Возачот на тимот Тех3 КТМ тимот, Маверик Вињалес, доби жестока казна по завршувањето на трката за Големата награда на Катар. Шпанецот беше преместен од второто на 14-тото место, поради притисок во гумите.

Вињалес возеше сензационална трка на патеката Лусаил, каде што водеше неколку круга, а потоа го освои првиот подиум на КТМ во сезоната. Пред него беше само возачот на Дукати, Марк Маркез, а зад него заврши Франческо Бања.

Сепак, веднаш по трката, дирекцијата на трката објави дека Вињалес е под истрага поради притисок во гумите, бидејќи неговиот тим сигурно не очекуваше тој да заврши на подиумот.

Час и половина по трката беше објавено соопштение во кое се наведува дека притисокот во гумата на Вињалес е помал од пропишаниот, поради што тој е казнет со додавање на 16 секунди на постигнатото време.

Ваквиот исход значи дека Бањаја напредуваше на второто место, додека трофејот за третото место му припадна на Франко Морбидели од тимот ВР46, кој во директен дуел беше подобар од Жоан Зарко на ЛЦР Хонда.

Следната трка од Мото ГП шампионатот се вози за Големата награда на Шпанија во Херез од 25 до 27 април.

Марк Маркез ја продолжува доминацијата од почетокот на сезоната. Возачот на Дукати победи на трката за Големата награда на Катар пред изненадувањето Маверик Вињалес од КТМ и тимскиот колега Франческо Бањаја. Трлата во Катар ја обележаа глупостите што ги направи помладиот Маркез, Алекс и падот на актуелниот шампион Хорхе Мартин, кој потоа заврши на медицински испитувања.

Марк Маркез, осумкратен светски првак, на првите четири викенди во Мото ГП осовои четири пол-позиции, забележа четири победи во спринт трките и три во главните трки.

Маркез се мачеше на „Лусаил“, бидејќи беше сериозно предизвикан, но одговори на предизвикот и на крајот убедливо победи.

Франко Морбидели од тимот на Валентино Роси на стартото го презеде водството, откако Алекс удри во мотоциклот на својот брат Марк. Низ поредокот успешно се проби Вињалес, како и Бањаја кој стартуваше од 11. место.

Во четвртиот круг помладиот Маркез направи нова глупост, проба невозможен маневар, удри во Диџанантонио го исфрли од патеката во моментот кога Италијанецот беше четврти во поредокот.

Марк Меркез ја освои пол-позицијата за ГП на Катар.

Ова е четврти пат шпанскиот мотоциклист да биде на првото место, па го задржа максималниот учинок во квалификациите.

Шпанецот постави најдобро време од 1:50.499, што беше недостижно за помладиот брат Алекс, кој беше втор.

Третото место му припадна на Фабио Квартаро, кој е на Јамаха.

Катастрофа во квалификациите имаше клупскиот колега на Марко Маркез, Франческо Бањаја, кој на стартот ќе биде само 11-ти.

Италијанецот имаше пад и во квалификациите, поточно во вториот дел, па тоа имаше големо влијание на крајот да биде само 11. место.

Возачот на Мекларен, Оскар Пјастри, ја освои пол-позицијата пред Големата награда на Бахреин, четвртата трка од овогодинешниот шампионат во Формула 1.

Австралиецот до втората пол-позиција сезонава и кариера на патеката „Сакир“ стигна со време од 1:29.841 минути, со десети и пол предност пред Џорџ Расел во Мерцедес.

Најблиску до двајцата беше возачот на Ферари, Шарл Леклер, додека лидерот во генералниот пласман заостана – Ландо Норис ќе го заземе шестото место, додека бранителот на титулата Макс Верстапен ќе биде зад него, во четвртиот стартен ред.

Четвртата квалификациска сесија сезонава беше одбележана со прекин во второто полувреме, кога возачот на Хаса, Естебан Окон, го уништи својот болид откако помина преку тротоарот и удри во оградата.

Во пресрет на 56-то издание на традиционалниот Илинденски кајак слалом ИКАС 2025 денеска на средба со новинарите се појавија министерот за спорт, Борко Ристовски, претседателот на Кајакарската федерација на Македонија, Роберт Папазов и најдобриот македонски кајакар Ангел Петрушев.

„Мене ми е мило што продолжуваме една традиција која што треба да се негува и која треба да се цени и да се подигне на уште повисоко ниво. Ние сме генерален покровите како Министерство и сигурен сум дека се ќе направиме како држава, како Влада сите љубители на спортот да уживаат и се надевам дека се ќе помине во најдобар ред“ – рече Ристовски.

Првиот човек на Кајакарската Федерација, Папазов, нагласи дека ќе има 110 натпреварувачи од 10 земји со гости од Канада и дека прв пат ќе се освојуваат бодови за Светската ранг листа. Нашиот главен фаворит за висок пласман, Петрушев, очекува македонските кајакари да бидат на висина на задачата на ИКАС 2025 кој ќе се реализира на 12 и 13 април

Денес беше одржана Прес-конференција на Македонскиот Олимписки Комитет (МОК) на која беа споделени деталите околу последните подготовки за организација на Европскиот Младински олимписки фестивал 2025 во Скопје. Овој спортски настан ќе се оджи во Скопје, а ќе има натпревари кои ќе се одржат и во Куманово од 20 до 26 јули оваа година.

Претседателот на МОК, Даниел Димевски, ја истакна важноста на ЕМОФ Скопје 2025 како најголемиот спортски настан во историјата на Македонија и како клучна можност за развој на младинскиот спорт.

„Станува збор за исклучително голем настан – најголемиот што досега го организирала нашата држава. Очекуваме речиси 4.000 учесници, вклучително спортисти, тренери, официјални лица и логистички персонал. Во Скопје и Куманово ќе биде присутен целиот европски младински спортски крем, односно младите спортисти кои што ќе бидат најголеми ѕвезди на следната летна олимпијада во Лос Анџелес. Организацијата на ваков фестивал е вистинска привилегија, а особено сме горди што успеавме Скопје да го вметнеме на мапата на најзначајните спортски настани во Европа. Ова е уникатна можност за промоција на нашата држава на европско ниво. На спортски план, Македонија ќе ја претставуваат околу 200 млади спортисти, а како домаќини имаме загарантирано учество во сите спортски дисциплини. Ова ни овозможува да се вклучиме и во спортови кои дури сега почнуваат да се развиваат кај нас и да лансираме цела нова генерација спортисти на возраст од 15 до 18 години – генерација што ќе созрева во годините што следат. Со тоа, имаме реална шанса да направиме вистински рестарт на младинскиот спорт во државата“, изјави Димевски.

Во пресрет на најголемиот младински мултиспортски настан на Стариот континент, Скопје и Куманово се во финалната фаза на подготовките за организација на Европскиот младински олимписки фестивал – ЕМОФ Скопје 2025, кој ќе се одржи од 20 до 26 јули оваа година. По тој повод, на 8 и 9 април, во хотелот „Холидеј Ин“ во Скопје ќе се одржи традиционалниот Chefs de Mission семинар, каде што претставници од 49 национални делегации ќе имаат можност да се запознаат со организациските аспекти на фестивалот, спортските и логистичките капацитети, како и со самите градови-домаќини.

Рускиот хокеар Алекс Овечкин стана најдобар стрелец во историјата на НХЛ.

Овечкин го постигна својот 895 гол, на вечната листа го престигна легендарниот Вејн Грецки за еден гол, во исто толку одиграни натпревари (1.487).

Овечкин го постигна својот 895-ти гол во кариерата на натпреварот меѓу Вашингтон Капиталси Њујорк Ајландерс.

Грецки го држеше рекордот од 1999 година, а во моментот кога Русинот го собори својот рекорд беше на трибините и тој момент го следеше во живо.

Откако Овечкин го собори рекордот, играта беше прекината поради кратка церемонија, а Грецки му честиташе и одржа мал говор.

Овечкин ја започна сезоната со 853 гола, постигна 15 на првите 18 натпревари, но во ноември заработи повреда поради која мораше да пропушти дури пет недели.

Тој веќе достигна 30 гола сезоната (33), по 19. пат во неговите 20 сезони во НХЛ, постигнува најмалку 30 гола. Тој е четвртиот играч на возраст од 39 или повеќе години кој постигнал 30+ голови во една сезона.

Одбојкарите на Штип УГД одиграа извонреден натпревар и со максимални 3-0 во сетови ја совладаа екипата на Струмица во финалето од Купот на Македонија, обезбедувајќи си уште еден значаен трофеј. Сетовите завршија со резултати 25-21, 26-24 и 25-21.

Штипјани одлично го отворија мечот, демонстрирајќи стабилна игра и самодоверба уште од самиот старт. Иако Струмица успеа да се врати во првиот сет и го израмни резултатот на 20-20, УГД повторно заигра со сигурност и со серија поени го затвори сетот во своја корист со 25-21.

Во вториот сет, Струмица поведе со 13-9 и изгледаше како да ќе изедначи во сетови, но одбојкарите на Штип покажаа карактер и борбеност. Со ефикасни блокови и одличен прием, успеаја да се вратат и во еден крајно драматичен финиш да го добијат сетот со 26-24.

Третиот сет беше нова жестока битка на паркетот. Двете екипи се менуваа во водство, но повторно УГД Штип влезе во клучна серија во завршницата, како и во првиот сет, и со конечни 25-21 стави точка на финалето и го подигна пехарот.

Четврти пат по ред, Макс Верстапен ќе стартува од пол-позицијата на патеката Сузука, на трката за Големата награда на Јапонија.

Актуелниот светски првак до првата пол-позиција сезонава, дојде со совршен круг, најбрз во историјата на Сузука 1:26.983 минути. Верстапен ја прекина доминацијата на Мекларен во квалификациите на претходните две трки, во Австралија и Кина.

Холанѓанецот за 12 илјадити делови од секундата го победи Ландо Норис од Мекларен, а од вториот возач на Мекларен, Оскар Пјастри беше побрз за 44 илјадити делови од секундата.

Шарл Леклер со своето Ферари ќе стартува од четвртото место, тој за 20 илјадити делови од секундата беше побрз од возачот на Мерцедес Џорџ Расел кој ќе стартува од петтото место. Тинејџерот, Андреа Кими Антонели трката ќе ја започне до тимскиот колега Расел.

Пласман во првите десет на стартот изборија Исак Хаџар (Рејсинг Булс), Луис Хамилтон кој уште еднаш разочра во болидот на Ферари, Алекс Албон (Вилијамс) и Оливер Берман (Хас).

Трката за Големата награда на Јапонија, в недела ќе започне во седум часот по средноевропско време.

Екипите на Јанта Волеј и Наковски Волеј ќе играат во финалето во женска конкуренција во одбојкарскиот Куп на Македонија.

Наковски Волеј ја потврди фаворитската улога против Фит Фан Волеј со 3-0 со 25-14, 25-21, 25-18 додека Јанта Волеј беше подобар од Работнички со 3-0 (26-24, 25-11, 25-19)

Финалните мечеви во двете конкуренции се закажани за в сабота. Од 16.00 ќе играат Јанта Волеј и Наковски Волеј додека од 19.00 часот кај мажите ќе се сретнат Штип УГД и Струмица.