Ливерпул е заинтересиран за напаѓачот на Наполи, Виктор Осимен. „Црвените“  на барање на менаџерот, Јирген Клоп, сакаат да го ангажираат  24-годишниот Нигериец.

Црномурестиот напаѓач кој имаше блескава сезона и ја освои наградата за најдобар стрелец во Серија А се наоѓа на списокот за трансфери на Манчестер Јунајтед, Челзи, Њукасл, Пари Сен Жермен и Баерн Минхен.  

Познато е дека Наполи за неговиот потпис бара големи 180 милиони евра.

Лаутаро Мартинез, може да добие понуда да замине во Реал Мадрид доколку шпанскиот тим не успее да го ангажира Килијан Мбапе од ПСЖ, најавија дел од медиумите.  

Аргентинецот има договор со Интер до летото 2026 година што значи дека откупната клаузула ќе биде многу висока.

Напаѓачот пристигна кај „нероаѕурите“ во 2018 година од Расинг Клуб за 25 милиони евра.

Фановите на Севилја не сакаат да го гледаат Серхио Рамос во нивниот состав, тврдат денеска медиумите во Шпанија.

Според радио Кадена СЕР, искусниот стопер кој го напушти летово ПСЖ има намера да се врати во матичниот клуб од кој во 2005 година направи трансфер во Реал Мадрид.

37-годишниот Шпанец е слободен агент што значи дека Севилја може да го ангажира без обештетување.

Италијанската фудбалска федерација му изрече десетдневна суспензија на Жозе Мурињо поради навреда на судијата Даниеле на мечот со Монца одигран на 3 мај.

Тоа значи дека тренерот на Рома нема да седи на клупата на стартот на новата сезона. Португалскиот тренер ќе треба да плати и казна од 50.000 евра.

Пред извесен период и УЕФА го казни „специјалниот“ со четири натпревари поради вербални навреди упатени кон судијата Ентони Тејлор по поразот од Севилја во финалето во Лига Европа.

Во изминатите денови низ италијанските медиуми се пишува за иднината на македонскиот напаѓач, Илија Несторовски.

Несторовски во финишот од сезоната добиваше поголема минутажа во Удинезе, но откако тимот го обезбеди опстанок, па последните натпревари беа искористени како тест да се види на кого тимот има намера да смета во новата сезона. Како што стојат работите, Нестор не го поминал „тестот“ и не ги задоволил очекувањата на раководството на клубот од Удине. Сега од Палермо стигна потврда дека преговараат да го вратат во своите редови.

„Преговараме со Несторовски“, објави „Џиорнале ди Сицилија“.

Несторовски најдобрите денови од својата кариера ги помина во Палермо каде што остави длабока трага, а си замина откако клубот поради финансиски проблем беше исфрлен во најинзок ранг, сега полека се враќа и се натпреварува во Серија Б.

Засега информациите се дека Палермо на Несторовски му нуди договор на една година, додека македонскиот напаѓач бара двегодишен договор. Претходно се пишуваше дека АПОЕЛ е заинтересиран за Нестор, меѓутоа во овој момент клубот од Сицилија е фаворит.

Наградниот фонд на претстојното Светско првенство за жени ќе изнесува 100 милиони евра, што е за 300% повеќе од наградниот фонд на последното Светско првенство 2019 година. Тоа го пренесува „Мундо Депортиво“ повикувајќи се на ФИФА.

ФИФА одлучи дел од парите директно да ги додели на учесниците на Мундијалот, а не на федерациите. Секој играч кој ќе учествува на Светското првенство загарантирано ќе добие 27.000 евра. Сите членови на победничкиот тим ќе добијат загарантирана исплата од 247.000 евра. Сепак, наградниот фонд на Светското првенство за жени, зголемен за 300%, и понатаму е четири пати помал од износот на машкиот турнир, кој, според изворот, изнесувал околу 400 милиони евра (СП 2022).

Светското првенство за жени ќе се одржи од 20 јули до 20 август во Австралија и Нов Зеланд. Актуелен победник на турнирот е тимот на САД.

Барселона во наредните денови има намера да продаде играчи за најмалку 17 милиони евра за да му плати на Интер за играчот од средниот ред Марсело Брозовиќ. Тренерот Чави сака лично да го види фудбалерот во својот тим. Ова го пренесува новинарот Џанлука Ди Марцио на својата веб-страница.

Претходно беше објавено дека Барселона нема финансиски капацитет да реализира каков било трансфер, а тимот нема дополнителни средства во фондот за плати. За да потпише со нови играчи, клубот ќе мора да се раздели со постоечките играчи. Брозовиќ е најевтината алтернатива како замена за Серхио Бускетс, кој ќе може да се покаже на високо ниво.

Брозовиќ (30) за Интер игра од 2015 година. Претходно беше објавено дека тој е блиску до преселба во клубот од Саудиска Арабија, Ал-Наср.

Продолжува трендот на многу фудбалски ѕвезди кариерата да ја продолжуваат во Саудиска Арабија.

Клубовите од Саудиска Арабија инвестираат огромни пари во фудбал, а најново име кое се поврзува со Ал-Ахли е играчот на Барселона, Франк Кеси.

Кеси минатото лето пристигна во Барселона како слободен агент од Милан, но не ги задоволи очекувањата на тренерот Чави, па главно е на клупата за резерви.

Барселона сака да го продаде и очекува понуди за играчот, а Ал-Ахли му нуди неверојатни 30 милиони евра по сезона.

Реал Мадрид многу брзо ослободи четири и донесе нови четири играчи во месец јуни, но исто така ги искористи овие 30 дена за да ги продолжи договорите со Крос, Начо, Себаљос и Модриќ.

Карло Анчелоти му ја отворил вратата за заминување на уште еден играч, на кого му порачал дека не е во плановите за новата сезона.

Се работи за десниот бек Алваро Одриозола кој одигра само 92 минути изминатава сезона, а за кој интерес пројавиле неколку италијански екипи, како и матичниот Реал Сосиедад.

Реал Мадрид е заинтересиран за дефанзивецот на Баер Леверкузен, Џереми Фримпонг, пренесуваат шпаските медиуми.

Анчелоти сака да ја засили десната бековска позиција и во јануари е спремен да испрати понуда за 21-годишниот Фримпонг.

Фримпонг пристигна во Леверкузен од Селтик за 11 милиони евра и има договор со „фармацевтите“ до 2025 година, а се етаблираше во еден од најдобрите бекови во Бундеслигата.

За него интерес покажува и Манчестер Јунајтед, но Реал сака да ја победи конкуренцијата и веќе стапил во контакт со неговиот агент.

Леверкузен е спремен да го продаде ова лето, но за неговата слобода бара 30 милиони евра.