Шкотските медиуми се воодушевени од стартот на македонскиот фудбалски репрезентативец Давид Бабунски во новиот клуб, а на ранк листата на трансфери, плејмејкерот се наоѓа на втората позиција меѓу најдобрите трансфери во летниот преоден рок во Шкотската Премиер лига.

„Како продукт на славната Ла Масија од Барселона, 30-годишниот офанзивен играч за врска веќе вооодушеви во првите настапи за Данди Јунајтед. Има големо искуство стекнато во Шпанија, Унгарија и Јапонија. Интересно засилување за Данди кое може добро да се исплати“, се вели во описот на трансферот на Бабунски.

Европската фудбалска федерација (УЕФА) ги суспендираше на еден натпревар шпанските репрезентативци Родри и Алваро Мората поради нивното однесување за време на прославата на трофејот освоен на Евро 2024, објави прес-службата на организацијата.

Инцидентот се случи на 15 јули во Мадрид. За време на прославата на победата на Европското првенство, фудбалерите постојано ја извикуваа паролата „Гибралтар е Шпанија“.

Во врска со ова, Фудбалскиот сојуз на Гибралтар поднесе жалба до УЕФА.

Репрезентацијата на Шпанија ја победи Англија со 2-1 во финалето на Европското првенство одржано пред два месеца во Германија.

Репрезентацијата на Англија остана без селектор откако Герет Саутгејт даде отказ по завршување на Европското Првенство во фудбал.

Сега ФА назначи в.д селектор кој ќе ја извршува функцијата до пронаоѓање на конечното решение.

Станува збор за Ли Карсли кој е 50-годишен стратег и досега во кариерата бил главен тренер само во Брентфорд во 2015 година. На останатите места во сениорскиот фудбал имаше улога на асистент.

Како привремен селектор на Англија доаѓа од позицијата селектор на репрезентацијата до 21 година, а претходно беше дел и од У20 репрезентација.

Тој ќе биде на клупата на Англија во натпреварите против Ирска и Финска од Лигата на Нации во септември.

Долго време се шпекулира за негов трансфер, но Бојан Миовски се уште е фудбалер на Абердин.

Според последните информации на „Дејли Мејл“ сега понуди за Македонецот подготвуваат два клуба, Саутемптон и Џенова. Миовски веќе и ја започна сезоната со Абердин, не постигна гол, но одигра солиден натпревар во кој и ја погоди пречката.

Сумата за која Абердин би го пуштил Миовски се очекува да биде околу 6.5 милиони фунти. Претходно и Болоња се поврзуваше со Миовски, но нивниот интерес како да стивна.

Поранешниот напаѓач на Манчестер Јунајтед Ентони Марсијал е слободен агент и не би имал против да ја засили Аталанта и да заигра во италијанскиот шампионат.

Тоа би требало да биде и одлична замена за повредениот Скамака кој ќе го пропушти најголем дел од новата сезона.

Да подсетиме италијанскиот репрезентативец Џанлука Скамака ги скина предните вкрстени лигаменти и ќе паузира најмалку осум месеци.

Францускиот фудбалски шампион ПСЖ е силно заинтересиран за фудбалерот на Манчестер Јунајтед и англиски репрезентативец, Џејдон Санчо.

Санчо минатата сезона ја помина на позајмица во Борусија Дортмунд, каде ја оживеа кариерата, но нема намера да останев во Манчестер Јунајтед.

Јунајтед за него бараат 40 милиони фунти, сума која нема да биде проблем за ПСЖ, па се очекува трансферот да биде комплетиран наредните денови.

Бенфика го продолжи договорот со Анхел Ди Марија и за
наредната сезона, а тоа ќе биде петта година за аргентинскиот
фудбалер во дресот на португалскиот клуб.

Бенфика беше првиот европски клуб на Ди Марија. Тој во
Лисабон пристигна од Росарио Централ во 2007 година и се
задрша три сезони пред да се пресели во Реал Мадрид во 2010
години.
Во 2023 година се врати во Бенфика потпишувајќи едногидшен
договор. Сега соработката е продолжена за уште една сезона.

Македонскиот фудбалер Кристијан Трапановски уште во првото
коло од шкотската лига се најде во тимот на колото.
Македонецот дебитираше со гол за Данди Јунајтед во мечот
против ФК Данди и заврши 2-2.
Покрај голот Трапановски беше еден од најзабележителните и
најактивните на теренот, имаше уште неколку шанси да донесе
победа, сепак и вака направи доволно за да се најде во тимот на
колото. Трапановски беше прогласен и за играч на натпреварот.

Португалсака фудбалска ѕвезда, Кристијано Роналдо се врати на
тренажниот процес во Ал Нсер.
Роналдо на социјалните мрежи објави фотографии заедно со
соиграчите. „Назад, таму каде што припаѓам“, стои во објавата на
социјалните мрежи.
Кристијано Роналдо доби слободни денови за одмор по учеството
на ЕП.
Тој го носи дресот на Ал Насер од 2022/23-та, а минатата сезона
постигна 35 гола на 31 натпревар во првенството на Саудиска
Арабија, станувајќи најдобар стрелец во првенството.

Нико Вилијамс долго време се поврзуваше со Барселона, но на
крајот и во новата сезона ќе го гледаме во Атлетик Билбао.
Посебно внимание Вилијамс привлече по одличното Европско
првенство, Барселона најмногу се поврзуваше со неговото име,
но и ПСЖ беше во игра. Во неговиот договор има клазула од 58
милиони евра и тоа не е проблем за гигантите, па така одлуката
беше само негова.
Преку видео на социјалните мрежи Вилијамс потврди дека е
среќен во Атлетик.
„Се вратив и едвај го чекам почетокот на новата сезона. Напред
Атлетик“, зборува Вилијамс во видеото.

Сега Барселона веројатно ќе се фокусира на неговиот соиграч од
репрезентацијата Дани Олмо.