Монфис нов селектор на француската Дејвис Куп репрезентација
Францускиот тенисер Гаел Монфис во 2026 година ја заврши играчката кариера, во вторникот имаше проштална церемонија, а Тениската федерација на Франција објави дека тој е наследникот на Пол-Анри Матие на позицијата селектор на Дејвис куп репрезентацијата. Во стручниот штаб заедно со него ќе бидат познатите француски имиња Жил Симон и Ришар Гаске.
„Огромна е честа да се биде селектор на Франција. Сакам да направам тимски проект и да создадам атмосфера која ќе ни овозможи да се овозможи заеднички да се бориме за титулата“, изјави Монфис.
Инаку, Монфис пред извесен период се разведе од својата сопруга тенисерката Елина Свитолина.
Франција последната титула во Дејвис купот ја освои во 2017 година, а има вкупно десет пехари.
Осимен опериран, се враќа во 2027 година
Четири недели пауза го очекува фудбалерот на Галатасарај, Виктор Осимен по операцијата на коленото на левата нога, соопштија од клубот. Операцијата ја извршил клупскиот доктор.
Состојбата на оперираниот фудбалер ќе се следи на дневно ниво и врз основа на тоа ќе се одреди терминот на неговото враќање на теренот.
Осимен се повреди на дуелот во вторникот од Лигата на шампионите против Штутгарт. Првите проценки се дека тој ќе биде подготвен за натпревари кон средината на декември.
Репрезентативецот на Нигерија оваа сезона на 10 натпревари постигна 10 голови за турскиот тим.
Борбено реми на Башкими и Брегалница
Во натпревар со малку голови и чисти шанси на тешкиот терен на стадионот во Куманово, поделбата на бодовите меѓу Башкими и Брегалница е најправеден епилог.
Домаќините беа поконкретни во првото полувреме. Уште во првата акција по ударот од агол, Ристовски се обиде со удар, но топката заврши над голот на Брегалница. Во 13. минута, Хасан Сумер се закани со глава во шеснаесетникот, меѓутоа на вистинското место беше гостинскиот голман.
Прв закана од гостите дојде во 14. минута, кога Максимов шутираше од 16 метри, додека топката што ја одби домашниот голман Алиу дојде до Глигоров, кој го лобуваше и голманот и голот на Башкими. Иницијативата на Башкими се исплатеше во 27. минута кога поведоа со 1:0: Капланај нафрли во шеснаесетникот, а таму најдобро се снајде Фавзи Јахаја, кој со удар со глава го совлада голманот Јашар.
Второто полувреме започна со поофанзивна игра на Брегалница. Веќе во 52. минута Иван Глигоров ја имаше првата сериозна можност, но неговиот удар од работ на шеснаесетникот заврши покрај голот на Алиу. Набргу потоа, во првата позначајна акција од ова полувреме, гостите успеаја да израмнат на 11. Стојковски нафрли во казнениот простор, Николов ја врати топката со глава, а несигурната интервенција на голманот Алиу ја искористи Маское, кој со гради ја спроведе топката во мрежата.
До крајот на средбата темпото опадна и немаше поголеми возбудувања пред двата гола, па така двете екипи праведно ги поделија бодовите.
Во следното, 14. коло, Башкими му гостува на Шкендија од Арачиново, додека Брегалница ја очекува дерби-пресметка против Струга ТЛ во Штип
Голема гостинска победа на Шкендија Арачиново во Гостивар
Шкендија од Арачиново продолжува со серијата позитивни резултати, остварувајќи важна гостинска победа против Арсими со 0-2. Гостинскиот тим покажа зрелост и ефикасност во клучните моменти од натпреварот, додека домаќините и понатаму страдаат од недостаток на резултати и самодоверба во својата игра.
Во првото полувреме гостинскиот тим беше поофанзивен и создаде неколку добри шанси за гол. Миле Тодоров се закани двапати, а и Шарковски се обиде во два наврати, но мрежите мируваа до паузата.
Одлучувачкиот момент дојде веднаш на почетокот од второто полувреме. Дашмир Елези постигна вистински еврогол и го отвори резултатот. По извонреден прием на топката, тој биеше со левата нога и ја испрати топката зад грбот на голманот Силјановски за водство од 1:0.
Арсими се обиде да реагира, главно со удари од далечина преку Албин Рамадани и Лорик Каба Јакупи. Најдобрата шанса за домаќините дојде во 70-тата минута, кога Гаје ја погоди стативата и беше многу блиску до израмнување.
Во 83-тата минута, по акција на штотуку влезениот Аритон Мемеди, дефанзивец на Арсими играше со рака во шеснаесетникот. На почетокот судијата дозволи играта да продолжи, но по консултација со ВАР беше потврдено играњето со рака и беше досуден пенал за Шкендија. Од белата точка, капитенот Бесим Демири беше прецизен и ја завери победата со конечни 2:0.
Во судиското продолжение, Селмани, кој влезе од клупата за резерви, имаше одлична можност по контранапад, но неговиот удар заврши покрај голот, иако можеше дополнително да ја зголеми предноста на гостите.
До крајот домаќините се обидоа да направат повеќе, но Шкендија Арачиново се покажа како добро организирана и сигурна екипа, уште еднаш потврдувајќи дека продолжува со многу добри настапи.
Од друга страна, Арсими продолжува да минува низ тежок период на слаби резултати и останува во криза од која ќе мора што побрзо да најде излез. Тимот кој пред само неколку недели се сметаше за кандидат за врвот на табелата, сега се соочува со сосема поинаква реалност и му е потребна итна реакција за да ја врати стабилноста и довербата во екипата.
Важна победа на Ливерпул на теренот на Кристал Палас
Ливерпул со 3-1 победи на гостувањето кај Кристал Палас, Челси со 1-0 загуби кај Сандерленд, Брајтон со 2-0 беше подобар од Борнмут и се качи на второто место на табелата во Премиер лигата.
Резултатот во Лондон беше отворен во 40. минута кога Мекалистер погоди со глава за водство на Ливерпул од 1-0.
По девет минути игра во вториот дел Вирц зголеми на 2-0, а третиот гол за црвените беше дело на Исак во 89. минута.
Длабоко во судиското продолжение Кристал Палас постигна почесен гол преку Нкетиа од пенал за конечни 1-3.
Македонија убедливо поразена во Халкида од Грција
Ракометната репрезентација на Македонија имаше катастрофална претстава во Халкида, бевме надиграни од Грција и поразени со 24-29 во меч од второто коло во Квалификациите за Европското првенство 2028 година.
Македонија влезе како фаворит во натпреварот против Грција, но не само што не ја оправдавме таквата улога, туку доживеавме дебакл.
Особено бевме лоши во првото полувреме. По десет минути игра имавме дадено само два гола, до крајот на првиот дел погодивме деветпати. На полувремето Грција замина со предност од 16-9.
Во второто полувреме Грците дојдоа и до највисоки девет голови разлика, беше 18-9. Во продолжението од мечот заигравме нешто подобро и успеавме да ја намалиме негативата, на крајот загубивме со 24-29.
Најефикасен во нашиот состав беше Костески кој постигна осум голови, сите во второто полувреме, Кузмановски погоди седум. Томовски имаше десет одбрани.
Грција ќе ја пречекаме на 9 мај во Скопје, тоа ќе биде многу важен меч за исходот на квалификациите.
Во вториот натпревар од нашата група, Шведска го победи Луксембург со 50-20.
Норис ќе тргне од стартот во Сао Паоло
Ландо Норис ќе стартува од пол-позицијата на трката за Големата награда на Бразил, откако возачот на Мекларен беше најбрз во квалификациите во Сао Паоло.
Британецот оствари време од 1:27.470 минути, што му беше доволно да го освои првото место, пред Џорџ Расел, додека третата позиција му припадна на новиот светски шампион Кими Антонели.
Сепак, Расел нема да стартува од првиот стартен ред, бидејќи поради казната ќе мора да тргне од седмата позиција. Британецот имаше најдобро време во втората квалификациска сесија, но Норис го надмина во завршниот дел.
Меѓу најдобрите десет во квалификациите се најдоа и Шарл Леклер, Лијам Лосон, Нико Хулкенберг, Исак Хаџар, Оливер Берман, Фернандо Алонсо и Алекс Албон.
Големите врнежи од дожд им создадоа сериозни проблеми на организаторите, поради што почетокот на квалификациите беше одложен за повеќе од еден час.
Главната трка во Бразил ќе се вози в недела со почеток во 18:00 часот.
Во генералниот пласман води Антонели со 380 бода, пред Макс Верстапен со 261 и Луис Хамилтон со 259. Расел е на четвртата позиција со 250 бода.
Бока во последната минута стигна до титулата во Аргентина
Фудбалерите на Бока Јуниорс приредија вистински спектакл на легендарната „Бомбоњера“, совладувајќи ја екипата на Дефенса и Хустисија со 1:0, во драматичен натпревар во кој одлуката падна во последните моменти.
Човек на одлука беше еквадорскиот напаѓач Енер Валенсија, кој во 90+6. минута ја затресе мрежата на гостите и донесе огромна радост за домашните навивачи. Неговиот погодок беше потврден по дополнителната проверка во 90+8. минута, по што започна големото славје на трибините.
Бока долго се мачеше да го пронајде патот до противничката мрежа, а гостите успешно ги одбиваа нападите на аргентинскиот гигант. Како одминуваше времето, така растеше нервозата на теренот и на трибините, бидејќи секоја загубена минута можеше да има огромно значење за шампионските амбиции на домаќините.
Сепак, Валенсија се погрижи драмата да има среќен крај за Бока, постигнувајќи гол вреден прво место во годишниот пласман на аргентинското првенство.
Овој успех има посебно значење и за претседателот Хуан Роман Рикелме, легендата на клубот, кој е на чело на Бока од крајот на 2023 година. Иако претходно како потпретседател учествуваше во освојувањето на шест трофеи, ова е негово прво големо одличје во претседателската функција.
По натпреварот, Валенсија не го криеше задоволството и му се заблагодари на Рикелме за довербата што ја добил.
„Му благодарам на Рикелме што веруваше во мене и ме доведе во најголемиот клуб во Латинска Америка. Видов колку страдаше пред натпреварот, а сега конечно можеме да славиме. Знаевме дека ќе биде тешко, но цело време верувавме дека можеме да постигнеме гол“, изјави Валенсија.
За Бока ова може да биде само почеток на успешен период, бидејќи тимот има уште големи амбиции до крајот на сезоната. Го очекуваат полуфинале во Купот на Аргентина против Банфилд, финале во Копа Судамерикана против Атлетико Минеиро, како и завршницата во аргентинската Клаусура.
Осман опериран, го чека долга пауза
Кошаркарот на ПАОК, Џеди Осман, беше опериран на менискусот на десното колено, по што беше соопштено колку време ќе биде потребно за негово постепено враќање на теренот.
Џеси Осман беше опериран во Солун и ќе паузира најмалку три месеци од кошаркарските терени.
Триесет и едногодишниот играч, роден во Охрид, доживеа несреќа за време на историската победа на тимот на Андреа Тринкиери против Рома (113-111) – натпревар на кој беше постигнат рекорден број поени во историјата на Еврокупот.
Катар го натурализира Кендрик Нан
Кендрик Нан ќе го пропушти дербито на Панатинаикос против АЕК во грчкото првенство, откако доби дозвола од тренерот Жељко Обрадовиќ да отпатува во Катар.
Американскиот бек ќе ја посети оваа земја за да добие катарски пасош, со што ќе се отвори можност да настапува за репрезентацијата на Катар на СП во 2027 година, чиј домаќин ќе биде токму оваа држава од 27 август до 12 септември.
Катарците претходно имале интерес и за НБА-ѕвездата Тобајас Харис, но на крајот изборот паднал на Нан.
