Неколку клубови од Премиер лигата се силно заинтересирани за
бисерот на Атлетик Билбао, Нико Вилијамс.
Нико е брат на Инаки Вилијамс, важи за еден од најголемите шпански таленти во моментов и веќе стандарден шпански репрезентативец.
Тој е дете на Атлетик Билбао и неодамна го продолжи договорот со
2027 година, па на англиските клубови нема да им биде лесно да го
доведат.
Билбао за неговата слобода ќе бара 80 милиони евра, па останува да
видиме кој клуб е спремен да ја плати оваа сума.

Играчот од средниот ред на Јувентус, Николо Фаџоли, повторно се
извини за зависноста од спортско обложување откако во октомври
беше суспендиран на седум месеци од фудбалот.
„Жал ми е за тоа што го направив. Сите ме поддржаа: клубот,
тренерот и моите соиграчи. Клубот знае дека ги увидов моите грешки.
Заработувам добри пари и многу се коцкам“, додаде играчот од
средниот ред на настанот на кој беше и д-р Лусијана Монте која се
грижи за рехабилитација на Фаџоли.

Репрезентативецот на Македонија, Никола Серафимов ќе остане во Унгарија откако денеска тимот на МОЛ Фехеревар објави дека договорот со него е продолжен.

Во редовите на унгарскиот тим Серафимов пристигна летото 2022 година од ЗТЕ и по првата сезона во која имаше проблеми, сезонава успеа да дојде до стандардно место кај тренерот Бартош Грзелак.

„Во клубот пристигнав пред две години, првата сезона не одеше како што очекував, имави две повреди. Сепак, по почетокот на актуелната работите се променија и тоа се одразува и на резултатите на тимот. Имаме одличен тренерски тим и успесите ги постигнавме благодарение на тоа што играме како тим.

Реалтивно брзо сртигнавме до бројката од 40 бода која беше поставена за цел пред почетокот на сезоната, но секако дека во последните две кола сакаме и да го подобриме пласманот. Нема да се откажеме од освојувањето на второто место. Среќен сум што го продолжив договорот и ќе продолжам да се борам за успех“, изјави Серафимов за клупскиот сајт.

Во актуелната сезона Серафимов беше стрелец и на еден погодок, против Кишварда во есенскиот дел од сезоната.

Aлфонсо Дејвис вчера беше стрелец во полуфиналето од Лигата на шампионите, но неговиот гол не беше доволен за Баерн Минхен да се пласира во финалето.

Водството на германскиот тим беше актуелно се до 87. минута кога Хоселу израмни, а потоа постигна и втор гол за целосен пресврт.

Дејвис во изминатиот период многу се поврзуваше со трансфер токму во Реал Мадрид, па новинарите ги интересираше таа негова ситуација.

„Дали ќе бидат тука во иднина? Мојот агент преговара, но не со Реал, туку со Баерн. Ќе видиме што ќе се случи, меѓутоа што и да да биде јас ќе сум благодарен на клубот“, изјави Дејвис.

Екипата на Астон Вила е заинтересирана за играчот од средниот ред на Кристал Палас, Maјк Олисе.

За потписот на 22-годишниот Французин ќе конкурират и Манчестер Јунајтед и Арсенал. Тој во сезонава одигра 17 натпревари во Премиер лигата на кои постигна 9 голови и имаше 4 асистенции.

Се претпоставува дека Кристал Палас зе неговиот потпис ќе бара најмалку 50 милиони евра.

Манчестер Јунајтед е силно заинтересиран за дефанзивецот на
Јувентус, Жеилсон Бремер, пренесуваат медиумите на Островот.
Бремер пред две години пристигна во Јувентус и се наметна како
столб на одбраната на „старата дама“ со што го потврди статусот за
еден од најдобрите дефанзивци во Серија А.
Меѓутоа, Бразилецот сака да ја промени средината и преферира да
игра во Премиер лигата, а во неговиот договор има откупна клаузула
од 51 милиони фунти.
Таа сума воопшто нема да биде проблем за Манчестер Јунајтед, кој на
лето сака да донесе дефанзивец бидејќи планира да се раздели со
Мегваер и Линделоф.

Челзи е заинтересиран за Јан Облак, голманот на Атлетико Мадрид и репрезентацијата на Словенија, пренесуваат шпанските медиуми.

Облак е во Атлетико Мадрид од 2014 година и има договор до 30 јуни 2028 година.

Шпанските медиуми пишуваат дека Атлетико би можел да го продаде словенечкиот репрезентативец во летниот преоден рок за да обезбеди пари за трансфери на нови играчи.

Марко Ројс на крајот од сезоната ја напушта Борусија Дортмунд, а кариерата би можел да ја продолжи во САД.

Според Фабрицио Романо, Ројс е заинтересиран да се пресели во МЛС и да го доживее животот во Америка, Саудиска Арабија не го привлекува.

Не се знае кој клуб би можел да го донесе Ројс, но откако ќе заврши финалето во Лигата на шампионите, сигурно ќе имаат време да преговараат и да ја изберат најдобрата дестинација.

МЛС стана особено популарна лига по доаѓањето на Лионел Меси, Луис Суарез, Серхио Бускетс и Жорди Алба во Интер Мајами, иако не треба да заборавиме дека Оливие Жиру пристигнува во Лос Анџелес, па Америка станува ветената земја за играч како Марко. Ројс.

Англискиот фудбалски прволигаш Нотингем Форест не успеа во својата жалба да го поништи одземањето четири бодови поради нивното прекршување на правилата за профит и одржливост на Премиер лигата во сезоната 2022/23, објави денеска лигата.

Форест поднесе жалба откако казната во март ги доведе во опасност од испаѓање. Клубот сега е на 17. место на табелата со 29 бодови, три бодови над опасната зона на само две кола до крајот на сезоната.

„Независниот совет за жалби ја потврди одлуката на Комисијата да одземање четири бодови на Нотингем Форест поради прекршување на правилата за профитабилност и одржливост на Премиер лигата‘, се вели во соопштението на лигата.

Форест в сабота го пречекува Челзи, а сезоната ќе ја заврши на гостински терен против Барнли на 19 мај.

И понатаму е во тек потрагата околу новиот тренер на Баерн Минхен, а епилогот би требало да биде наскоро познат.

Баерн досега не успеа да ги убеди Јулијан Нагелсман, Роберто Де Зерби и Рафл Раггник, додека одби да остане и сегашниот тренер Томас Тухел.

Токму затоа Баерн сега според последните информации одлучил да тргне по потписот на Ханси Флик кој со гигантот од Минхен ја освои Лигата на шампионите.

Информациите на германските медиуми се дека Флик покажал знаци дека може да се врати во таборот на тимот од Минхен. Флик го водеше Баерн од 2019 до 2021 година и успеа да ја освои тројната круна во сезоната 2019/20.