Репрезентацијата на Македонија утре против Словенија ќе го одигра последниот натпревар во фазата по групи од годинешното издание во Лигата на нации.

„Ме радува што се вратив и жалам што не можев да помогнам минатиот месец на првите четири натпревари. Одигравме добро во Шкотска, но среќата не беше на наша страна. Мораме уште подобро и ако го презентираме на теренот тоа што го бара селекторот од нас, резултатите сигурно ќе дојдат“, истакна повратникот во националниот тим Дарко Чурлинов.

Димитар Митровски поради проблеми со повреда го пропушти дуелот во Глазгов, но сега е подготвен да биде во комбинација за соочувањето со Словенија.

​„Се чувствувам подобро по повредата, тренирам нормално и вечерва ќе одлучиме дали ќе настапам или не. Словенија е компактна селекција, играат одлично на транзиција и верувам дека ќе одат на победа. Нам ни останува да дадеме максимум и да се обидеме да освоиме три бода“, рече Митровски.

Натпреварот се игра в понеделник на арената Тодор Проески, а почетокот е закажан за 20 часот и 45 минути.

Македонската фудбалска репрезентација утревечер  со почеток од 20:45 часот, на Националната арена „Тодор Проески“ во Скопје го игра завршниот, шести меч од групната фаза во Лигата Б од Лигата на нациите, каде противник ќе биде селекцијата на Словенија.

​На официјалната прес-конференција, селекторот Гоце Седлоски потврди дека атмосферата во тимот е на завидно ниво и дека фудбалерите се во добра здравствена состојба, а единствена дилема останува настапот на Димитар Митровски.

Истакнувајќи го борбениот дух што тимот го демонстрираше на претходното гостување во Глазгов, Седлоски нагласи дека сега е момент за похрабар пристап.

​„Мора да тргнеме поофанзивно од претходните дуели. Создаваме шанси, а кога на вакви дуели креирате по 2-3 шанси – треба да ги искористите. Словенија е компактна селекција и излегува моќно од дефанзива, но верувам дека со карактер можеме да дојдеме до трите бода. За составот ќе одлучам после официјалниот тренинг“, порача Седлоски.

 Селекторот на аргентинската репрезентација, Лионел Скалони, го коментираше поразот од 1-2 од Уругвај во пријателскиот натпревар.

-Без оглед на конечниот резултат, натпреварот ни дава можност за размислување. Знаевме дека противниците се тешки, па затоа мора да продолжиме да работиме. Тие ни создадоа тешкотии и заслужуваат честитки за тоа. Но, исто така е јасно дека целиот физички напор е наш. Треба да им дадеме можност на младите играчи да се докажат за постепено да го добијат својот ритам, изјави Скалони по мечот.

На 18 ноември, аргентинската репрезентација ќе игра пријателски натпревар против Костарика. 

Ленс го објави назначувањето на Дидие Дигард за главен тренер на првиот тим, објавено е на клупската веб-страница на францускиот прволигаш.

Договорот е со важност до 2028 година.

Четириесетгодишниот Французин претходно работеше во Ле Авр, каде што го водеше тимот од јули 2024 до 31 октомври 2026 година.

– Ленс се заинтересира за Дигард поради неговата тактичка компетентност, способност за развој на играчи, менаџерски вештини и длабоко разбирање на вредностите што го дефинираат клубот: скромност, напорна работа, посветеност и амбиција. 
Новиот главен тренер на Ленс ќе го одржи својот прв тренинг денес. Тој, исто така, ќе спроведе ревизија на тренерскиот персонал. Целиот Ленс му посакува добредојде на Дидие Дигард и му посакува успех во неговата нова улога, се вели во соопштението за медиумите.

Ленс има 13 бода од 10 натпревари и е 11. на табелата во Лига 1.

Селекторот на Германија, Јирген Клоп, ги искажа впечатоците по синоќешната победа (1-3) над Србија во 5. коло од Лигата на нации на УЕФА.

– Многу сум задоволен од играта, резултатот и пристапот на тимот. Веројатно можевме да постигнеме повеќе, но нема причина да критикуваме денес. Слушнав дека Холандија победи со 7:0, па затоа финалниот натпревар треба да биде одличен. Германија притискаше ефикасно денес, па не мораше многу да се браниме. Сега со нетрпение го очекуваме понеделник – навистина со нетрпение го очекуваме натпреварот со Холандија, рече Клоп на официјалната веб-страница на УЕФА.

Лидер на табелата е Холандија со 11 бода, Грција и Германија имаат по 8, Србија е последна без освоен бод. 

Мохамед Салах испиша нова страница во историјата на египетскиот фудбал. Ѕвездата на Трабзонспор со два погодоци во убедливиот триумф од 5-0 над Малави се искачи на врвот на вечната листа на стрелци на египетската репрезентација.

Со новите два гола, Салах стигна до бројката од 70 погодоци на 123 настапи во националниот дрес, оставајќи го зад себе досегашниот рекордер Хосам Хасан. Легендарниот напаѓач во текот на репрезентативната кариера постигна 69 гола на 176 натпревари, а неговиот рекорд беше актуелен од 2006 година.

Салах најпрво го израмни достигнувањето на Хасан во 84. минута, кога погоди за водство од 4-0. Во судиското продолжение доби можност да шутира од белата точка и беше сигурен за конечните 5-0, со што самостојно го презеде рекордот.

Египетската селекција уште во првото полувреме ја обезбеди победата, откако меѓу стрелците се запишаа Насер Махер, Омар Мармуш и Мохамед Хани.

За Салах ова е уште едно големо индивидуално достигнување, но приказната не е завршена. Бидејќи сè уште е дел од националниот тим, напаѓачот има можност дополнително да ја зголеми предноста на врвот и да постави рекорд кој тешко ќе биде достигнат во иднина.

Заминувањето на Маурисио Почетино на клупата на Манчестер јунајтед значи и крај на неговата селекторска авантура со репрезентацијата на САД.

Аргентинскиот стратег не можеше да ја одбие понудата од еден од најголемите клубови во светот и реши да го напушти селекторското место, оставајќи го американскиот сојуз пред задачата да пронајде ново решение.

Кој ќе го наследи Почетино? Според пишувањето на американските медиуми меѓу кандидатите за нов селектор на американската репрезентација е и Роберто Мартинез, кој ја напушти селекцијата на Португалија по завршувањето на Светското првенство.

Мартинез има богато искуство во репрезентативниот фудбал. Со Белгија го освои третото место на Мундијалот во 2018 година, додека со Португалија не успеа да оствари позначаен резултат на најголемите натпреварувања.

Шпанскиот стратег се споменува и како едно од најреалните решенија за американската селекција, со оглед на тоа што ангажманот на Јулијан Нагелсман или Пеп Гвардиола би можел да биде финансиски и организациски недостижен. Покрај Мартинез, на листата со потенцијални кандидати се наоѓаат и Тјери Анри и Герет Саутгејт.

Американците, така, имаат неколку интересни имиња на располагање, а останува да се види кој ќе ја добие довербата и ќе ја предводи репрезентацијата во следниот период.

Поранешниот селектор на Македонија, Игор Анегловски со селекцијата на Таџикистан се пласираше во финалето од Купот на Кралот во Азија.

Таџикистан со гол на Шеридин Бобоев во 60. минута го победи Оман со 1-0 и избори место во финалето.

Противник на Таџикистан во финалето ќе биде Тајланд или Брунеи кои допрва ќе го играат својот меч.

Турнирот се игра во Тајланд.

Жозе Мурињо одговараше со „Да“ и „Не“ на еден предизвик, Португалецот беше прашуван кои тренери се подобри од него.

Од оние кои му беа посочени, Мурињо единствено за Гвардиола рече дека е подобар од него.

Прашањето е дали посочениот тренер е подобар од него.

Новинар: Чаби Алонсо?

Мурињо: (со насмевка) Ма ајде, јас го научив него! Не.

Новинар: Ханси Флик?

Мурињо: Не, не мислам дека е подобар.

Новинар: Диего Симеоне?

Мурињо: Не

Новинар: Микел Артета?

Мурињо: Микел? Не.

Новинар: Јирген Клоп?

Мурињо: Не.

Новинар: Пеп Гвардиола?

Мурињо: Можеби, мислам дека е.

Новинар: Тоа е да или не, Жозе?

Мурињо: Да, да!

Новинар: Луис Енрике?

Мурињо: Не.

Новинар: Но тој освои тројна!

Мурињо: Јас освоив тројна со Порто. Што ти е поентата?

Новинар: Карло Анчелоти?

Мурињо: Фантастичен тренер, џентлмен… но подобар од мене? Не.

Англискиот шампион Арсенал сериозно се вклучи во трката за ангажманот на крилниот напаѓач на Лајпциг, Антонио Нуса.

Арсенал ги засилил активностите за реализација на трансферот, а претставници на клубот ги следеле последните три натпревари на 21-годишниот Норвежанец.

Нуса сезонава игра во одлична форма и има шест гола и седум асистенции во сите натпреварувања.

Премиерлигашот, сепак нема да има лесна задача да го добие неговиот потпис затоа што Лајпциг бара 80 милиони евра.