Капитенот на саудискиот Ал-Наср и португалската фудбалска легенда, Кристијано Роналдо, започнува ново поглавје во својата кариера. Еден од најдобрите фудбалери на сите времиња реши да влезе во светот на телевизиската продукција, работејќи на нова серија.

Роналдо на својот официјален профил на Инстаграм објави фотографија со познатиот британски режисер и продуцент Метју Вон, откривајќи дека започнала продукцијата на неговата прва телевизиска серија, насловена „Day 1s“.

„Одлични вести! Продукцијата на мојата прва телевизиска серија ‘Day 1s’ штотуку започна. Наскоро следуваат повеќе информации“, напиша Португалецот.

Според досегашните информации, Роналдо нема да биде само дел од продукцијата, туку и самиот ќе се појави во серијата. Покрај него, во проектот ќе учествува и поранешната ѕвезда на Арсенал и Барселона, францускиот ас Тјери Анри. Во првата епизода би можел да се појави и познатиот британски рапер Дејв.

Снимањето започнало во Лондон во изминатите месеци, но официјалниот датум на премиерата сè уште не е објавен.

Оваа најава доаѓа кратко откако Роналдо стави крај на својата репрезентативна кариера, завршувајќи го 23-годишниот пат во дресот на Португалија, кој започна со неговиот дебитантски настап во 2003 година.

Во репрезентативната кариера забележа 234 настапи и 146 голови, а освои и три големи трофеи. Меѓу нив се издвојуваат европската титула во 2016 година и два трофеи во Лигата на нации на УЕФА.

Капитенот на саудискиот Ал-Наср и португалската фудбалска легенда, Кристијано Роналдо, започнува ново поглавје во својата кариера. Еден од најдобрите фудбалери на сите времиња реши да влезе во светот на телевизиската продукција, работејќи на нова серија.

Роналдо на својот официјален профил на Инстаграм објави фотографија со познатиот британски режисер и продуцент Метју Вон, откривајќи дека започнала продукцијата на неговата прва телевизиска серија, насловена „Day 1s“.

„Одлични вести! Продукцијата на мојата прва телевизиска серија ‘Day 1s’ штотуку започна. Наскоро следуваат повеќе информации“, напиша Португалецот.

Холандскиот фудбалер Френки де Јонг, нема да игра на натпреварот од 6. коло од групната фаза на Лигата на нации против Германија поради повреда, објави прес-службата на „Лалињата“.

Вчера, Холандија ја победи Грција со 7:0. Де Јонг беше заменет на полувремето. Дваесет и деветгодишниот играч од средниот ред наводно доживува мали физички непријатности и нема да патува со репрезентацијата во Берлин како превентивна мерка.

Холандија и Германија ќе играат в понеделник, 16 ноември. Пред последното коло, Холандија е водечка во Група 2 од Лигата А со 11 бода, додека Грција и Германија се следни со по 8 бода.

Репрезентативната пауза носи проблеми за дел од клубовите поради повреди на фудбалери, во Реал Мадрид веќе има два такви случаи.

Најпрво се повреди Чуамени кој веднаш се врати во Мадрид и не одигра ниту еден натпревар за Франција.

А синоќа повреда заработи и Бернардо Силва во дуелот меѓу Португалија и Данска.

Информациите велат дека тој нема да игра против Велс и ќе се врати во Мадрид каде ќе отиде на детални испитувања по кои ќе се знае дали и колку ќе отсуствува.

Ромарио беше еден од оние кои не му изгласа доверба на Карло Анчелоти уште по елиминацијата од Норвешка на Светското првенство, но неколку месеци подоцна, славниот голгетер има уште полошо мислење за трофејниот италијански стрaтег.

– Анчелоти – доста е веќе! Пакувај си ги куферите и исчезни! Никој не ја оспорува твојата кариера. Ти си еден од најголемите тренери што ги видел светскиот фудбал, но важи за клупско ниво. Со бразилската репрезентација, досега немаш покажано апсолутно ништо. Навистина ни прекипе!

– Сакаш ли и понатаму да бидеш тренер? Врати се во клубовите, таму каде што се прослави. Бразилската репрезентација не може да си дозволи само да „чека и да гледа“.

А сега, една порака и до претседателот на бразилската Конфедерарција, Самир Шауд: Млад си, Бразилец си и верувам дека го сакаш најдоброто за нашиот фудбал.

Време е да покажеш дека имаш храброст да донесеш вистинска одлука. Господине претседателе,по ѓаволите…… Избркајте го Анчелоти!

Не смее да се поигрува со дресот на националниот тим. Доволно се посрамотивме, не смееме да ризикуваме да упропастиме уште едно Светско првенство. Кога ќе заврши следното Светското првенство, ќе биде предоцна за жалење. Време е за акција сега!, – гласи бруталната порака на Ромарио.

Репрезентацијата на Македонија утре против Словенија ќе го одигра последниот натпревар во фазата по групи од годинешното издание во Лигата на нации.

„Ме радува што се вратив и жалам што не можев да помогнам минатиот месец на првите четири натпревари. Одигравме добро во Шкотска, но среќата не беше на наша страна. Мораме уште подобро и ако го презентираме на теренот тоа што го бара селекторот од нас, резултатите сигурно ќе дојдат“, истакна повратникот во националниот тим Дарко Чурлинов.

Димитар Митровски поради проблеми со повреда го пропушти дуелот во Глазгов, но сега е подготвен да биде во комбинација за соочувањето со Словенија.

​„Се чувствувам подобро по повредата, тренирам нормално и вечерва ќе одлучиме дали ќе настапам или не. Словенија е компактна селекција, играат одлично на транзиција и верувам дека ќе одат на победа. Нам ни останува да дадеме максимум и да се обидеме да освоиме три бода“, рече Митровски.

Натпреварот се игра в понеделник на арената Тодор Проески, а почетокот е закажан за 20 часот и 45 минути.

Македонската фудбалска репрезентација утревечер  со почеток од 20:45 часот, на Националната арена „Тодор Проески“ во Скопје го игра завршниот, шести меч од групната фаза во Лигата Б од Лигата на нациите, каде противник ќе биде селекцијата на Словенија.

​На официјалната прес-конференција, селекторот Гоце Седлоски потврди дека атмосферата во тимот е на завидно ниво и дека фудбалерите се во добра здравствена состојба, а единствена дилема останува настапот на Димитар Митровски.

Истакнувајќи го борбениот дух што тимот го демонстрираше на претходното гостување во Глазгов, Седлоски нагласи дека сега е момент за похрабар пристап.

​„Мора да тргнеме поофанзивно од претходните дуели. Создаваме шанси, а кога на вакви дуели креирате по 2-3 шанси – треба да ги искористите. Словенија е компактна селекција и излегува моќно од дефанзива, но верувам дека со карактер можеме да дојдеме до трите бода. За составот ќе одлучам после официјалниот тренинг“, порача Седлоски.

 Селекторот на аргентинската репрезентација, Лионел Скалони, го коментираше поразот од 1-2 од Уругвај во пријателскиот натпревар.

-Без оглед на конечниот резултат, натпреварот ни дава можност за размислување. Знаевме дека противниците се тешки, па затоа мора да продолжиме да работиме. Тие ни создадоа тешкотии и заслужуваат честитки за тоа. Но, исто така е јасно дека целиот физички напор е наш. Треба да им дадеме можност на младите играчи да се докажат за постепено да го добијат својот ритам, изјави Скалони по мечот.

На 18 ноември, аргентинската репрезентација ќе игра пријателски натпревар против Костарика. 

Ленс го објави назначувањето на Дидие Дигард за главен тренер на првиот тим, објавено е на клупската веб-страница на францускиот прволигаш.

Договорот е со важност до 2028 година.

Четириесетгодишниот Французин претходно работеше во Ле Авр, каде што го водеше тимот од јули 2024 до 31 октомври 2026 година.

– Ленс се заинтересира за Дигард поради неговата тактичка компетентност, способност за развој на играчи, менаџерски вештини и длабоко разбирање на вредностите што го дефинираат клубот: скромност, напорна работа, посветеност и амбиција. 
Новиот главен тренер на Ленс ќе го одржи својот прв тренинг денес. Тој, исто така, ќе спроведе ревизија на тренерскиот персонал. Целиот Ленс му посакува добредојде на Дидие Дигард и му посакува успех во неговата нова улога, се вели во соопштението за медиумите.

Ленс има 13 бода од 10 натпревари и е 11. на табелата во Лига 1.

Селекторот на Германија, Јирген Клоп, ги искажа впечатоците по синоќешната победа (1-3) над Србија во 5. коло од Лигата на нации на УЕФА.

– Многу сум задоволен од играта, резултатот и пристапот на тимот. Веројатно можевме да постигнеме повеќе, но нема причина да критикуваме денес. Слушнав дека Холандија победи со 7:0, па затоа финалниот натпревар треба да биде одличен. Германија притискаше ефикасно денес, па не мораше многу да се браниме. Сега со нетрпение го очекуваме понеделник – навистина со нетрпение го очекуваме натпреварот со Холандија, рече Клоп на официјалната веб-страница на УЕФА.

Лидер на табелата е Холандија со 11 бода, Грција и Германија имаат по 8, Србија е последна без освоен бод. 

Мохамед Салах испиша нова страница во историјата на египетскиот фудбал. Ѕвездата на Трабзонспор со два погодоци во убедливиот триумф од 5-0 над Малави се искачи на врвот на вечната листа на стрелци на египетската репрезентација.

Со новите два гола, Салах стигна до бројката од 70 погодоци на 123 настапи во националниот дрес, оставајќи го зад себе досегашниот рекордер Хосам Хасан. Легендарниот напаѓач во текот на репрезентативната кариера постигна 69 гола на 176 натпревари, а неговиот рекорд беше актуелен од 2006 година.

Салах најпрво го израмни достигнувањето на Хасан во 84. минута, кога погоди за водство од 4-0. Во судиското продолжение доби можност да шутира од белата точка и беше сигурен за конечните 5-0, со што самостојно го презеде рекордот.

Египетската селекција уште во првото полувреме ја обезбеди победата, откако меѓу стрелците се запишаа Насер Махер, Омар Мармуш и Мохамед Хани.

За Салах ова е уште едно големо индивидуално достигнување, но приказната не е завршена. Бидејќи сè уште е дел од националниот тим, напаѓачот има можност дополнително да ја зголеми предноста на врвот и да постави рекорд кој тешко ќе биде достигнат во иднина.