Синоќа беше одигран натпреварот од 20. коло во англиската Премиер лига помеѓу Вест Хем и Брајтон, мечот заврши нерешено – 0-0. Оваа средба беше петта во целата сезона во Премиер лигата каде не беше постигнат ниту еден гол. Веќе се одиграни вкупно 198 натпревари.

Список на натпревари во англиската Премиер лига во сезоната 2023/2024 во кои не беа постигнати голови

Бурнмаут – Челзи (5. коло)

Кристал Палас – Фулам (6. коло)

Кристал Палас – Нотингем Форест (8. коло)

Ливерпул – Манчестер Јунајтед (17. коло)

Вест Хем – Брајтон (20. коло)

Единствена екипа која беше дел од два вакви натпревари е Кристал Палас. Избраниците на Рој Хоџсон се на 14. место на табелата и на 20 натпревари постигнале 22 голови.

Вејн Руни доби отказ на тренерското место во второлигашот
Бирмингем Сити по ужасната серија од 15 натпревари на „Сент
Ендрју“.
Легендата на Манчестер Јунајтед беше назначен за шеф на „сините“
уште во октомври, но победи само на два натпревари за време на
неговиот мандат.
Бирмингем по разочарувачки пораз од Лидс со 3-0, го означи крајот на мандатот на поранешниот шеф на Дерби Каунти и Ди Си Јунајтед.

Карим Бензема пред крајот на минатата година ја напушти Саудиска
Арабија и се врати во Европа, на поради повреда на стапалото.
Медиумите тврдат дека Французинот не сака да се врати во Ал
Итихад и дека сака да остане во Европа. Напаѓачот е на удар на
навивачите, но и на медиумите кои го прогласија за главен виновник
за лошите резултати на Ал Итихад.
Шпанските медиуми истакнуваат дека тој одлучил да се врати во
Европа и сега прави се за клубот да го раскине неговиот договор.
Бензема има годишна плата од 100 милиони евра, а покрај тоа добива
бонус од 20 милиони евра како амбасадор на кандидатурата на
Саудиска Арабија за Светското првенство во 2030 година.

Чави Хернандез доби уште една добра вест за претстојниот период –
Иниго Мартинез се врати во тимот. Мартинез е еден од најважните
играчи во системот на Чави, а колку недостасува кога не е во тимот
покажува податокот што каталонците победија само еднаш без него.
Поразите од Антверп и Жирона, како и ремито со Валенсија беа
токму поради лошата одбрана во отсуство на Мартинез. Чави веќе
најави дека Мартинез ќе биде во почетниот тим штом биде спремен за игра.
Планот на Чави е Кунде да биде во ротација на десната страна, додека стоперскиот тандем да го сочинуваат Араухо и Иниго. Сега ако се одземе Гави за кого сезоната е завршена недостасува само Педри.
Во четврток Барса гостува на Лас Палмас, а потоа за викендот во
Купот на Шпанија игра против нисколигашот Барбастра, па патува во
Ријад на Суперкупот каде што ќе се соочи со Осасуна во
полуфиналето.

Аталанта и официјално потпиша со дефанзивецот Исак Хин. Фудбалерот на Верона ќе биде дел од тимот од Бергамо до 2028 година.

Верона за 24-годишниот играч доби 8,5 милиони евра.

Хин од минатата сезона игра во Серија А, а во тековниот шампионат одигра 10 натпревари.

Екипата на Брера од Струмица денеска објави дека го раскина договорот со 21-годишниот напаѓач Папа Оумар Сисе од Сенегал, кој во редовите на Брера Струмица дојде летово.

Сисе од почетокот на сезоната го носеше дресот на Брера, откако во Струмица дојде од италијанскиот клуб Авецано. Во есенскиот дел од првенството имаше 14 настапи.

Истовремено, Христијан Малески кој беше на позајмица во Бреар се враќа повторно во Струга Трим Љум.

Француски „Ле Паризиен“ пишува дека Килијан Мбапе се уште не одлучил дали следната сезона ќе се пресели во Шпанија или Англија. Според весникот, тој наводно сега ја променил својата одлука.

Иако с еочекуваше сигурен трансфер во Реал, менаџерот на Ливерпул, Јирген Клоп веќе подолго време го следи и се обидува да го убеди да се пресели на „Енфилд Роуд“.

Ливерпул планира да го замени Мохамед Салах со Мбапе, кому договорот со ПСЖ му истекува на крајот од сезоната.

Поранешниот фудбалер на Манчестер Јунајтед Ерик Баи, официјално премина во редовите на шпанскиот прволигаш Виљареал.

Дефанзивецот во последните три месеци беше дел од Бешикташ, но неговата етапа во Турција завршува брзо и повторно се враќа во една од ТОП-5 лигите.

Во турскиот клуб одигра само осум натпревари, а потоа беше еден од петмината играчи кои беа исклучени од тимот поради „недоволно залагање и лош перформанс на теренот“.

Неговиот агент најави дека Бешикташ ќе добие тужба поради нарушување на договорот и непочитување на играчот, а дополнително ќе бидат побарани и сите плати кои биле предвидени во соработката која требаше да трае 18 месеци.

Ерик Баи кариерата ја започна во Еспањол, а потоа играше уште за Виљареал, Олимпик Марсеј и Манчестер Јунајтед. За него ова ќе биде втора етапа кај „жолтата подморница“, каде настапуваше во периодот меѓу 2015 и 2016 година.

Играчот на Брентфорд, Иван Тони, кој доби забрана за настап поради илегално обложување, во јануари ќе направи голем трансфер.

Суспензијата му трае до 17 јануари 2024 година, а веќе му соопштил на Бренфорд дека сака да ја промени средината во зимскиот преоден рок.

Најсилен интерес за 27-годишниот напаѓач покажува Арсенал, кој сака да доведе големо засилување во нападот.

Тони има договор со Брентфорд до 2025 година и клубот за неговата слобода бара 60 милиони евра.

Англиските медиуми пренесуваат дека најголема желба на Покетино во јануарскиот преоден рок е неговиот сонародник Пауло Дибала.

Дибала има договор со Рома до 2025 година, но и клаузула од 13 милиони евра која ќе биде активна од 1 јануари.

Клаузулата важи само за клубовите надвор од Серија А, а Челзи е спремен да ја плати.

„Сините“ на Дибала му нудат двојно повисока плата, па ако Аргентинецот реши да замине, Рома нема да може да го задржи.