Ракометарите на Вардар го загубија првиот натпревар од групата во главната фаза од Лига Европа, откако вечерва загубија на гостувањето кај Бенфика во Лисабон со 40-35 (24-16).

Една од причините за поразот тренерот Иван Чупиќ треба да ја бара во тоа што негоавта екипа направи десет технички грешки повеќе од противникот (22-12).

„Црвено-црните“ имаа добар почеток на дуелот и до 10.минута беа во водство последен пат 8-7, а претходно имаа и три гола предност (7-4).

Но, од тој момент до крајот на првиот дел Бенфика буквално „мелеше на теренот“ и со серија од 16-6 стигна до највисоките 23:14.

Во второто полувреме предноста на домашниот тим најчесто беше меѓу пет и седум голови, а Вардар успеа да намали и на четири негатива (38-34).

Најефикасен на дуелот беше Дмитро Хорига од Вардар со 9 голови, додека кај Бенфика најмногу голови – 7 постигна Микита Ваилупау.

Во следното коло Вардар го пречекува Мелсунген на 24 февруари во Скопје, а во сабота му гостува на Алкалоид во дербто на Супре лигата.

Црногорскиот ракометен шампион, Будуќност, полека го склопува играчкиот ростер за наредната сезона, во која ќе влезе со големи амбиции.

Како прв потег беше договорот со левиот бек Ѓурѓина Јауковиќ, која ќе замине од романскиот првак ЧСМ Букурешт на лето и ќе се врати во својата татковина.

Покрај Јауковиќ, Будуќност ја ангажира и српската репрезентативка Јована Скробиќ, потоа репрезентативката на Фарските Острови – Суна Хансен, Хрватката Хана Вуљакм додека договорите ги продолжија Армел Атингре, Марија Марсениќ…

Иако годинава не обезбеди место во осминафиналето на Лигата на шампионите, за наредната сезона формира тим за повисоки дострели.

Македонскиот ракометен тим Охрид одигра одличен натпревар на домашен терен и убедливо славеше против Дукла Прага од Чешка (30-21) во рамки на првиот натпревар од осминафиналето на ЕХФ Купот, третото по ранг натпреварување во европскиот ракомет.

Ракометарите на Охрид пред домашната публика покажаа квалитет и сила и покажаа дека сакаат да одат по патот на Алкалоид кој минатата година го освои овој трофеј.

Од почеток до крај на мечот во „Билјанини Извори“ беше јасно кој ќе биде победник на оваа средба. Тоа ГРК Охрид го најави со самиот старт кога отворија со серија од 6-0. Дукла во текот на целиот натпревар ја бркаше предноста на Охрид која во вториот дел беше и двоцифрена.

Дарко Ѓукиќ со осум постигнати гола беше најдобар кај Охрид, а друштво му правеше Анте Иванковиќ со седум гола, а кај Дукла, Јири Војтела и Лукас Мелих дадоа по четири гола. Реваншот во Чешка помеѓу екипите на ГРК Охрид и Дукла Прага кој треба да биде само формалност се игра на 21 февруари.

Данскиот ракометар Матијас Гидсел по третпат во кариерата е избран за најдобар ракометар на светот за 2025 година, во изборот на Меѓународната ракометна федерација (ИХФ).

Тој доминираше во гласањето и доби убедливо најмногу гласови.

Гидсел имаше феноменална година, беше клучен играч за данската репрезентација и го предводеше тимот до значајни успеси на меѓународната сцена, вклучувајќи ги и големите натпреварувања каде се истакна како еден од најефикасните стрелци и највредни учесници на теренот.

Ракометарите на Еурофарм Пелистер извојуваа победа во пелагониското дерби. Дуелот од 21. коло на Суперлигата со Прилеп донесе повеќе грижи од вообичаено. но во последните десетина минути Тајник и Кузмановски ги вратија работите на свое место и домаќинот извојува победа од 32-27 (16-12). Прилеп долго време парираше, на одмор имаше -4, а во 45. минута дури и израмни. Сепак, поискусната и поквалитетна екипа на Стевче Алушовски стигна до бодовите. Гостите не издржаа до крајот, па Еурофарм Пелистер со солиден финиш успеа да го реши победникот и да го затвори дуелот со пет гола разлика.

Кузмановски со девет голови ги предводеше стрелците кај Еурофарм Пелистер, додека Димитриоски стигна до осум погодоци во редовите на Прилеп. За шампионот не настапија Манасков (казна) и Радивојевиќ и Видомски (повреда).

Ракомет
Суперлига 2025/26

1. коло

Еурофарм Пелистер – Прилеп 32-27 (16-12)

Спортска сала „Боро Чурлевски“ – Битола
Гледачи: 500
Судии: Димитар Митревски и Благојче Тодоровски

Еурофарм Пелистер:
Хаидарирад 1, Митревски, Брестовац, Ристевски, Хакбарт 6, Кузманоски, Тајник 4, Хенигман 2, Кузмановски 9, Абутовиќ, Калајџиовски, Пет. Атанасијевиќ 4, Пешевски 3, Хосни 3, Хаџиќ
Седмерци: 5/2
Исклучувања: 12 минути

Прилеп:
Ангелески 1, Христоски, Тренчески 3, Кастратовиќ 3, Рајатовски 3, Адамчески, Шипинкоски 5, Крстески 1, Илиески 2, Димитриоски 8, Шабановиќ 1, Квастек, Столески, Ѓорѓиевски, Соколески
Седмерци: 6/5
Исклучувања: 6 минути

Во последното 22. коло од регуларниот дел на сезоната Еурофарм Пелистер гостува кај Куманово.

Вардар ќе добие сериозно засилување за вториот дел од сезоната, откако српскиот репрезентативец Вукашин Воркапиќ ќе му се приклучи на тимот од Скопје.

Првично беше најавено дека Воркапиќ ќе го облече „црвено-црниот“ дрес од следното лето, сепак Вардар ги обезбеди неговите услуги шест месеци порано.

Во Вардар ќе ја засили конкуренцијата на десната крилна позиција, каде веќе настапуваат Гоце Георгиевски и Мигел Пинто.

Воркапиќ е второ засилување од Војводина оваа зима, по доаѓањето на Жоао Педро Да Силва.

Шампионот Еурофарм Пелистер рутински ја одработи задачата на гостувањето против Радовиш, славејќи над „фенерџијата“ на табелата со убедливи 17-42. Неверојатното второ полувреме на избраниците на тренерот Алушовски ја направи победата супер-убедлива.

Резултатот по првото полувреме гласеше 11-16, но битолчани заиграа далеку посериозно во вториот дел, отворија со осум гола во низа, создавајќи двоцифрена предност што „зелено-белите“ рутински ја задржаа до самиот крај.

Најдобар поединец на паркетот беше Филип Кузмановски со девет гола, а солидни беа и Петар Атанасијевиќ и Рудолф Хакбарт со по седум гола, како и голманот Брестовац со десет интервенции и само пет примени гола. За домашниот тим прв стрелец беше Славе Јанковски со четири гола. Одлична веста за Алушовски е и враќањето на Цветан Кузманоски, кој се најде во протоколот за натпреварот, но не доби шанса. Сепак, неговото враќање по тешката повреда е многу блиско.

Ракомет
Суперлига 2025/26

1. коло

Радовиш – Еурофарм Пелистер 17-42 (11-16)

Спортска сала „26 април“ – Радовиш
Гледачи: 500
Судии: Методија и Михајло Илиевски

Радовиш:
Паунов 1, Ристов, М. Димов 1, Петров 2, С. Трајанов 1, Постолов, Трајчевски 1, Јанковски 4, И. Димов 2, Велков, Ѓорѓиев, Ф. Трајанов, К. Ѓорѓиев, Ончев 3, Манасов, Костадинов 2
Седмерци: 1/1
Исклучувања: 10 минути

Еурофарм Пелистер:
Брестовац, Хеидерирад, Ристевски 1, Хакбарт 7, Кузманоски, Тајник 1, Хенигман 4, Кузмановски 9, Абутовиќ, Калајџиовски 4, Пет. Атанасијевиќ 7, Пешевски 3, Хосни 2, Хаџиќ 4
Седмерци: 3/3
Исклучувања: 4 минути

Во следното 21. коло Еурофарм Пелистер в петок ќе го пречека Прилеп во пелагониското дерби.

Екипите на Алкалоид ја оправда фаворитските улога и дојде до нови очекувани бодови во Битола. Младата екипа на Еурофарм Пелистер 2 не можеше некомплетна да парира и загуби со 22-36. Овој пораз значи и теоретски дека екипата на Александар Зарков ќе игра во плеј-аутот до крајот на сезоната.

Гостите од Скопје без никакви проблеми ја потврдија разликата во квалитет и стигнаа до убедлива предност уште на полувреме. Резултатот 12-20 беше надграден и во продолжението, а избраниците на Кире Лазаров на крајот славеа со 22-26.

Тордарсон со осум и Костески со пет голови беа најефикасни во редовите на победничката екипа Алкалоид, а Мохамед Азис Бен Мафуд со осум погодоци се истакна кај Еурофарм Пелистер 2.

Ракомет
Суперлига 2025/26

1. коло

Еурофарм Пелистер 2 – Алкалоид Ракомет 22-36 (12-20)

Спортска сала „Боро Чурлевски“ – Битола
Гледачи: 1.000
Судии: Рубинчо Седлоски и Горан Ангелески

Еурофарм Пелистер 2:
Јовановски, Младенов, Фехми, Марковски 2, Лозановски, Гичев 2, Велески, Митревски 3, Шулевски 1, Дамчевски 1, Димитровски, Пецаковски, Славков, Белистојановски 4, Дрогришки 1, Мохамед Азис Бен Мафуд 8
Седмерци: 6/4
Исклучувања: 2 минути

Алкалоид Ракомет:
Кизиќ, Галевски, Џонов 4, Тордарсон 8, Маркоски, Серафимов 1, Стојковиќ 2, М. Митев 4, Ѓорѓиев, Нен. Костески 5, Петковски 1, Д. Митев 4, Борзаш 2, Аларов 2, Николов 3, Ѓорговски
Седмерци: 6/3
Исклучувања: 10 минути

Во следното 21. коло Еурофарм Пелистер 2 в сабота гостува во Радовиш.

Поранешниот селектор на македонската машка ракометна репрезентација и тренерот на македонски Вардар со европска титула Шпанецот Раул Гонзалез од следната сезона ќе биде седне на клупата на белградски Партизан и ќе го наследи Ѓорѓе Чирковиќ во Партизан.

Според пишувањата на српските медиуми Раул се договорил со клубот до 2028 година, до кога има и договор со Ракометниот сојуз на Србија.

Од белгардскиот клуб ја известија јавноста дека актуелниот тренер Ќирковиќ на крајот на сезоната го завршува својот ангажман во редовите на „црно-белите“.
Во таборот на клубот очекуваат и оваа сезона да заврши успешно особено што Партизан последните сезони е водечки клуб во српскиот ракомет со Војводина.

Поранешниот ракометар на Вардар, Алекс Душебаев, по осум сезони го напушта Келце и кариерата ја продолжува во германската Бундеслига.

Иако се поврзуваше со враќање во Вардар или трансфер во Кил, шпанскиот репрезентативец потпиша договор со Гумерсбах до 2029 година, каде ќе соработува со тренерот Гудјон Валур Сигурдсон.

За 33-годишниот Душебаев, Гумерсбах ќе биде шести клуб во кариерата, по настапите за Келце, Вардар, Арагон, Ла Риоха и Сиудад Реал.