Трабзон во зимскиот преоден рок планира да направи реконструкција на тимот. Старо-новиот тренер Абдула Авчи на трансфер листата стави шестмина фудбалери, еден од ние е и македонскиот репрезентативец Енис Барди.

Пред неколку недели, германските медиуми пишуваа дека Унион Берлин, на чија клупа сега седи екс-тренерот на Трабзон, Ненад Бјелица, сака да го донесе Барди во своите редови.

Покрај Барди на траснфер листата се најдоа и Филип Бенковиќ, Жоакин Фернандез, Умут Бозок, Димитриос Курбелис и Јенс Стригер Ларсен.

Угледниот италијански спортски весник – „Кориере дело спорт“, објави, дека Лајпциг ќе понуди 25 милиони евра за македонскиот фудбалски репрезентативец, Елиф Елмас.

Тоа е втор пат бундеслигашот и еден од најголемите клубови во Германија да атакува на потписот на македонскиот репрезентативец. Да потсетиме дека во изминатиот летен преоден рок се споменуваше дека Лајпицг е подготвен да понуди 30 милиони евра за фудбалерот на Наполи.

Сега останува да се види што ќе кажат наполитанците за овој нов атак на Лајпциг, посебно ако се знае дека Елмас и кај новиот стратег на шампионот, Валтер Мацари, тешко ќе го добие првотимскиот статус.

Дисциплинската комисија на Фудбалската федерација на Англија (ФА) го казни вечерва Манчестер сити со 120.000 фунти поради неспортски однос на неговите фудбалери кон главниот судија за време на неодамнешното премиерлигашко реми (3-3) против Тотенхем.

„Манчестер Сити е обвинет за кршење на правилото Е20.1 на ФА. Во 94. минута од натпреварот клубот пропушти да обезбеди неговите играчи да не се однесуваат несоодветно“, соопшти ФА.

Казната доаѓа откако при резултат 3-3, норвешкиот напаѓач Ерлинг Халанд, иако беше фаулиран, успеа да ја проследи топката на противничката половина до Џек Грилиш, кој имаше отворен простор кон голот на Тотенхем. Судијата Сајмон Хупер не почитуваше предност и одлучи да ја прекине акцијата и да досуди слободен удар за Сити.

Судиската одлука предизвика реакција на теренот од играчите на актуелниот англиски првак. ФА отвори истрага за инцидентот која резултираше со висока парична казна.

Џејдон Санчо е во потрага по нов клуб откако влезе во конфликт со тренерот Тен Хаг и сака да го напушти Манчестер Јунајтед.

Англичанецот влезе во расправија со тренерот Тен Хаг па дури и не тренира со првиит тим и јасно е дека во јануари ќе ја промени средината. Иако во последните недели се шпекулираше дека може да се врати во Борусија Дортмунд, сепак најконкретен инетрес за Санчо покажува Лајпциг.

Јунајтед сака по секоја цена да се ослободи од Санчо и е спремен да го пушти на позајмица плајќајќи дел од неговата плата.

Лајпциг сака да го доведе, но проблем е големата плата на Англичанецот, па веќе работи на трансферот.

Иако многу се шпекулираше дека Томас Милер ќе го напушти Баерн Минхен на крајот на сезоната, сепак легендата ќе продолжи да игра за Баварците.

Имено, двете страни постигнале договор за продолжување на соработката до 2025 година, пренесува „Билд“. Челниците на баварскиот клуб и Томас Милер постигнале комплетен договор, а останува само да се потпише договорот.

Милер е член на Баерн од 2000 година каде до денес освои 32 трофеи. За првиот тим на клубот од Минхен одиграл 680 натпревари и постигнал 237 голови.

Европските гиганти се силно заинтересирани за младиот дефанзивец на Аталанта, Џорџо Скалвини.

Скалвини иако има само 20 години веќе стора сезона е стандаеден во дресот на Аталанта, а дебитираше и за италијанската репрезентација. Скалвини важи за еден од најголемите таленти на Апенините, а многумина го споредуваат со легендарниот Паоло Малдини.

Може да игра како централен дефанзивец и бек, а европските гиганти веќе подолго време ги следи неговите настапи.

Реал Мадрид сака да ја победи конкуренцијата и да го доведе Италијанецот во јануари, бидејќи е во потрага по нов дефанзивец.

Фудбалерот на Борусија Дортмунд, Карем Адејеми, ќе мора да биде надвор од терените подолг период, објави вечерва германскиот состав.

Офанзивниот играч за врска се повреди на натпреварот од Лигата на шампионите против Пари Сен Жермен и засега не се знае колку време ќе мора да оди на рехабилитација.

Оптимистичките прогнози велат дека играчот на „милионерите“ може да му се стави на располагање на тренерот, Един Терзиќ, некаде кон средината на јануари.

Претседателот на Барселона, Жоан Лапорта, зборуваше за иднината на главниот тренер на каталонскиот клуб Чави. Претходно почнаа шпекулации дека Шпанецот може да биде разрешен од функцијата.

„Ние целосно му веруваме на Чави. Нема ништо од тие гласини“, рече Лапорта.Во моментов Барселона е на третото место во поредокот на шпанскиот шампионат со 35 бодови.

Тимот заостанува девет бода зад водечката Џирона. Актуелниот договор на Чави со каталонска Барселона е до јуни 2025 година.

Репрезентацијата на Косово е во потрага по нов селектор, а откако не успеа опцијата со Блаж Слишковиќ сега медиумите во оваа земја пишуваат за две имиња.

Едната опција е легендарниот турски стратег Шенол Ѓунеш кој во 2002 година ја водеше репрезентацијата на Турција до третото место на Светското првенство, додека втората е уште попознато име.

Наводно, во игра е легендарниот бразилски фудбалер Роберто Карлос. Карлос долги години како фудбалер го носеше дресот на Бразил, а на клупски план најголемите успеси ги оствари во Реал Мадрид.

Се истакнува дека раководството на Косово го преферира Ѓунеш кој имал и понуда од Азербејџан.

Хуан Роман Рикелме убедливо победи на изборите одржани во претходниот ден.

Рикелмер кој досега беше потпретседател освои 64% од гласовите на вкупно 43.367 гласачи кои се појавија на „Ла Бомбониера. Противник на Рикелме му беше Андрес Ибара кој доби поддршка и од аргентинскиот претседател Хавиер Милеи, но ниту тоа не му помогна.

Претходно токму Милеи предизвика многу контроверзии предложувајќи Бока да биде приватизирана, тој предлог беше месовно одбиен од навивачите. Веројатно и таа ситуација е една од причините за убедливата победа на Рикелме.

Сега пред Рикелме е тежок период на реконструкција во клубот кој играше финале на последното издание на Копа Либертатодрес, но во новата нема да учествува во елитното натпреварување во Јужна Америка.