Управата на Барселона официјално потврди дека претседателските избори ќе се одржат на 15 март 2026 година, означувајќи го крајот на актуелниот петогодишен мандат на Хоан Лапорта. Одлуката беше донесена на состанокот на управниот одбор одржан на 22 јануари, каде Лапорта ја потврди својата кандидатура за реизбор. Избраниот датум е најраниот можен според клупскиот статут и се совпаѓа со првенствениот натпревар против Севиља на домашен стадион.

Лапорта, кој победи во 2021 година со 54% од гласовите, овојпат се соочува со сериозна конкуренција. Неговиот главен противник од претходните избори, Виктор Фонт (кој тогаш освои 30%), веќе упати критики за терминот, сметајќи дека избори среде сезона не се најдобро решение. Покрај нив, во трката влегуваат и Чави Вилажоана, Марк Сирија и Хоан Кампруби, кои ќе треба да соберат по 2.321 потпис од членовите за официјална кандидатура. Опозицијата тврди дека изборот на датумот му оди во прилог на Лапорта, користејќи го моментот на одличната форма на тимот и лидерската позиција во Ла Лига.

Фокусот на дебатите ќе биде ставен на три столба:
Финансиската состојба — стабилизацијата на клупската каса останува приоритет.
Стадионот — Финализацијата на реконструкцијата на Камп Ноу. Лионел Меси — Потенцијалното враќање на легендата е главна карта на Виктор Фонт, кој вети дека Меси ќе биде неговиот прв телефонски повик доколку победи.

Актуелниот претседател влегува како фаворит, поткрепен со минатогодишната шпанска триплета и неодамнешното освојување на Суперкупот во јануари. Сепак, токму во периодот на елиминациските натпревари од Лигата на Шампионите, значи дека расположението на гласачите во голема мера ќе зависи од резултатите на теренот.

Академијата на Барселона, славната Ла Масија, продолжува да го обликува следното поколение фудбалски ѕвезди. Најновиот доказ за тоа е 15-годишниот вундеркид Ебрима Тункара, кој денеска стави потпис на нов договор со „Каталонците“. Иако за неговиот потпис се бореа низа европски ривали, талентот со потекло од Гамбија реши да му остане верен на клубот каде што веќе дебитираше за Б-тимот на неверојатно млада возраст.

Тункара пристигна во системот на Барселона уште во најмладите категории и оттогаш бележи вртоглав напредок. Минатото лето тој прескокна неколку возрасни групи за да му се приклучи на тимот на „Хувенил А“. Со само 15 години, тој импресионира со својата физичка подготвеност и разноврсност, играјќи подеднакво добро како играч од средниот ред и како лево крило. Сезонава веќе постигна четири гола на десет првенствени натпревари.

Поранешниот директор на академијата, Алберт Пуиг, веќе го споредува со Ламин Јамал, истакнувајќи ја неговата способност да ги прави соиграчите подобри и да блесне во клучните моменти.

Иако неколку еминентни европски клубови се обидоа да го соборат со примамливи финансиски понуди, долгорочната визија на Барселона и меѓусебната доверба беа пресудни. Договорот беше официјализиран по неколкунеделни преговори, а целосно ќе се активира во март, кога Тункара ќе наполни 16 години.

Младиот репрезентативец на Шпанија до 17 години цврсто верува дека патот до првиот тим е најкраток токму на Камп Ноу, особено под водство на Ханси Флик, кој е познат по тоа што често им дава шанса на младите фудбалери.

Нотингам Форест и Наполи ги договорија сите детали за позајмицата на Лоренцо Лука, кој ќе настапува на Сити Граунд до крајот на сезоната. Англискиот клуб ќе плати еден милион евра за заемот, а договорот вклучува и опција за целосен откуп на неговиот договор за сума до 40 милиони евра. Клучна улога во преговорите одигра неговиот агент Бепе Рисо, по што патот за трансферот беше отворен. 25-годишниот напаѓач вечерва патува за Англија, каде утре го очекуваат медицински прегледи.

Италијанскиот репрезентативец, висок 201 сантиметар, минатото лето му се приклучи на Наполи по извонредната сезона во Удинезе, каде постигна 14 гола на 36 натпревари. Сепак, под водство на Антонио Конте, Лука не доби вистинска шанса и на 23 настапи (со вкупна минутажа од само 595 минути) постигна два погодоци. И покрај скромниот учинок во Неапол, неговите физички предиспозиции и претходната форма го прават атрактивно засилување за „Шумарите“.

Тимот на Нуно Еспирито Санто се соочува со сериозна криза во нападот. Форест не успеаја да постигнат гол на дури 11 натпревари во Премиер Лигата оваа сезона, што е најлош биланс во лигата, а ситуацијата дополнително се влоши по повредата на Крис Вуд. Иако неговото пристигнување е изненадување за дел од навивачите, раководството верува дека Лука е вистинското краткорочно решение кое ќе ја врати ефикасноста на тимот.

Јувентус ќе остане без услугите на фудбалерот, Душан Влаховиќ, до крајот на месец март, велат последните информации од Апенините.

Голгетерот кој поради повреда е надвор од терените од крајот на ноември, полека влегува во последните шест месеци од договорот со „старата дама“.

Иако интернационалецот од Србија требаше да се врати во тренинг-процес кон крајот на февруари, сега тој термин се пролонгира.

Нов централен дефанзивец е на агендата на Манчестер Јунајтед во последните недели, што доведе до тоа ѕвездата на Нотингем Форест, Муриљо, да се споменува како потенцијално засилување за „црвените ѓаволи“.

Бразилецот беше редовен стартер за „шумарите“ во тековната сезона под водство на три различни менаџери досега.

Тимот предводен од Шон Дајч моментално бараат надомест од околу 70 милиони фунти за да се разделат со нивниот клучен играч, сума која за Манчестер Ј. се уште е превисока во обидот да ја засилат одбраната. Тој не е единствената опција,с о оглед на тоа што се разгледув

Наполи ќе потпише договор со напаѓачот на Верона, Џоване Сантана.

Клубовите постигнаа договор за трансферот на 22-годишниот играч, според Фабрицио Романо. Договорот е вреден 20 милиони евра, вклучувајќи ги и бонусите.

Бразилецот одигра 21 натпревар во Серија А оваа сезона, постигна три гола и имаше четири асистенции.

Потрагата на Интер по долгорочен наследник на Јан Зомер на голманското место во тимот, доби познат пресврт. Сепак „Газета дело Спорт“, Емилијано Мартинез, и покрај неговата репутација и достапност, не одговара на она што го сака хиерархијата на Интер.

Како што објави „Газета“, нема преговори за доведување на голманот на Астон Вила во Милано, а Аргентинецот нема карактеристики што ги бара раководството на „нероаѕурите“.дека е многу поспецифично отколку едноставно таргетирање на големо име.

Профилот на голманот на Тотенхем, Викарио се вклопува во долгорочното планирање на Интер. Тој сега е претпочитана опција на Интер кој го следат не со недели, туку со месеци. Според извештајот, раководството на Интер било доследно, а следните неколку месеци ќе бидат клучни.

Јувеентус си подаде рака со Фенербахче за трансфер на Јусеф Ен Несири, напаѓачот ќе се пресели во Торино на позајмица до крајот на сезоната, со опција за перманентен трансфер.

Јувентус сака да го засили нападот овој месец и прв избор беше Жан Филип Матета од Кристал Палас.

На маса беа ставени 2,5 милиони евра за позајмица до крајот на сезоната, плус обврска напаѓачот во целост да биде купен за додатни 30,5 милиони евра, под услов да биде обезбеден настап во Лигата на шампиони.

Но Кристал Палас постави цена од 40 милиони евра и не покажа флексибилност во преговорите, па „старата дама се насочи“ на други цели.

Вечерва пристигна информација дека спортскиот директор Марко Отолини во Истанбул имал средба со своите колеги од Фенербахче и договорил ангажман на Јусеф Ен Несири.

Се работи за позајмица до крајот на сезоната вредна 5 милиони евра, плус опција за перманентен трансфер поставена на 19+3 милиони евра.

Сега се чека конечното ДА од самиот фудбалер и комплетирање на зделката.

Неколку извори од „островото“ објавија дека Челси сака да го ангажира Даглас Луиз од Нотингем Форест, кој има драстичен пад во формата по заминувањето од Астон Вила.

„Сините“ трошат како никој друг откако клубот премина во рацете на Тод Боли, но често се влечат потези кои немаат логика.

Во тој правец одат и последните гласини, Челси сака да го ангажира Даглас Луис од Нотингем Форест.

Новиот тренер Лиам Росениор верува дека Бразилецот ќе донесе „квалитет и длабочина во тимот“, но многумина се скептици со оглед на тоа Даглас Луиз во моментов не може да се избори за стартно место во тимот на Нотингем Форест, кој се бори за опстанок.

Бразилецот во дресот на Астон Вила се промовираше во еден од најдобрите фудбалери од средниот ред, но има драстичен пад на формата по заминувањето од Вила Парк.

Минатата сезона не се снајде во Јувентус, а сега се мачи со формата и во дресот на „шумарите“.

Манчестер Јунајтед објави дека нема да му понуди нов договор на Касемиро. Договорот на 33-годишниот фудбалер истекува на 30 јуни оваа година.

Касемиро ќе бара нов клуб, како слободен играч. Во Манчестер Јунајтед тој пристигна во 2022 година, од Реал Мадрид за сума од 70 милиони евра.

Еден од најтрофејните играчи во историјата на модерниот фудбал, кој некогаш беше член на Реал Мадрид во времето кога кралскиот клуб доминираше во Лигата на шампионите, ја потврди својата разделба со англискиот гигант.

„Од моето претставување тука и пристигнувањето на аеродромот, наидов на топол пречек од навивачите. Не само за мене, туку и за целото мое семејство. Уште првиот ден по пристигнувањето на стадионот, тие го скандираа моето име и тоа е нешто што никогаш нема да го заборавам. Овој клуб многу ми значи. Секогаш ќе го носам овој клуб со мене и ќе бидам навивач на Јунајтед. Во Англија, ќе носам црвено и ќе му останам лојален на Јунајтед до смрт“, рече Касемиро.

Касемиро со Манчестер Јунајтед ги освои ФА Купот и Лига Купот со Јунајтед.