Мануел Аканџи ќе биде надвор од терените неколку недели поради повреда. Дефанзивецот на Манчестер Сити заработи повреда на мускулот на крајот на првото полувреме од натпреварот против Реал Мадрид (2-3) и беше заменет.

Клубот се уште нема дадено официјална изјава за сериозноста на повредата на Аканџи, но Тајмс објави дека прелиминарните тестови покажале дека играчот ќе отсуствува неколку недели.

Поради тоа, Швајцарецот нема да може да учествува на натпреварите против Њукасл и Ливерпул во Премиер лигата, а ќе го пропушти и реваншот против Реал Мадрид.

Килијан Мбапе ќе се врати во француската репрезентација на следниот тренинг камп. Тоа го потврди селекторот на француската репрезентација, Дидие Дешамп.

Килијан Мбапе немаше најдобар почеток во Реал Мадрид, по што беше изоставен и од Дешамп во националниот тим.

Репрезентацијата на Франција повторно ќе се собере кон средината на март, каде што ги очекуваат два натпревари против Хрватска во Лигата на нациите.

Екипата на Монца која се бори за опстанок во Серија А, го ангажираше сенегалскиот фудбалер, Кеита Балде.

Црномурестиот крилен напаѓач потпиша договор до крајот на сезоната. 29-годишниот играч пристигна во Италија откако го раскина договорот со турскиот Сиваспор.

Балде играше за Интер, Лацио, Калјари, Сампдорија, Еспањол, Монако и Спартак Москва.

Аргентинскиот интернационалец во Рома, Паоло Дибала, принудно го напушти вчерашниот меч со Порто во плеј-офот во Лигата на Европа откако се пожали на болка во пределот на коленото.

Фудбалерот иако доби лекарска помош и се врати во игра, на крајот од полувремето сепак беше заменет. „Римската волчица“ се уште не соопштува дали неговата повредата е сериозна и дали ќе оди на дополнителни лекарски прегледи.

Римскиот состав во текот на викендот го чека пресметка со Парма во новото коло во Серија A.

Тренерот на Баерн, Винсент Компани е задоволен од победата над Селтик (1-2) синоќа во првиот натпревар од плејоф рундата во Лигата на шампионите.

„Ова е прво полувреме од двомечот. Генерално, резултатот е навистина одличен. Локалните навивачи ретко гледаат дека нивниот тим губи дома, особено во европските натпревари, па затоа високо ја цениме важноста на оваа победа и прикажаниот настап.
Во последните 10 минути моравме да ја држиме одбраната на ниво, и добро го завршивме тоа“, изјави Компани.

Реваншот ќе се игра во Германија на 18 февруари.

Дефанзивецот на Баер Леверкузен, Џонатан Та ќе се приклучи на Барселона како слободен играч во летото 2025 година, ова го објави „Мундо Депортиво“.

Според изворот, фудбалерот ја избрал Барселона пред другите понуди, вклучително и од Баерн. Претходно беше објавено дека Та би можел да потпише договор на пет сезони, но се истакнува дека во Барселона се уште ништо не е конечно решено.

Во тековната сезона од германскиот шампионат, 29-годишниот Џонатан Та има одиграно 20 натпревари на кои постигна два гола. Дефанзивецот одигра и осум натпревари во Лигата на шампионите и четири во Купот на Германија.

Во дресот на Баер Леверкузен игра од 2015 година.

Сер Алекс Фергусон ќе му оддаде почит на Џузепе Роси со тоа што ќе присуствува на прошталниот натпревар на 38-годишниот Роси. Поранешниот италијански репрезентативец се повлече од фудбалот во летото 2023 година, но сега одлучи и официјално да се збогува со фудбалот. Натпреварот се игра на 22 март во Фиренца, каде Роси играше за Фиорентина од 2013 до 2017 година.

„Тоа ќе биде ден полн со изненадувања. Ќе одиграме одличен натпревар со моите поранешни соиграчи. За мене Фиренца е втор дом и секогаш кога ќе се вратам овде се чувствувам одлично. Имавме многу одлични моменти и внатре и надвор од стадионот. Многу сум горд што Сер Алекс Фергусон, мојот прв менаџер во професионалниот фудбал, ќе биде на натпреварот. Ќе дојдат и поранешниот најдобар стрелец на Фиорентина, Лука Тони, мојот соиграч Антонио Касано, Борха Валеро, Себастијан Фреј, како и одличниот Габриел Батистута“, откри Џузепе Роси.

Роси е роден е во САД, но неговата професионална кариера започна во Манчестер Јунајтед. Покрај за Фиорентина има настапувано и за Њукасл, Парма, Виљареал, Леванте, Селта и Џенова. За Италија има 30 настапи и седум гола.

Тренерот на Ливерпул Арне Слот доби директен црвен картон по дербито со Евертон кое на Гудисон Парк заврши 2-2. По пресметката меѓу „сините“ и „црвените“ на овој стадион, дојде до инциденти меѓу играчите на двата тима.

Во целата мешаница црвени картони добија Арне Слот, неговиот помошник Спајк Хулсоф, како и играчите Кертис Џонс и Абдулај Дукур.

Токму порди ова, Ливерпул ќе биде предводен од нов тренер на следниот натпревар од Премиер лигата, бидејќи Арне Слот и неговиот помошник Спајк Хулсоф ќе бидат суспендирани.

Во недела, Ливерпул е домаќин на Вулверхемптон на „Енфилд“, а Слот и Хулсоф ќе мора да бидат на трибините, додека тимот ќе го води Џони Хејтинга. Секако и самиот Хејтинга ќе има можност да добива инструкции од Слот за време на натпреварот преку телефон.

Напаѓачот на Ливерпул, Мохамед Салах постигна гол и асистенција на презакажаниот натпревар од 15. коло на англискиот шампионат против Евертон (2-2).

Натпреварот се одигра синоќа на „Гудисон Парк“ во Ливерпул.

Сега Салах има 13 гола и девет асистенции на 13 гостувања оваа сезона. Триесет и двегодишниот Египќанец стана првиот играч во историјата на Премиер лигата кој постигнал 22 поени (голови + асистенции) на гостински терен во една сезона.

Салах го собори рекордот на фудбалерот на Њукасл, Енди Кол од 21 поен (гол и асистенции) на гостински натпревари поставен во сезоната 1993/94.

Mакедонскиот фудбалски интернациналец Андреј Тодороски не е повеќе член на Спартак Суботица и кариерата ќе ја продолжи во таборот на ТСЦ Бачка Топола.

За овој трансфер се зборуваше иште од почетокот на преодниот рок. Андреј Тодороски беше голема желба на ТСЦ, но преговорите со Спартак не одеа лесно.

Напаѓачот на Спартка Суботица имаше понуди и од Русија и Украина, но сепак на крајот од зимскиот преоден рок, Спартак и ТСЦ се договорија, Тодороски оди во Бачка Топола во трансфер вреден 450.000 евра и 20 % од следната продажба.

Наддавањето почна со 200.000 евра на почетокот на преодниот рок, бидејќи Тодороски беше голема желба на тренерот на ТСЦ, Јован Дамјановиќ, кој во него гледа решение за десната крилна позиција. Се очекуваше дека зделката ќе се забрза кога Тополчани ги продадоа Александар Ќирковиќ и Ифет Ѓаковац, заработувајќи добро во текот на зимата, но сепак се покажаа како тешки преговарачи.