feature

Стротман пристигна во Џенова, Пандев доби искусен соиграч

Кевин Стротман, до крајот на сезоната ќе го носи дресот на италијанскиот тим Џенова за кој настапува и нашиот Горан Пандев. Некогашниот играч на Рома кој се наоѓа на платниот список на Олимпик Марсеј, се одлучи да се врати во Серија А откако не добиваше минутажа на „Велодром“.
„Без размислување ја прифатив понудата од Џенова бидејќи не играв многу од стартот на сезоната. Разговарав со семејството и сите сакавме да се вратиме во Италија“ – потенцираше Стротман.
30-годишниот Холанѓанец со неговото богато искуство ќе треба да им помогне на џеновјани во битката за опстанок.


Бум во НБА! Харден се пресели во Бруклин!

Џејмс Харден е нов кошаркар на Бруклин Нетс, објавија медиумите во САД.
Во големата размена на играчи учествуваа дури четири клуба. Хјустон за Харден го добија Ексум од Кливленд, односно Леверт и Куруч од Бруклин и четири пика од првата рунда на драфтот, како и четири можности за трејд. Леверт веднаш беше проследен во Индијана, а во спротивен правец се упати Виктор Оладипо.
Кливленд во оваа размена ги доби Џерет Ален и Ториан Принс од Бруклин.
Заминувањето на Харден од ден на ден беше се поблиску, беше јасно дека Хјустон веќе не е во неговите планови. „Брадата“ тоа го најави во последниот негов натпревар.
„Едноставно не сме доволно добри. Немаме хемија, талент, ништо. И тоа се гледа на натпреварите. Го сакам овој град, направив се што можев. Но, ситуаццијата и луда и мислам дека не може да се поправи.“ – изјави Харден по поразот од Лејкерс пред два дена.


За само 12 дена во ПСЖ, Покетино ја освои својата прва титула во кариерата

Францускиот фудбалски првак Париз Сен Жермен, осма година по ред го освои домашниот Суперкуп победувајќи во натпреварот одигран на неутрален терен во Лион против Олимпик Марсеј со резултат 2:1.
ПСЖ повеќе во 39. минута со голот на Икарди, а клубот од Париз до вториот погодок пристигна повторно благодарение на аргентинскиот напаѓач. Имено, поради прекршок над Икарди, а со помош на ВАР, досуден беше пенал кој во погодок го претвори Нејмар во 85. минута.
До крајот на натпреварот Марсеј успеа само да го ублажи поразот, а стрелец на почесниот погодок беше Дмитри Паје на една минута пред крајот.
Францускиот Суперкуп, или како што го нарекуваат Трофеј на шампионот, е прва титула во тренерската кариера на Маурисио Покетино.


Германецот Брих е најдобар судија во последната деценија

Меѓународниот институт за фудбалска историја и статистика (IFFHS) го избра најдобриот судија во изминатата деценија.
Во големата конкуренција победата ја однесе германскиот судија Феликс Брих, кој имаше 141 бод.
Зад него остана Чакир со бод помалку, а блиску беше и Бојрн Кујперс со 133 бода. Искусиот Германец е ФИФА судија од 2007. година. Од поважните натпревари го судеше финалето во Лига Европа 2014. година помеѓу Севиља и Бенфика каде имаше многу контроверзни одлуки.
Исто така, во 2017. година го судеше финалето во ЛШ помеѓу Јувентус и Реал Мадрид во Кардиф.


Се „тресе“ сезоната во НБА, играчите се бунат против рестрикциите

Коронавирусот во последните неколку денови силно ја погоди НБА лигата. Оваа недела беа одложени четири натпревари, а бројни кошаркари се во карантин, дали поради позитивни тестови или пак близок контакт со позитивни случаи. Затоа, НБА лигата ги надополни и прилагоди ионака бројните и детални правила за епидемиолошките протоколи, па дополнително го ограничи движењето и животот на играчите. Некои од нив, веќе гласно го изразуваат своето незадоволство. „Возрасен човек сум, ќе правам што сакам. Ако сакам да го посетам семејството, ќе одам да ги посетам. Не можат да ми наредат да седам во соба 24/7. Ако тоа е навистина така, тогаш не би смееле да играме. Никон не сака едноставно да се откаже од својот живот поради кошарката.“ – вели Џорџ Хил, кошаркарот на Оклахома. Новите правила им забрануваат на НБА играчите да примаат гости надвор од екипата во хотелските соби, не смеат да го напуштаат хотелот освен за клупски обврски, а додека се дома, не смеат да излегуваат надвор освен за суштински активности или итни случаи. „Можеме да се потиме со нив 48 минути, а потоа не смееш ниту да разговараш? Тоа нема никаква смисла.“ – вели Хил.


Битка на гигантите од Манчестер за Бенасер

Манчестер Јунајтед му се приклучи на градскиот ривал Манчестер Сити во битката за потписот на плејмејкерот на Милан, Исмаил Бенасер.
22-годишниот фудбалер ја игра втората сезона како член на Милан по неговиот трансфер од Емполи и со своите настапи го привлече вниманието на големите европски екипи кои го посакуваат во своите редови.
Бенасер има откупна клаузула од 50 милиони евра и доколку го сакаат треба да ја платат таа сума бидејќи Милан не сака да преговара за негов трансфер.
Треба да се спомене дека неговиот талент помеѓу првите го забележа Арсен Венгер кој во 2015 година го доведе во вториот тим на Арсенал за 500.000 евра.


Ливерпул се распрашува за репрезентативец на Србија

Пред неколку денови, англиските медиуми на листата на потенцијални засилувања на Ливерпул во јануари го ставија и фудбалерот на Наполи, Никола Максимовиќ. Дека за репрезентативецот на Србија постои интерес од страна на клубот од Енфилд, потврди и претседателот на италијанскиот клуб, Аурелио де Лаурентис. „Точно е. Ливерпул покажа интерес за Максимовиќ, но во последниот период сме немале контакт со нив.“ – изјави де Лаурентис. Дефанзивецот сезонава добива прилика кога некој од стандардните првотимци не е во тимот, има 13 настапи, па голема е веројатноста дека на крајот од сезоната ќе бара нов клубот. Исто така, неговиот договор со клубот од Неапол истекува за шест месеци, па Максимовиќ веќе сега е во можност да преговара со заинтересираните клубови.


Барса го договори првото засилување во 2021. година

Барселона го доведува Ерик Гарсија, дефанзивецот на Манчестер Сити и тоа уште во зимскиот трансфер период. Гарсија одби да го продолжи договорот со англискиот клуб и има желба да се врати на Камп Ноу, од каде замина како 16-годишник. Барселона може на лето да го доведе како слободен играч, но каталонскиот клуб сака да го има на располагање уште во јануари поради проблемите со кои се соочува со повредени играчи. Сити од Барселона бара 10 милиони евра плус 10 низ бонуси, но на крај се согласи да го продаде 19-годишниот Гарсија за 5 милиони и уште толку во бонуси, бидејќи за неколку месеци не би добиле ништо. Гарсија се согласи на пет и пол годишен договор со Барселона, а поради финансиската криза, каталонците договорија со Сити фиксниот дел од пет милиони евра да биде платен идната година. За Сити, Гарсија одигра 30 натпревари, од кои седум во оваа сезона.


Никој не го сака Диего Коста?

Диего Коста и Атлетико Мадрид го раскинаа договорот, но шпанецот и понатаму не може да пронајде нов ангажман. Француските медиуми откриваат дека Коста се понудил на Олимпик Марсеј, но добил одговор дека на клубот му е потребен различен профил на играч. Се споменуваше и како евентуална замена за Раул Хименез во Вулверхемптон, но враќањето на Кутроне од позајмицата во Фиорентина ја затвори и таа врата за Коста. Диего Коста се врати во својата татковина каде ја одржува формата, тренира индивидуално и ја чека вистинската понуда. Според информациите, тој најмногу е заинтересиран за враќање во Премиерлигата, каде за Челзи одигра 120 натпревари, постигна 50 голови пред да се врати во Атлетико.


60 милионското промашување на Реал се враќа во поранешниот клуб

Српскиот напаѓач на Реал Мадрид, Лука Јовиќ би требало овој месец да замине на позајмица во германски Ајнтрахт Франкфурт, јавуваат медиумите. Колку проблеми има Јовиќ во Мадрид, сведочи и фактот што го загуби статусот и на прва замена на Бензема. Шпанска Марка пишуваше за тоа по поразот од Валенсија, кога Зидан се одлучи за Мариано Диаз пред српскиот интернационалец. „Во неделата Мариано ги запиша првите минути во првенството. За 14. минути поминати на теренот, Диаз покажа желба да направи разлика, изгледаше многу поживо од Јовиќ.“ – напиша тогаш Марка. Јовиќ пристигна во Реал во 2019. година во трансфер вреден 60 милиони евра токму од Ајнтрахт Франкфурт каде играше во животна форма, но 23-годишниот напаѓач не успеа да се снајде во Шпанија.