Македонскиот репрезентативец Лука Станковски ќе ја продолжи кариерата во Украина, фудбалерот од средниот ред потпиша со Колос Коваливка.
По 18 месеци поминати во Раднички, Лука Станковски ќе започне нова авантура и се сели во Украина.
Македонскиот репрезентативец потпиша со Колос Коваливка до 2028 година во зделка вредна околу 350.000 евра.
По 16 одиграни кола во првенството на Украина, Колос Коваливка се наоѓа на шестата позиција на табелета со освоени 26 бода, и цели кон пласман во горниот дел од табелата.
Лука Станковски важеше за еден од најголемите таленти во Македонија и направи голем трансфер од Работнички во Газиантеп, но не се снајде најдобро во Турција, но си ја врати кариерата на прав пат по преселбата во Раднички.
Арсенал ќе го откупи договорот на Инкапие
Менаџерот на Арсенал, Микел Артета, даде „зелено светло“ за активирање на клаузулата со која Пјеро Инкапие (24) официјално ќе стане играч на „Топџиите“.
Еквадорскиот дефанзивец пристигна во Лондон ова лето како позајмен од Баер Леверкузен за 6.000.000 евра, се покажа добро и кога ќе започне летниот преоден рок, Арсенал ќе го откупи за 52.000.000 евра.
Инкапије е универзален дефанзивец, може да ги покрие сите позиции во задната линија, а Артета го користи најмногу на позицијата лев бек.
Тој ја искористи својата шанса додека Рикардо Калафиори беше повреден, се етаблираше во стартната постава, а викендот доби предност пред закрепнатиот Италијанец во дербито против Тотенхем, кое Арсенал го доби со 4-1.
Како дел од договорот за позајмица, веќе е договорен петгодишен договор што Инкапије ќе го потпише. Германскиот клуб ќе задржи 10 отсто од секој иден трансфер.
Артета неодамна ги пофали квалитетите на Инкапије.
Арсенал моментално е лидер во Премиер лигата со пет бода повеќе и натпревар повеќе од Манчестер Сити, ќе играат против Сити во финалето на Англискиот Лига Куп, а исто така се квалификуваа и за осминафиналето на Лигата на шампионите и завршницата во ФА Купот.
Милеска го објави списокот на фудбалерки за турнирот во Струмица
Селекторката на репрезентацијата до 17 години, Катерина Милеска го објави списокот на фудбалерки кои се во конкуренција за настап на претстојниот квалификациски турнир што ќе се одигра во Струмица.
Милеска за трите натпревари против Грузија, Луксембург и Северна Ирска смета на 20 фудбалерки.
СРЕДЕН РЕД: Тамара Лазеска (ЖФК Ас Јунајтед), Ања Каранфиловска (ЖФК Истатов), Елена Мацевска (ЖФК Ас Јунајтед), Марија Велиновска (ЖФК Кочани), Ана Марија Цветкоска (WFC Langhus), Јована Стојанова (ЖФК Кочани).
Националниот тим од денеска ќе тренира во Дојран, а натпреварите на турнирот од Б2 групата ќе се играат на терените во Струмица и Турново
Киву им честита на Норвежаните: Бодо Глимт заслужи осминафинале
Главниот тренер на Интер, Кристијан Киву, ја коментираше елиминацијата на тимот од Лигата на шампионите. Миланскиот тим претрпе пораз од Бодо-Глимт и во реванш натпреварот од плејофот за пласман во 1/8 финалето на турнирот, овој пат дома со 1:2.
„Се обидовме со се што можевме против многу добро организиран тим кој се бранеше во низок блок. Фактот дека не можевме да го прекинеме ќорсокакот во кој се најдовме создаде психолошка зона на удобност за нив. Не можам да им замерам на момците за ништо, бидејќи вложија максимален напор за да успеат. Во второто полувреме успеаја да создадат нешто и да постигнат два гола. Многу сме разочарани. За жал, денес игравме против тим со многу повеќе енергија од нас и мора да им честитаме бидејќи заслужуваат да продолжат понатаму“, изјави Киву.
Порака до младите: Единственото каење на Лионел Меси
Со децении, Лионел Меси зборува на јазик што го разбира целиот свет: фудбалот. Неговите потези на теренот раскажуваат приказни за триумф, издржливост и нестварна грациозност. Сепак, во редок момент на интроспекција, ѕвездата на Интер Мајами призна дека неговиот најголем личен пропуст не е промашен пенал или тактичка грешка, туку одлуката да не го совлада англискиот јазик во младоста.
„Жалам што не научив англиски кога бев млад“, искрено призна Меси. За човек кој целиот свој живот е под лупа на јавноста, ова признание открива ранливост која ретко се гледа кај спортистите од негов калибар. За него, не станува збор само за граматика и зборови, туку за изгубените можности за подлабоко поврзување со светот.
Размислувањата на Меси произлегуваат од бројните ситуации во кои јазичната бариера го спречила навистина да се зближи со луѓето што ги среќавал низ својата богата кариера. Иако патувал низ целиот свет и се запознал со бројни икони и лидери, недостатокот на заеднички јазик често го оставал во улога на набљудувач.
„Имав време да учам, но не го направив тоа“, споделува тој. „Подоцна се најдов во ситуации со прекрасни луѓе со кои не можев да разговарам онака како што требаше.“ Ова чувство на немоќ го натерало осумкратниот освојувач на Златната топка да се почувствува инфериорно. Тој денес отворено се прашува зошто не му дал приоритет на образованието, нагласувајќи дека додека талентот ве носи на теренот, комуникацијата е она што ви ги отвора вратите во општеството.
И покрај каењето за академските пропусти, Меси останува на ставот дека самиот фудбал нуди образование кое не може да се најде во ниту еден учебник. За него, играта е „начин на живот“ кој ги учи младите на вредности, гради доживотни пријателства и нуди уникатни искуства.
Сепак, неговата порака до новите генерации е кристално јасна: спортот и учењето не се исклучуваат меѓусебно, туку се надополнуваат. Додека фудбалот ја гради издржливоста, формалното образование ги дава алатките за навигација низ човечката страна на една глобална кариера. Додека го продолжува своето поглавје во САД, искреноста на Меси служи како потсетник дека дури и најдобрите на сите времиња постојано учат и растат.
Куртоа со остар одговор до Мурињо: „Прославата на гол не е изговор за расизам!“
Тензиите по бурниот натпревар меѓу Реал Мадрид и Бенфика продолжуваат. Тибо Куртоа, кој ретко излегува од својата смирена улога, овојпат застана во цврста одбрана на својот соиграч Винисиус Жуниор. Во својата анализа на настаните, Белгиецот не штедеше зборови за наводните расистички навреди, но и за начинот на кој Жозе Мурињо се обиде да ја релативизира ситуацијата.
Куртоа беше кристално јасен: неговата доверба во Винисиус е апсолутна. Осврнувајќи се на тврдењата дека Џанлука Престијани упатил расистички навреди, голманот истакна дека Бразилецот никогаш досега не обвинил противнички играч без причина. „Му верувам 100%. Винисиус никогаш во минатото не лажирал вакви обвинувања, па затоа работата е чиста“, изјави Куртоа.
Тој додаде дека навредите не биле ограничени само на теренот, туку доаѓале и од трибините. „Тој дефинитивно ги слушна тие зборови, ни го повтори тоа неколку пати. Видов снимки од навивачите на Бенфика како прават згрозувачки гестови, тоа беше навистина патетично“, додаде тој, посочувајќи на системскиот проблем со кој се соочува европскиот фудбал.
Највпечатливиот дел од изјавата на Куртоа беше директната критика кон неговиот поранешен тренер, Жозе Мурињо. Иако признава дека е природно еден стратег да го брани својот клуб и играч, Белгиецот изрази длабоко разочарување од наративот на португалскиот стручњак.
Проблемот лежи во сугестијата дека начинот на кој Винисиус ги слави головите е провокација која го предизвикува ваквото однесување. „Ме разочара тоа што прославата на Вини се користи како изговор. Не можете да оправдувате расизам поради начин на радување“, дециден е Куртоа. За тимот на Реал Мадрид, секој обид вината да се префрли врз жртвата е неприфатлив во професионалниот спорт.
Инцидентот само го зацврсти единството во соблекувалната на „Кралевите“. Куртоа откри дека одлуката натпреварот да се доигра била донесена токму од Винисиус, и покрај огромниот притисок и навредите.
„Винисиус беше тој што пресече дека треба да продолжиме да играме против Бенфика“, откри Куртоа, но испрати и јасно предупредување до фудбалскиот свет: „Доколку тој одлучеше да го напушти теренот, сите ќе излезевме со него“.
Реал Мадрид пред сериозен тест: Мбапе дефинитивно отпаѓа за пресметката со Бенфика
Иако Бернабеу се подготвуваше за уште една магична европска ноќ, атмосферата во Мадрид нагло се промени. Килијан Мбапе официјално е прецртан од составот на Реал Мадрид за вечерниот реванш против Бенфика. Француската суперѕвезда, која веќе одреден период се справува со болки во левото колено, го напушти последниот тренинг по само неколку минути. И покрај првичниот оптимизам на тренерот Алваро Арбелоа, кој на прес-конференцијата изјави дека напаѓачот е подготвен, медицинскиот тим и самиот фудбалер решија да не преземаат непотребен ризик кој би можел да ја загрози неговата сезона.
Отсуството на Мбапе остава огромна празнина во нападот на „Кралевите“. Со постигнати 38 голови во сите натпреварувања оваа сезона, тој е столбот на офанзивата на Мадрид, па неговото неиграње доаѓа во незгоден можен момент. Ситуацијата е уште потешка ако се земе предвид дека тимот е веќе десеткуван: Џуд Белингам е надвор од терените поради повреда на тетивата, додека Родриго отслужува суспензија. Целиот товар сега паѓа врз Винисиус Жуниор, додека на клупата шанса ќе чекаат младите Гонзало Гарсија и Франко Мастантуоно.
Реал Мадрид влегува во овој дуел со минимална предност од 1-0 по првиот натпревар во Лисабон. Иако реми е доволно за пласман во осминафиналето, Бенфика веќе покажа дека е опасен противник, совладувајќи го шпанскиот гигант претходно во групната фаза. Покрај вечерашниот меч, загрижуваат и прогнозите дека на Мбапе ќе му бидат потребни најмалку десет дена за целосно закрепнување. Додека трката за титулата во Ла Лига со Барселона е во полн ек, Мадрид вечерва мора да докаже дека има капацитет да триумфира и без својот најдобар стрелец.
Елитниот фудбал не простува: Бодо и Њукасл моќно, Интер со наведната глава
Лигата на шампионите уште еднаш докажа дека е сцена каде што фаворитите не секогаш го имаат последниот збор. Вчерашната фудбалска ноќ донесе драма која ги надмина сите предвидувања: од историскиот подвиг на норвешкиот аутсајдер среде Милано, до гол-шоуто на Сент Џејмс Парк, ноќта заврши со неколку паднати гиганти и нови херои во осминафиналето.
Главната вест на вечерта несомнено доаѓа од Италија. Бодо/Глимт пристигна на Сан Сиро со предност од 3–1, но малкумина веруваа дека „Нероазурите“ нема да успеат да ја анулираат негативата. Сепак, дисциплинираните Норвежани одиграа меч за паметење.
По првото полувреме во кое Интер доминираше, но не ги искористи шансите преку Еспозито и Фратези, казната стигна во 58-мата минута. Јенс Петер Хауге, поранешниот фудбалер на Милан, ја искористи грешката на Мануел Аканџи и го отвори резултатот. Кога во 72-рата минута Хакон Евјен зголеми на 0–2, стадионот занеме. Почесниот гол на Алесандро Бастони беше премалку за домаќините. Со вкупни 5–2, Бодо/Глимт стана првиот норвешки клуб во осминафиналето по цели 29 години.
Додека Милано тагуваше, во Мадрид се славеше моќта на Атлетико. По ремито 3–3 во Белгија, Диего Симеоне го пушти од синџир својот најдобар стрелец. Норвежанецот Александер Серлот одигра натпревар од соништата, постигнувајќи хет-трик за целосно демонтирање на Клуб Бриж. Иако гостите кратко се надеваа по голот на Ордоњез за 1–1, „Јорганџиите“ во второто полувреме додадоа гас и со конечни 4–1 (7–4 вкупен резултат) го заверија својот пласман понатаму.
Во меѓувреме, Њукасл приреди уште една возбудлива вечер за своите навивачи. По убедливите 6–1 во првиот меч против Карабах, избраниците на Еди Хау славеа и дома со 3–2. Сандро Тонали и Жоелинтон постигнаа голови во воведните шест минути, ставајќи крај на секаква неизвесност. „Страчките“ ја завршуваат оваа фаза со рекордни 26 постигнати голови, што ги прави најефикасниот тим во досегашниот тек од натпреварувањето.
Најмирен беше реваншот во Германија, каде Баер Леверкузен одигра тактички и искусно 0–0 против Олимпијакос. Германскиот тим, потпирајќи се на предноста од два гола од првиот натпревар, не дозволи никакви изненадувања. Иако Грималдо ја погоди рамката од голот, „Фармацевтите“ беа фокусирани на одбраната и без многу мака го сочуваа резултатот кој ги носи меѓу најдобрите 16.
Баерн ќе му ја зголеми плтата за четири пати на супер-талентот Карл
Медиумите од Германија пренесуваат дека Баерн Минхен ќе му понуди нов договор на младиот Ленард Карл и плата која од сегашните 2 милиони по сезона, ќе скокне на 8 милиони евра.
Ленард Карл важи за еден од најперспективните фудбалери во светот, Баерн Минхен очигледно не сака ништо да ризикува, па богато ќе го награди за да ја продолжи авантурата на „Алианц Арена“.
Тој во неделата наполни 18 години со што автоматски доби професионален договор до 2029 година.
Но како што пренесува Билд, раководството на „баварците“ веќе отворило преговори со Михаил Балак (агентот на Ленард Карл) за долгорочна соработка со младото момче.
Се шпекулира за договор до 2031 година според кој платата на Ленард Карл ќе скокне за дури четири пати, односно од 2 на 8 милиони евра по сезона.
Мекени го продолжи договорот со Јуве
Вестон Меккени постигна договор со Јувентус за продолжување на договорот со подобрени лични услови за американскиот играч.
Неговиот актуелен договор истекуваше по завршувањето на оваа сезона, но според „Газета дело Спорт“, новиот договор ќе важи до летото 2030 година. Според информациите, Меккени ќе заработи нешто повеќе од 4 милиони евра со бонусите за првата година од новиот договор, а секоја следна година ќе донесе постепено зголемување на платата.
Поради натоварената седмица, во која Јувентус има важни натпревари против Галатасарај и Рома, официјалната потврда на новиот договор ќе биде одложено за деновите по дуелот со „волчицата“.
На овој начин клубот ќе обезбеди долгогодишно продолжување со втор клучен играч, по неодамнешното препотпишување на Кенан Јилдиз, кој стана еден од најскапоплатените фудбалери на Јувентус.
Вестон Меккени пристигна во Јувентус пред речиси шест години и до моментот има 217 настапи и 25 голови за „бјанконерите
