Реал Мадрид дојде до сигурна победа против Валенсија во 12. коло од шпанската Ла Лига со 3-0, иако нашиот репрезентативец Столе Димитриевски повторно беше одличен на голот.

Димитриевски без разлика што прими три гола беше убедливо најдобриот поединец на теренот кај домаќините и спречи вистински дебакл на својот тим, нешто што го направи многу пати од почетокот на актуелната сезона.

„Кралевите“ го отворија резултатот по нешто помалку од половина час игра кога Валверде испрати прецизен удар по една одбиена топка. Само осум минути подоцна Ѓулер се погрижи за 2-0. Со два гола предност Реал замина и на паузата.

Во вториот дел продолжи доминацијата на гостите, Димитриевски забележа неколку фантастични интервенции против кралските ѕвезди пред по третпат да биде совладан во 75. минута кога погоди Мбапе.

Фудбалерите на Манчестер Сити доживеаа голем дебакл во Премиер лигата, воедно го забележаа третиот пораз по ред.

Манчестер Сити беше поразен со 3-1 на гостински терен од Нотингем Форест.

Форест влезе во овој натпревар со четири порази и едно реми во претходните пет натпревари, а на крајот целосно го уништи Сити, сè уште второпласираниот тим на табелата.

Ова е трет пораз на Сити по ред, по неуспесите против Астон Вила и Брајтон, откако ја започнаа сезоната со седум последователни победи, па Арсенал сега има шест бода повеќе.

Во првото полувреме, „граѓаните“ направија две колосални грешки кои одат на „душа“ на Гвардиол, Ендиај и Андерсон.

Тие кардинални грешки отворија простор прво за Куња, а потоа и за Лиам Делап, кој ги донесе домаќините до неочекувана предност од 2-0.

Сити успеа да го намали дефицитот во 52-та минута, благодарение на спектакуларниот гол на Рајан Шерки.

Тој момент им донесе надеж на „граѓаните“, кои продолжија да напаѓаат, но следеше нов студен туш – сличен на оној со претходните два гола.

Повторно, сите линии на Сити се распаднаа во контранападот, играчите кои требаше да стигнат до топката беа бавни .и

Делап повторно го искористи тоа, кој упати силен удар, неодбранлив за Донарума.

Пари Сен Жермен стигна до нова победа во француското првенство, откако на домашен терен ја совлада Троа со минимални 1-0 во натпревар од 10. коло во Лига 1.

По спектакуларното издание и триумфот од 6-0 против Виљареал во Лигата на шампионите, избраниците на Луис Енрике овојпат не блескаа во нападот, но ја завршија задачата и ги задржаа трите бода во Париз.

Домаќините ја имаа иницијативата во текот на целиот натпревар, но не успеаја да создадат многу чисти шанси. Феран Торес и Мајулу имаа можности да го отворат резултатот, но реализацијата изостана. Решавачкиот момент се случи во 39. минута, кога по еден корнер од левата страна, Мајулу испрати топка во противничкиот шеснаесетник, а украинскиот стопер Илја Забарњи најдобро се снајде во воздушниот дуел и со глава го постигна единствениот гол на средбата.

Во продолжението ПСЖ успеа да ја зачува предноста и да стигне до значајни три бода пред паузата за репрезентативните обврски.

По нешто послабиот почеток на сезоната во домашното првенство, тимот на Луис Енрике фати ритам и сега се наоѓа на врвот во Лига 1 со 23 бода. Најблиску до ПСЖ е градскиот ривал Париз, кој има три бода помалку. Троа, пак, со само осум освоени бода се наоѓа на 16. место и ќе мора да ја подобри формата доколку сака да се оддалечи од опасната зона.

За разлика од битолчани, победа по пауза од четири натпревари забележа тимот на Новаци, кој со головите на Сиљановски и Милевски на свој терен со 2-0 го надигра ланскиот прволигаш Македонија ЃП.

По единаесет одиграни кола лидер е Охрид со 28 бода, три повеќе од Пелистер, додека Работнички е трет со 24 бода.

Арсен Венгер сериозно размислува да влезе во трката за претседател на ФИФА и да му биде противкандидат на актуелниот претседател Џани Инфантино.

Според францускиот весник „Л’Екип“, Венгер би требало да се изјасни во средината на следната недела.

Во меѓувреме, се очекува да одржи неколку состаноци со луѓе кои го охрабруваат да се кандидира.

Неговото долгогодишно меѓународно искуство и угледот во фудбалот би можеле да му донесат поддршка од националните федерации

Со оглед на неговата возраст од 77 години, се шпекулира дека доколку биде избран, би останал на функцијата само еден четиригодишен мандат.

Селекторот на Англија повторно не го повика офанзивецот на Челси за натпреварите со Хрватска и Шпанија, испраќајќи му јасна порака дека местото во репрезентацијата мора да се заслужи.

Кол Палмер повторно не се најде на списокот на англиската репрезентација за претстојните натпревари во Лигата на нации, а селекторот Томас Тухел објасни зошто одлучил да го изостави еден од најквалитетните офанзивци во Премиер-лигата.

Англија на 12 ноември ќе ја пречека Хрватска на „Вембли“, додека три дена подоцна ќе гостува кај Шпанија во Мадрид. Палмер нема да биде дел од овие натпревари, иако во дресот на Челси повторно прикажува добри настапи.

Германскиот стратег смета дека фудбалерот на Челси премногу често ги пропушта можностите да се наметне во националниот тим, па одлучил да им даде предност на играчите кои беа дел од претходниот репрезентативен собир.

„Претпоставувам дека сите очајно сакаат да играат за Англија, а Кол не е исклучок. Но, важно е она што го правите кога сте во репрезентацијата. Минатиот пат реков дека тој пропушта премногу можности да се докаже“, изјави Тухел.

Селекторот нагласи дека неговата одлука не е лична и дека вратите на репрезентацијата остануваат отворени за Палмер.

„Ова не е лично. Никогаш нема да претпоставиме дека Кол нема желба да доаѓа и да игра за својата земја. Но, конкуренцијата е голема, а фудбалерите кои беа со нас на претходниот собир направија извонредна работа. Нив ја имаат нашата доверба“, објасни германскиот тренер.

Тухел воедно потврди дека е задоволен од атмосферата и работата во репрезентацијата, па нема намера да прави големи промени во групата која ги исполнила неговите очекувања.

Почетокот му припадна на гостинскиот тим. Во 3. минута, Бесмир Бојку грубо стартуваше над Ендрит Красниќи, а судијата Трпчевски покажа на белата точка. Меѓутоа, со интервенција на ВАР системот, пеналот беше поништен.

Во 16. минута, Исмаили нафрли во шеснаесетникот, додека Радески не беше прецизен во својот обид со глава. Во 25. минута, брза контранапад на Струга ТЛ – Бојку асистира, а Агамах шутира од прва, но таму брзо интервенира Манев.

Во 30. минута, одбранбениот играч Рама шутираше од 20 метри, но топката замина над голот. Шкендија возврати во 38. минута, кога Марко Ѓорѓиески со глава упати силен удар, додека домашниот голман Василев интервенираше на гол-линијата.

Шкендија го започна подобро и второто полувреме. Во 48. минута, вистинска мешаница во шеснаесетникот на домашните, каде што Мелиќи упатува силен удар, кој заврши во гредата на Струга ТЛ. Во 51. минута, Шкендија ја имаше најдобрата можност преку Марко Ѓорѓиески, кој шутира од прва после асистенцијата на Трумчи, но Василев со рефлексна реакција ја исфрла топката во корнер

Десната страна на Шкендија беше најризична. Во 56-та минута Трумчи нафрли во шеснаесетникот, додека Тамба со глава ја упати топката над голот на Василев. Во 65. минута, Рочи нафрли во шеснаесетникот, додека Радески само ја допре топката кон голот на Шкендија, но на вистинското место беше голманот Гаје.

И во следната акција, Струга ТЛ поведе со 1:0. Во 79. минута, Папе Фал нафрли во шеснаесетникот, додека Малески погоди со глава.

Во 87. минута уште еден спорен момент. Топката го погоди во рака Бесмир Бојку, а главниот судија покажа на белата точка. Но, судијата Трпчевски повторно ја промени одлуката, по консултација со ВАР.

До крајот на натпреварот резултатот остана непроменет (1-0).