Препородениот Манчестер Јунајтед под палката на Мајкл Карик продолжува да гази во Премиер лигата. Во натпревар кој понуди вистински емотивен ролеркостер, „црвените ѓаволи“ испуштија предност од два гола, но на крајот со погодокот на Бенјамин Шешко во судиското продолжение стигнаа до огромни 3-2 против упорниот Фулам.

Средбата започна со целосна контрола на домаќините, кои уште од првата минута наметнаа висок ритам. Мрежата на гостите ја затреси искусниот Касемиро во 19. минута, со силен и прецизен удар со глава ја круниса асистенцијата на Бруно Фернандеш од слободен удар. Јунајтед делуваше незапирливо и на почетокот на вториот дел, кога во 56. минута Матеус Куња зголеми на 2-0. Клучниот потег повторно беше на Касемиро, кој со мајсторско додавање „без гледање“ го проигра Куња, а тој од тешка позиција ја погоди мрежата. Во тие моменти, се чинеше дека бодовите веќе се впишани на контото на домашниот тим.

Сепак, мирната завршница се претвори во хаос во последните десет минути. Фулам, на кој претходно му беше поништен гол на Чуквуезе поради офсајд, не се предаде. Драмата започна во 85. минута кога Хари Мегваер невнимателно го собори Раул Хименез во шеснаесетникот. Хименез беше сигурен реализатор на најстрогата казна, внесувајќи неизвесност во финишот. Само шест минути подоцна, „Олд Трафорд“ замолкна — резервистот Кевин со вистински проектил од работ на казнениот простор го совлада Ламенс за шокантни 2-2.

Но, овој Јунајтед на Карик покажа карактер каков што навивачите одамна не виделе. Наместо капитулација, следеше последен јуриш. Во 94. минута, по уште една шанса направена на Фернандеш, топката стигна до Бенјамин Шешко. Словенечкиот напаѓач, кој само неколку моменти претходно ја погоди стативата, овојпат беше хируршки прецизен и со неодбранлив удар во горниот агол донесе делириум на трибините. Ова е трета голема победа по ред за Карик, по триумфите над Сити и Арсенал, со што Јунајтед сериозно се запишува во трката за Лигата на шампионите.

По 23 одиграни натпревари во Серија А, Алберто Џилардино доби отказ.

Досегашниот стратег на Пиза беше разрешен од функцијата по поразот од Сасуоло, а одлуката била донесена едногласно поради лошите резултати оваа сезона, во која клубот оствари само една победа.

Пиза досега има скор од една победа, 11 ремија и 11 порази, со што се наоѓа на претпоследната позиција на табелата со 14 бодови, а зад неа е само Верона.

Како најсериозен кандидат за наследник на поранешниот напаѓач сè почесто се споменува Марко Џампаоло, тренерот кој во минатата сезона го предводеше Лече.

Јувентус добива ново засилување, во Торино на медицински прегледи пристигна Жереми Бога од Ница.

За 29-годишниот фудбалер ова е враќање во Италија по три години, претходно го носеше дресот на Сасуоло и Аталанта.

Бога утрово допатува во Италија каде што ќе ги помине медицинските прегледи. Во Јувентус пристгнува на позајмица, а „старата дама“ на лето ќе може да го откупи неговиот договор за пет милиони евра.

Фудбалерот на Ал-Наср, Кристијано Роналдо, одлучи да се повлече од претстојниот натпревар од лигата на Саудиска Арабија во знак на протест против сопствениците на клубот, објавува „А Бола.“

Според португалскиот спортски весник, 40-годишникот нема да излезе на теренот за денешниот натпревар од 20. коло од лигата против Ал-Ријад. Спротивно на првичните извештаи во саудиските медиуми, неговото отсуство не е поврзано со планирана ротација или подготовки за важниот натпревар против Ал-Итихад на 6 февруари. Извор близок до клубот изјави за „A Bola“ дека причината е длабокото Роналдо од спортското и институционалното управување со Ал-Наср од страна на Јавниот инвестициски фонд (PIF).

Како клучна фигура во саудискиот проект, Роналдо верува дека неговиот клуб е во значителна неповолна положба во споредба со другите тимови кои исто така се контролирани од „PIF“. Тој изразува разочарување од недоволните инвестиции и спортската политика на која, според него, ѝ недостасува амбиција. Оваа ситуација беше влошена од скромните трансфери во зимскиот прозорец. Единствената аквизиција беше 21-годишниот ирачки играч од средниот ред Хајдер Абдулкарим. Ова не ги исполнува очекувањата на главниот тренер Жорже Хесус, кој не ги доби бараните засилувања за проблематичните позиции.

Внатрешната ситуација во клубот, исто така, предизвикува тензии. Иако португалските државјани Симао Кутињо (спортски директор) и Хозе Семедо (извршен директор) имаат клучни менаџерски позиции во Ал-Наср, нивните овластувања беа замрзнати со одлука на одборот претходно овој месец. Ова ги ограничува нивните можности и, според Роналдо, го ослабува тимот и ја загрозува неговата конкурентност.

Ливерпул постигна договор со франциски Рен за трансфер на 20-годишниот централен дефанзивец Жереми Жаке. „Црвените“ ќе платат 60 милиони евра плус 10 милиони бонуси за францускиот фудбалер.

Жаке се договорил за личниот договор со англискиот клуб. Тој ќе му се приклучи на Ливерпул на лето, а до крајот на сезоната ќе игра на позајмица во Рен.

Оваа сезона, Жаке одигра 18 натпревари за Рен во Лига 1, при што доби четири жолти картони и еден црвен. Тој во просек игра 89 минути по натпревар.

Играчот од средниот ред на Арсенал, Микел Мерино, ќе го пропушти остатокот од сезоната поради повреда. На Шпанецот му беше дијагностицирана фрактура на коската на десното стапало. Повредата ја претрпе кон крајот на натпреварот против Манчестер Јунајтед (2-3).

Мерино ќе биде опериран во наредните денови. Се очекува играчот од средниот ред да отсуствува подолг период. Клубот очекува тој да се врати во главниот состав пред крајот на сезоната.

Мерино одигра 21 натпревар во Премиер лигата оваа сезона, постигнувајќи четири гола и реализирајќи три асистенции.

Јувентус со убедливи 1-4 го доби мечот со Парма и ја потврди добрата форма во која се наоѓа во моментов.

Со голови на Бремер и Мекени во првото полувреме Јувентус водеше со 2-0.

По шест минути игра во вториот дел Камбиасо си постигна автогол и ја врати надежта на Парма дека може да се спаси.

Но само три минути подоцна Бремер со својот втор гол на мечот ја врати предноста од два разлика за Јувентус, а брзо потоа и Давид даде гол за конечни 4-1.

Претседателот на Панатинаикос, Димитрис Јанакопулос, „лут како рис“ им испрати порака на своите играчи и тренери по поразот на „зелените“ од Арис во грчкото првенство.

Тимот на Ергин Атаман загуби во Солун со 102:95 по едно продолжение.

Во исто време, турскиот стратег беше исклучен поради бурни протести кон судиите, со што се комплетираше лошиот ден на неговиот тим.

Лут од конечниот резултта, Јанакопулос со критики се огласи на социјалните мрежи.

Им порача на играчите и тренерите да го напуштат клубот.

„Главниот тренер, помошниците тренери, сите вие! Сите. Немате поим каде играте, нели? Ова е Панатинаикос. Се надевам дека кога ќе се вратите во Атина, ако имате храброст да се вратите во Атина, сите ќе поднесете оставка“, рече Јанакопулос и додаде:

Срам да ви е! Проклети да сте! И не сакам ништо да чујам, ниту за Пицилкас, ниту за криминални организации, за ништо. Не можете да изгубите од Арис со буџет од 40 милиони. Срамно! Почнете да играте кошарка. Сфатете каде сте!“, порача ексцентричниот Јанакопулос.

Нигерискиот напаѓач, Адемола Лукман ќе ја напушти Аталанта во зимскиот преоден рок, а според последните информации донел одлука и кадде ќе продолжи.

Напаѓачот кој во 2024 година со хет-трик во финалето го сруши Баер Леверкузен во финалето од Лига Европа како што стојат работите ќе продолжи во Атлетико Мадридд.

Претходно на големо се поврзуваше со Фенербахче кој му нудел и подобри услови од Атлетико, но на крајот Лукман го избрал Атлетико.

Шпанските медиуми пишуваат и дека пресудил разговорот кој го имал Диего Симеоне со фудбалерот.

Според најавите трансферот треба да изнесува околу 35 милиони евра, плус уште пет кои би ги добил италијанскиот тим преку бонуси.

Во рамките на 22. коло од Ла Лига, Реал Мадрид на свој терен го совлада Рајо Ваљекано со 2-1, на натпревар обележан со бројни прекини, картони и драматична завршница.

„Кралскиот клуб“ поведе уште во 15. минута, кога Винисиус Жуниор по брилијантен соло-продор ја смести топката во самите агли од голот на Рајо. Домашните имаа уште неколку шанси во првото полувреме, но резултатот не се менуваше.

Рајо до израмнување стигна на почетокот од вториот дел. Во 49. минута Алваро Гарсија асистираше, а Хорхе де Фрутос со прецизен удар погоди за 1-1 и ја врати неизвесноста во натпреварот.

Како што се приближуваше крајот, тензиите растеа. Рајо остана со играч помалку по исклучувањето на Пате Сис во 80. минута, а во самата завршница следуваше вистинска драма. Во деветтата минута од судиското продолжение беше досуден пенал за Реал Мадрид, кој Килијан Мбапе сигурно го реализираше за конечни 2-1.

До крајот на средбата гостите добија уште еден црвен картон, а натпреварот заврши дури во 105. минута.

Со оваа победа Реал Мадрид го задржа чекорот со водечката Барселона, од која заостанува само еден бод, а во следното коло ќе гостува кај Валенсија.