Три англиски клуба во преговори за Дони ван де Бек.

Холандскиот интернационалец кој настапува за Манчестер Јунајтед, Дони ван де Бек, наскоро би можел да го напушти „Олд Трафорд“.

За 24-годишниот фудбалер наводна понуда испратила екипата на Њукасл но тој одбил да се пресели во популарните „чавки“.

Сега, според пишувањата на англискиот весник Мирор, во трката за потписот на Ван де бек, се приклучија и премиерлигашите Евертон и Вулверхемптон.

На крајот одлуката ќе ја донесе тренерот на Манчестер Јунајтед, Ралф Рангник кој засега одбива да се одрекне од услугите на играчот од средината на теренот.