Челниците на фудбалскиот клуб Тотенхем му врачија отказ на менаџерот Томас Франк. Откакзот доаѓа како последица на лошите резултати во Премиер лигата, синиќа неговиот тим загуби дома од Њукасл (1-2), со што ја продолжи серијата на осум натпревари без триумф.

По серија лоши резултати, фудбалерите на Тотенхем се 16-ти на табелата во Премиер лигата, пет бода од зоната за испаѓање.

Данецот беше донесен во Лондон со големи очекувања, бидејќи Тотенхем му плати 7.000.000 евра отштета на Брентфорд.

Од 38 натпревари, во кои го водеше тимот, тој победи само на 13, со 11 нерешени резултати и 14 порази. Френк помина само осум месеци во Тотенхем.

Вардар со победа стартуваше во вториот дел од сезоната во Првата македонска фудбалска лига (ПМФЛ), откако попладнево во Скопје триумфираше убедливо над Арсими со 5-1 (4-0) во рамки на 17. коло.

Воведните три голови за домашниот тим ги постигнаа новите зимски засилувања во редовите на „црвено – црните“. Стефан Цветковиќ го отвори резултатот во 5. минута, а Бобан Николов (18 минута) и Дарко Велковски (35) беа прецизни во продолжението на натпреварот. Немања Босанчиќ до крајот на полувремето зголеми на 4-0 во 42. минута, а Азар Омерагиќ во 70. минута му донесе на Вардар предност од 5-0.

Почесниот гол за Арсими го постигна Цуцули од пенал во судиското продолжение.

Избраниците на Гоце Седлоски го искористија вчерашниот пораз на Струга на гостувањето во Тетово од Шкендија и со денешниот триумф ја зголемија предноста на врвот на табелата. Вардар е лидер со 45 бодови, четири повеќе од второпласираната Струга и шест повеќе од Шкендија на третото место.

Фудбалерите на Манчестер Јунајтед доцна синоќа одиграа нерешено кај Вест Хем со што ја прекинаа серијата на победи во Премиер-лигата. Нивниот менаџер, Мајкл Карик, вели дека постои мало разочарување.

„Дефинитивно не го покажавме најдоброто. Малку сум лут. Имавме тежок стадион за играње и немавме доволно острина во нашите напади но, покажавме одличен тимски дух.

Со оглед на ситуацијата во која се наоѓаме и колку долго работиме заедно, нерешениот резултат не е толку лош“ , потенцираше тренерот на „црвените ѓаволи“.

Тренерот на Реал Мадрид, Алваро Арбелоа, не е целосно убеден во придонесот на Едуардо Камавинга и според информациите од Шпанија можно е играчот од средниот ред да се соочи со неизвесна иднина по крајот на сезоната.

Французинот пристигна како проект за сегашноста и иднината, особено во периодот кога завршуваше една ера во средината на теренот по заминувањето на Тони Крос и Лука Модриќ. Сепак, очекувањата не се исполнија во целост. Во неговите настапи често имаше падови во формата, што предизвика сомнежи кај стручниот штаб околу тоа дали може да биде носител на играта во тим кој секоја сезона атакува на сите трофеи.

Шпанските медиуми наведуваат дека Арбелоа смета оти продажбата би можела да биде добра опција за клубот, па раководството ќе размислува за понуди доколку пристигнат во летниот преоден рок.

Камавинга во Реал играше буквално онаму каде што ќе биде потребно, па така од вкупно 206 натпревари тој на 95 беше централен играч за врска, на 76 беше дефанзивен играч за врска, 31 натпревар мина како лев бек, двапати беше десно, а еднаш лево крило.

Менаџерот на Тотенхем, Томас Франк, верува дека треба да остане во клубот иако „спарси“ на осум мечеви во Премиер-конкуренцијата немаат остварено победа и се наоѓаат на дното на табелата.

„Уверен сум дека ќе бидам на чело на тимот против Арсенал. Го разбирам проблемот и лесно е да се покажува со прст кон мене но, тоа се однесува на целиот клуб. Имаме 11 повредени а сега го немаме и Одобер. Многу фактори влијаат на случувањата во екипата“, рече Франк.

Фудбалскиот клуб Арсими го претстави најновото засилување во средниот ред. Нов член на жолто црното семејство е шпанскиот фудбалер Маркел Гони Ибаргурен.

Ибаргурен во својата кариера бил дел од неколку познати клубови во Шпанија како Реал Сосиедад, Раjо Кантабрија, Замора и Аренас, а интернационално искуство стекнал и во кипарскиот Ахиронас.

Со македонскиот клуб играчот потпиша договор на една и пол година, а од Арсими му посакаа добро здравје и многу успеси во дресот на тимот.

Комо на пенали го победи Наполи и се пласираше во полуфиналето од Купот на Италија, Елиф Елмас го одигра целиот меч и беше прецизен во пенал серијата, натпреварот во регуларниот тек заврши нерешено 1-1.

Комо дојде во водство во 39. минута со гол на Батурина од пенал. Тоа беше и резултат од првото полувреме.

Но, само што започна вториот дел, Вергара даде гол за 1-1. Тоа беше конечниот резултат.

По последниот судиски свиреж, веднаш се замина кон изведување на пенали.

Беа изведени дури осум серија, Елмас беше прецизен од белата точка, но трагичари беа Лукаку и Лоботка кои ги промашија своите шутеви.

Комо во полуфиналето ќе игра против Интер.

Словенецот Бенјамин Шешко, во 96. минута, спречи пораз на Манчестер Јунајтед, на гостувањето кај ест Хем. Јунајтед го искористи киксот на Челси и се искачи на четвртата позиција на табелата. Инаку ова е прво реми, по четири победи на Јунајтед, под водство на Мајкл Керик.

Херој на Вест Хем, чии фудбалери беа подобри во првото полувреме, беше Томас Сучек кој го постигна водечкиот гол во 50. минута по асистенција од Џарод Бовен. Но, во последните моменти од натпреварот, Шешко ги постави конечните 1-1.

Како што е познато, невозможно е да не се спомене, навивачот на Јунајтед кој чека 18 месеци на шишање, ќе мора уште да чека за да добие нова фризура, бидејќи тимот не успеја да ја забележи петтата победа во низа.

Оваа седмица носи важен момент за македонскиот репрезентативен фудбал, ждрепката за новото издание на Лигата на нации, која ќе се одржи во Брисел. Националниот тим на Македонија, предводен од селекторот Гоце Седлоски, за првпат ќе биде дел од Лига Б, чекор што го потврдува нашиот квалитет и резултатите од претходниот циклус во натпреварувањето.

Извлекувањето е закажано за в четврток од 18:00 часот, а македонската А репрезентација ќе ја чека ждрепката од четвртиот шешир во Б сегментот. Македонија нема да може да се соочи со Шведска, Северна Ирска и Косово.

Лига Б:
Прв шешир:
Шкотска, Унгарија, Полска, Израел
Втор шешир:
Швајцарија, БиХ, Австрија, Украина
Трет шешир:
Словенија, Грузија, Р. Ирска, Романија
Четврти шешир:
Шведска, Македонија, Северна Ирска, Косово

Капитенот Енис Барди потенцира дека настапот во повисок ранг е последица на игрите прикажани во Лига Ц.

„Самите се доведовме во позиција да играме во поквалитетен сегмент. Го заслуживме тоа со прикажаното на натпреварите од Ц сегментот. Лига Б носи силна конкуренција, но токму тоа е предизвикот. Без разлика кој ќе ни биде противник, мора да бидеме подготвени и физички и ментално, да го држиме високиот ритам на секој натпревар“, истакна Барди.

Капитенот додаде дека репрезентацијата гледа на овој циклус како на нова можност за докажување.

„Има противници со кои досега не сме се сретнале, како Швајцарија. Ова е нова шанса за сите нас, со поинаква енергија и силен мотив да покажеме дека припаѓаме на ова ниво и да се бориме за позитивен резултат. Конкуренцијата е навистина силна, ама веруваме во нашиот квалитет и сеедно против кого ќе се соочиме во групата, треба да ги одиграме тие натпревари во таков, силен ритам.“

Португалската фудбалска јавност повторно на големо го актуелизира името на Жозе Мурињо како можен иден селектор на националниот тим. Според најавите кои кружат низ медиумите, искусниот стратег би можел да седне на клупата по завршувањето на Светското првенство во 2026 година.

Во моментов репрезентацијата ја предводи Роберто Мартинез, но неговиот договор истекува веднаш по мундијалот и во федерацијата веќе размислуваат за следниот чекор. Планот е кормилото да му биде доверено на тренер со големо реноме и авторитет, а прв на листата на желби е Жозе Мурињо.

„Специјалниот“ неодамна повторно се врати во Бенфика и го започна својот втор мандат во клубот, откако прифати договор со важност од две години. Тоа значи дека временски би можел да се вклопи во плановите на федерацијата, која сака нов селектор веднаш по турнирот во Северна Америка.

Останува да се види дали Мурињо ќе биде подготвен за ваков предизвик и дали ќе се реши за прво селекторско искуство во својата богата кариера и тоа на омилената репрезентација, на клупата на својата Португалија.