Екипата на Мерцедес му даде рок од два месеца на Луис Хамилтон да одговори дали ќе остане во тимот и по крајот на годинашнава сезона.
Германците кон крајот на мај сакаат да знае дали освојувачот на 7 титули во формула 1 ќе биде на нивниот список и за шампионатот во 2022 година. Тоа го потврди и шефот Тото Волф кој е воедно и акционер во Мерцедес.
Доколку Хамилтон не се согласи да ја продолжи соработката, тогаш како негов наследник се наметнува Џорџ Расел.

Трката за Големата награда на Унгарија ќе се најде во календарот на Мото ГП шампионатот во 2023 година. Ова го потврди промоторот Дорна во четвртокот, откако и официјално беше потпишан договор со локалната самоуправа. Изградбата на патеката во близина на Дебрецин се очекува да започне во последниот квартал на 2021 година. Проектот ќе го води Габор Талмачи, кој ја освои титулата во класта до 125 кубни сантиметри во 2007 година.
„Возев за мојата земја десет години во Мото ГП, и сега ја презентирам и на друго ниво – како експерт. Се надевам дека моето знаење и искуство ќе бидат корисни за овој проект. Самата локација во близина на Дебрецин е многу важна за регионот. Но, не само за него, туку и за соседните земји Словачка, Украина и Романија. Во иднина, навивачите ќе можат лесно да го посетуваатт Дебрецин, што е добро и за градот“, заклучи Талмачи.

Она што денови се најавуваше во Италија, синоќа и се случи. Златан Ибрахимовиќ и Синиша Михајловиќ се појавија и запеаја на еден од најстарите музички фестивали на светот – Санремо. Тие двајца, заедно со помош на двајца пејачи, го отпеаја познатиот хит „Ло Вагабондо“. Ибрахимовиќ и Михајловиќ не се првите луѓе од светот на фудбалот кои настапиле на Санремо. Пред нив, таа чест ја имаа Роберто Бацо, Франческо Тоти, Антонио Касано и други. Поради гостувањето на Санремо, Ибра ќе пропушти неколку тренинзи на Милан, кој е по долго време повторно е во трка за титулата во Серија А.

Една од sвездите во подем на УФЦ – Хамзат Чимаев, преку социјалната мрежа Инстаграм шокантно објави дека става крај на кариерата. „Сакам да искажам голема благодарност на сите што ме поддржаа на моето патување. Мислам дека тоа беше сè. Многумина можат да бидат вознемирени, но, моето срце и моето тело велат така“, напиша шведскиот борец со чеченско потекло. 26-годишниот Чимаев кој има сериозни здравствени компликации откако го прележа корона-вирусот, последен пат беше во „кафезот“ во септември 2020 година кога го победи Џералд Мершарт.

Дарио Ивановски нема да настапи на престојното Европско првенство во сала поради тоа што е позитивен на Ковид-19. Нашиот најдобар атлетичар со нетрпение го очекуваше и овој настап, но инфекцијата со ковид-19 го спречи во намерите.
Ивановски пред извесно време ја освои балканската титула на 3000 метри на шампионатот во Истанбул и требаше оваа недела да настапи на европскиот шампионат во Торун, Полска.

Двократната олимписка шампионка на 800 метри, Кастер Семенија, ќе поднесе жалба до Европскиот суд за човекови права откако ИААФ донесе одлука за ограничувањето на присуството на тестостерон во телото на атлетичарите. По промената на правилата во 2019 година, Семениа не може да учествува во сите дисциплини од 400 метри до една милја без да зема лекови кои го намалуваат нивото на тестостерон. Јужно-африканката претходно ја изгуби битката и со Врховниот суд во Швајцарија. Специјализираниот спортски арбитражен суд исто така ја одби жалбата на Кастер по усвојувањето на правилото во 2019 година.

Селекторот на македонската одбојкарска репрезентација, Никола Матијашевиќ, од денеска е нов тренер на грчкиот клуб ПАОК каде настапува репрезентативен техничар, Филип Деспотовски.
Од клубот ја потврдија соработката со 67-годишниот српски стратег кој поголемиот дел од својата тренерска кариера ја мина водејќи екипи од Франција, а работеше и во Тунис и Летонија.
Матијашевиќ е на клупата на Македонија од 2018 година и под негово водство обезбедивме историско прво учество на Европскиот шампионат во 2019 година, а меѓу најдобрите на стариот континент ќе бидеме и на претстојното Европско првенство.

Рускиот тајкун и сопственик на Челзи, Роман Абрамович е голем љубител на јахти, а деновиве доби нова „играчка“ вредна 430 милиони евра. Абрамович во својата колекција има дури осум скапоцени јахти, а последната во збирката е наречена Соларис и вреди скоро половина милијарда евра. Оваа јахта започна да се гради пред три години, долга е 140 метри и тешка 11 илјади тони. Најголемата брзина која ја достигнува е 18 чворови (33,33 километри на час), има 48 кабини и осум палуби. Абрамович на неа ќе може да дочека повеќе од 40 гости, заедно со екипаж од 60 луѓе. На јахтата, помеѓу останатото, ќе има хелиодром, базен, теретана, бар и неколку ресторани. Освен Соларис, кој изгледа навистина свемирски, Абрамович сака да се пофали и со суперјахтата наречена Еклипс, која пред 11 години ја плати 450 милиони евра. Абрамович во 2007. година ја подари јахтата Олимпија, вредна „само“ 25 милиони фунти, на својот голем пријател Владимир Путин.

Неверојатна ситуација се случи на славниот бразилски ММА борез Зулузињо на приредбата на руската АМЦ промоција. Зулузињо се бореше против непоразениот руски борец Јусуп Шуаев и се чинеше дека ќе му го нанесе првиот пораз. Пред крајот на првата рунда, 42-годишниот Зулузињо жестоко го погоди русинот и го собори на земја, тргна на него, а судијата го запре. Бразилецот започна да ја слави победата, мислејќи дека судијата ја прекина борбата како не би го загрозил здравјето на Шуаев, но судијата реагираше бидејќи се огласи знакот за крај на рундата. На крајот, шокираниот Зулузињо мораше да се врати во кафезот, а таму русинот беше подобар и во наредните 10 минути со одлука на судијата победи. Бразилецот го доживеа десеттиот пораз во кариерата, прв по скоро три години.