Милан одреди цена за Алваро Мората. Заинтересираните клубови ќе мора да платат од 15 до 18 милиони евра за него, објавија италијанските медиуми.

Милан ја одреди цената по шпекулациите дека Комо е заинтересиран за Мората, кој сака да го засили тимот за следната сезона.

Мората е на позајмица во Галатасарај до јануари 2026 година.

„SportMediaset“, објави дека Милан бара најмалку 15 милиони евра за Мората, но дека прво ќе мора да се договори со Галатасарај за прекин на позајмицата.

Медиумите објавија дека Милан е заинтересиран за Мојсе Кен од Фиорентина. Фудбалерот има клаузула за откуп во износ од 52 милиони евра, која ќе биде активирана на 1 јули.

Манчестер јунајтед е исто така заинтересиран за тој италијански напаѓач.

Кен сезоната ја заврши во Фиорентина, постигна 19 голови и беше втор стрелец во Серија А.

Челзи и Манчестер јунајтед се приклучија во трката за Рендал Коло Муани. Француските медиуми тврдат дека двата клуба од Премиер лигата бараат напаѓач. Францускиот напаѓач ја помина втората половина од минатата сезона на позајмица во Јувентус откако не се снајде во Пари Сен Жермен.

Тој постигна осум гола во Серија А, а моментално игра со Јувентус на Светското клупско првенство на ФИФА. Во првиот натпревар од турнирот, тој постигна два гола против Ал-Аин.

Јувентус сака да ја продолжи неговата позајмица, но според „Лекип“, тој би можел да се соочи со конкуренција од Англија бидејќи Челзи и Манчестер јунајтед внимателно ја следат ситуацијата.

Челзи го следи Коло Муани веќе долго време, додека неговите физички карактеристики се она што Јунајтед во моментов го бара. ПСЖ би претпочитал да реализира траен трансфер, иако би претрпел значителна финансиска загуба.

Коло Муани пристигна во ПСЖ од Ајнтрахт во 2023 година за околу 90 милиони евра, но 26-годишникот не ги оправда очекувањата. Неговата моментална цена наводно е околу 59 милиони евра.

Поранешниот италијански напаѓач, Чиро Имобиле, ја објави својата подготвеност да се врати во Италија и да го облече дресот на Болоња. Според инсајдерот Николо Шира, клубот ја истражува можноста за потпишување на договор со фудбалерот на турски Бешикташ.

Според изворот, пречка за враќањето на Имобиле во Италија е неговата висока плата, која изнесува 6 милиони евра годишно. Болоња наводно е подготвена да му понуди на 35-годишниот напаѓач двегодишен договор со плата од 2 милиони евра и опција за продолжување на истиот за една сезона.

Во последната Суперлига, Имобиле постигна 15 гола и имаше четири асистенции на 30 натпревари за Бешикташ.

Еден од најважните фудбалери во редовите на Вардар Горан Закариќ стави потпис на нов договор и ќе остане во клубот и наредната сезона.

Договорот на Закариќ истекуваше ова лето, но клубот успеа да пронајде заеднички јазик и да го задржи во своите редови.

Останувањето на Закариќ е од голема важност за Вардар кој во наредната сезона ќе го брани трофејот во Купот на Македонија и ќе се обиде да стигне до титулата во првенството. Во изминатата сезона Закариќ вкупно одигра 36 напревари во кои потигна 12 гола и подели две асистенции.

Пол Погба конечно ќе се врати на фудбалските терени, по пауза подолга од година и пол поради допинг-скандалот.

Францускиот репрезентативец беше суспендиран на четири години, но по жалбената постапка, казната му беше преполовена на 18 месеци. Јувентус веднаш реагираше и го раскина договорот, па Погба остана без клуб.

Но, според реномираниот италијански новинар Фабрицио Романо Погба ќе потпише за Монако и трансферот го најави со своето препознатливо „Here we go“.

Последниот официјален настап Погба го имаше во септември 2023 година во дресот на Јувентус, што значи дека речиси две години ќе поминат пред повторно да го видиме на терен.

Французинот има 31 година и останува да се види во каква форма ќе се врати на теренот.

Во второто коло од Светското клупско првенство на ФИФА во Шарлот, Реал Мадрид ја победи Пачука, во групата Х.

Екипата на Чаби Алонсо, остана со играч помалку во седмата минута, но и покрј тоа победи со 3-1

Реал Мадрид е блиску до пласман во нокаут фазата, а дали ќе бидат први или втори на табелата пред мечот од последното коло, зависи од исходот на дуелот помеѓу Салцбург и Ал Хилал, кој е закажан за полноќ. Австрискиот тим има три, а саудискиот тим еден бод.

Не започна добро за Реал, во седмата минута, Асенсио беше последниот одбранбен играч кој го собори Саломон Рондон, а бразилскиот судија Рамон Абати го испрати Шпанецот во соблекувалната без многу размислување.

Иако со десет играчи на теренот, Реал поведе во 35-та минута со убав гол на Џуд Белингам. Реал ја дуплираше предноста во финишот на полувремето по прекрасна акција која со гол ја заврши на Арда Гулер.

Во 70-тата минута, Феде Валверде ја потврди победата, а конечниот резултат го постави Елиас Монтиел десет минути подоцна.

Тренерот на фудбалерите на Реал Мадрид, Чаби Алонсо, се насочи кон вториот натпревар на Светското клупско првенство против мексиканскиот тим, Пачука.

„Имаме интензивен и многу значаен натпревар против добар противник. Нивниот тренер Лозано имаше восхитувачка кариера. Сакаме да играме добро и да победиме“ – рече Алонсо.

„Уште е рано да се прави општа анализа. Бараме решенија а натпреварите ни покажуваат што да подобриме. Високите температури сигурно влијаат на играта “ – рече тренерот на „кралевите“.

Фудбалерот на Брентфорд, Кристијан Норгард, може да добие понуда да се пресели во Арсенал, објави денес „Мирор“.

Данскиот играч од средниот ред се активираше кај „пчелите“ во летото во 2019 година и се етаблираше како стандарден првотимец. Наводно, тренерот на „топчиите“, Микел Артета, сака да го ангажира корпулентниот фудбалер.

Според одредени проценки, трансферната сума за 31-годишниот фудбалер е околу 13 милиони евра.

Фудбалерот на Манчестер јунајтед, Маркус Рашфорд, изјави дека би сакал да игра со еден од најталентираните играчи во светот, асот на Барселона, Ламин Јамал.

Рашфорд ја помина втората половина од минатата сезона на позајмица во Астон Вила, а моментално тренира во Шпанија за да ја одржи својата форма пред почетокот на тимските подготовки.

Постојат многу шпекулации за тоа каде всушност ќе настапува следната сезона, бидејќи го напушти „Олд Трафорд“ на краток рок токму поради несогласување со тренерот Рубен Аморим.

На прашањето дали би сакал да игра со Јамал, Рашфорд рече дека е задоволство да игра со најимпресивните фудбалери.

„Да, секако. Секој сака да игра со најдобрите. Се надевам… ќе видиме.“

Јамал, имаше огромно влијание во освојувањето на двојната круна од страна на Барселона во Шпанија и пласманот до полуфиналето на Лигата на шампионите. Тој исто така се истакна во дресот на Шпанија на Европското првенство во 2024 година, каде што „црвената фурија“ ја освои титулата.

Во април се појави информација дека Рашфорд верува дека нема да игра за Манчестер јунајтед додека Рубен Аморим е тренер на тимот. Португалецот го отстрани од тимот уште во декември, по што Рашфорд го помина остатокот од сезоната на позајмица во Астон Вила.

Баер Леверкузен и Ливерпул продолжија да си ја вршат размената на летниот фудбалски пазар.

Откако шампионот на Англија ги купи Флоријан Вирц и Џереми Фримпонг од вицешампионот на Германија за огромни суми пари, сега еден играч на Ливерпул замина во спотивната насока.

Фабрицио Романо објави дека Баер го купил талентираниот англиски стопер Џарел Кванса за 30 милиони евра.

Доколку Кванса исполни одредени бонуси, трансферот ќе се зголеми за уште пет милиони евра.

Кванса потпиша договор со тимот од Леверкузен до 2030 година и ќе го замени Џонатан Тах, кој се пресели во Баерн Минхен. Важна клаузула во договорот е дека Ливерпул ќе има да го врати дефанзивецот за одредена сума.

Кванса моментално игра за Англија на Европското првенство до 21 година, а синоќа ги одигра сите 90 минути во победата од 3:1 над Шпанија, по што Англичаните се пласираа во полуфиналето, каде што ќе се соочат со Холандија.