ТФТ ја загуби серијата со Широки, но има уште една шанса за место во АБА лигата

Кошаркаритенна ТФТ не успеаја да ја освојат титулата во АБА 2 лигата, откако го загубија и вториот натпревар од финалната серија против Широки Бријег, овојпат на домашен терен со 86-87.

Херој на гостите беше Трајс, кој со вкупно 30 поени, вклучително и решавачкиот кош на неколку секунди до крајот, донесе победа од 86-87 и му обезбеди на својот тим место во елитната АБА лига.

Кај ТФТ, најефикасен беше Ентони Говенс со 23 поени, но тоа не беше доволно за триумф со кој ТФТ ќе обезбедеше мајсторка.

И покрај поразот, ТФТ сè уште има шанса за пласман во најсилното регионално натпреварување, бидејќи ќе игра бараж против Борац Чачак, тимот кој заврши претпоследен во АБА 1 оваа сезона.