер сака да ја промени средината и да се пресели во Шпанија.

Дијаз игра фантастично оваа сезона, но преговорите за продолжување на договорот со Ливерпул не одат добро, а причина за тоа е Барселона.

Колумбиецот има голема желба да се пресели на „Камп Ноу“, а познато е дека Барселона веќе подолго време го посакува во своите редови.

Карло Анчелоти е најтрофејниот тренер на Реал Мадрид откако „белите“ вчера го совладаа тимот на Пачука во финалето на Интерконтинеталниот Куп.

Тоа за Италијанецот беше 15-от пехар со што го помина на вечната листа Мигел Муњоз, кој има 14 трофеи во периодот од 1960 до 1974 година.

Анчелоти работеше за „кралевите“ во два одделни периода. Прво од 2013 до 2016 година а потоа од 2021 година до денес.

Луѓето од Ливерпул бараат замена за бекот, Трент Александер-Арнолд, чија иднина на стадинот „Енфилд“ е под знак прашалник.

Имено, неговиот договор ќе истече во јуни а медиумите речиси се сигурни дека ќе потпише за Реал Мадрид.

Весникот – „The Sun“, објави дека „црвените“ сакаат да го ангажираат 24-годишниот, Џереми Фримпонг од Баер Леверкузен. Холанѓанец има трансферна сума од околу 50 милиони евра

Фудбалерот на Астон Вила, Џон Дуран, влегува во радарот на италијански Наполи, велат последните информации од Англија.

Колумбиецот кој има само 21-година, го привлече вниманието на повеќе европски гиганти. Тој има има 11 гола во 24 натпревари за англискиот состав.

Наводно, луѓето од Неапол ги оствариле првите контакти за евентуален трансфер во текот на летото.

Во денешните натпревари од четвртфиналето од англискиот Лига Куп немаше изненадувања.

Арсенал со хет-трик на Габриел Жесус го победи Кристал Палас со 3-2, Њукасл со 3-1 славеше над Брентфорд, Ливерпул со 2-1 победи на гостувањето кај Саутемптон.

Утре се игра последниот четвртфинален дуел од Лига Купот, мечот меѓу Тотнем и Манчестер јунајтед.

Ждрепката за полуфиналето е веднаш по натпреварот во Лондон.

Oткако се раздели со Динамо Загреб, Сергеј Јакировиќ кариерата ја продолжува далеку од Европа.

Фудбалскиот стратег ќе седне на клупата на Дамак од Саудиска Арабија. Станува збор за клуб кој не е во редот најголеми во оваа земја и најголема ѕвезда во тимот е Сенегалецот, Хабиб Диало.

Отказот во Динамо Јакировиќ го доби по дебаклот од 9-2 против Баерн Минхен, а претходно со Динамо успеа да освои двојна круна и да му донесе на тимот пласман во Лигата на шампионите.

Валенсија одигра 1-1 на гостински терен кај Еспањол кој исто така е во зоната за испаѓање од Ла Лига.

Димитриевски бранеше на овој меч, втор натпревар во низа за нашиот голман во Ла Лига, така ќе биде и на следниот поради отсуството на Мамардашвили поради повреда.

Димитриевски прими гол од Пуадо пред крајот на првото полувреме, Еспањол поведе со 1-0.

На самиот почеток од второто полувреме Лопез даде гол за израмнување на 1-1.

До крајот на мечот и двете екипи играа офанзивно, имаа шанси, имаше и дури три поништени голови, еден на Еспањол, два на Валенсија. Сепак резултатот остана непроменет.

Фудбалерите на Реал Мадрид по деветти пат станаа светски клупски шампиони откако во финалето на Интерконтиненталниот куп на ФИФА го совладаа мексикански Пачука со 3-0.

Ова е шести пат Мадрид да слави на Светското клупско првенство под покровителство на Светската фудбалска федерација (ФИФА), а претходно трипати го освојуваа Интерконтиненталниот куп.

Петнаесеткратниот европски првак поведе во Доха во 37. минута со голот на Килијан Мбапе, по асистенција на Винисиус Жуниор.

Мбапе потоа во 53. минута му асистираше на Родриго за 2-0. Конечниот резултат го постави Винисиус од пенал во 84. минута.

Реал е последниот светски клупски шампион во овој натпреварувачки формат, од следната година Мундијалот ќе се игра на секои четири години со 32 клуба.

Реал така ќе има шанса да го одбрани пехарот веќе од 14 јуни до 13 јули во Соединетите Американски Држави.

Жил Кунде помина најмногу време на теренот во 2024 година.

Заклучно со 15 декември, фудбалерот на Барселона оваа година одигра 69 натпревари, вкупно 5.872 минути.

Според анализата на Фудбалската опсерваторија (ЦИЕС), во пресметката се вклучени натпревари на клупско и репрезентативно ниво, вклучувајќи ги и натпреварите во репрезентациите У21 и У23.

Втор на оваа листа е Колумбиецот од Флуминенсе Џон Аријас, додека трет е играчот на Реал Мадрид Федерико Валверде.

Арис оваа година одигра 67 натпревари, а Валверде 66.

Зад нив се Вирџил Ван Дајк (Ливерпул), Николас Отаменди (Бенфика) и Гранит Џака (Баер).

Анализата покажа дека најголемиот број играчи, очекувано, поминале најмногу време на теренот играјќи натпревари на клупско ниво (73,2%), додека остатокот од нивната игра е исполнета со настапи за репрезентацијата и во европските натпреварувања.