Женската репрезентација на Македонија до 17 години ги заврши квалификациите за Европското првенство со реми од 3:3 против Велс, резултат што ѝ го донесе второто место во Б4 групата од Б-лигата.

Избраничките на селекторката Катерина Милеска одиграа возбудлив натпревар со Велшанките, во кој дури шест пати се тресеа мрежите. Македонија поведе во четвртата минута со автоголот на Кејти Вајтвеј, но Велс направи пресврт преку Маја Халкроу во 22. и Маја Касвел во 27. минута.

Во второто полувреме Емилија Ивковиќ со погодок во 51. минута донесе израмнување, но Касвел повторно ја затресе македонската мрежа шест минути подоцна за водство на Велс од 3:2. Конечните 3:3 ги постави Ивковиќ во 65. минута, со својот втор гол на натпреварот.

На вториот дуел од последното коло, Луксембург славеше минимална победа од 1:0 над домаќинот Грузија.

Македонија го заврши турнирот на второто место со четири освоени бода, зад Велс, кој имаше седум. Третопласиран беше Луксембург, а Грузија го освои последното место.

И покрај тоа што не успеа да го освои првото место, македонската селекција го заокружи настапот со добар резултат и позитивен впечаток во последниот натпревар.

Барселона е сè подалеку од можноста да го доведе Џеј-Џеј Габриел (16), големиот талент од академијата на Манчестер јунајтед. Според пишувањата на каталонскиот „Спорт“, шампионот и лидер во Ла Лига одлучи да се повлече од трката за 16-годишниот напаѓач, со што на Реал му се отвора патот кон неговиот потпис.

Габриел последниве месеци е во центарот на голема трансфер-приказна. Младиот Англичанец побара заминување од Манчестер јунајтед, а интерес за него покажаа некои од најголемите европски клубови. Освен Барселона и Реал Мадрид, неговата ситуација ја следеа и Баерн Минхен и ПСЖ. Сепак, се чини дека трката се сведе на двата шпански гиганти, при што Реал Мадрид во моментов е во подобра позиција.

Според информациите на „Спорт“, ПСЖ се обидел да ја подобри својата понуда и да го убеди Габриел да ја продолжи кариерата во Франција. Парижаните му презентирале амбициозен спортски проект, а важен адут требало да биде и тренерот Луис Енрике, познат по работата со млади фудбалери.

Сепак, Габриел и неговите претставници не го промениле првичниот став. Младиот напаѓач претпочита продолжување на кариерата во шпанската Ла Лига, поради што ПСЖ практично испадна од трката. Баерн, според претходните информации, исто така се повлече по проценката дека финансиските барања на операцијата би биле превисоки.

Барселона претходно покажуваше интерес за Габриел, а неговите претставници разговарале со спортскиот директор Деко. Сепак, спортскиот директор на каталонскиот клуб јавно ја намали можноста за трансфер.

Деко уште во септември порача дека Барселона не е заинтересирана за играч во таква ситуација и дека клубот не учествува во преговорите за неговата иднина.

Според наводите на шпанските медиуми, Барселона не е подготвена да ги следи финансиските барања што ги поставуваат застапникот на Габриел, Али Барат, и неговото семејство. Реал Мадрид, од друга страна, наводно е подготвен да понуди повеќе од 10 милиони евра за зделката која би вклучувала тригодишен договор и дополнителни бонуси.

Габриел е еден од најперспективните млади фудбалери во Англија. Минатата сезона постигна 23 гола на 23 натпревари во Премиер лигата за играчи до 18 години и беше прогласен за најдобар фудбалер на натпреварувањето.

Тимот на Диего Симеоне ја продолжи победничката серија, овојпат славеше лесна победа на гостувањето кај Леванте од 2-0 и во моментов се качи на лидерската позиција на табелата.

Атлетико Мадрид на гол се израдува уште во 16. минута, но погодокот им беше поништен поради офсајд.

20 минути подоцна Грималдо постигна регуларен гол со пробив од левата страна за водство на гостите од 1-0. Тоа беше и резултатот од првиот дел.

По 15 минути игра во второто полувреме, Џулијани Симеоне постигна гол и ги постави конечните 0-2.

Атлетико Мадрид сега е на првото место на табелата во Ла Лига, но вечерва Барса го пречекува Алавез, па голема е веројатноста дека по тој меч тие ќе се вратат на врвот.

Репрезентацијата до 17 години во женска конкуренција во последниот натпревар на квалификацискиот турнир за пласман на Европското првенство против селекцијата на Велс играше без победник 3-3 и на крајот го освои второто место.

Во мечот од Б4 групата во Б лигата, Македонија поведе со 1:0 откако Кејти Вајтвеј во четвртата минута ја погоди сопствената мрежа. Во 22-та Маја Халкроу израмни на 1-1, а само пет минути подоцна Маја Касвел му носи предност на Велс од 2-1.

Во 51. минута Емилија Ивковиќ беше стрелец на голот за 2-2, а во 57-та Кесвел повторно беше прецизна за водство на Велшанките од 3-2.

Во 65-тата минута Ивковиќ по втор пат ја совлада противничката голманка за израмнување на 3-3 што беше и конечен резултат на натпреварот.

Во вториот дуел од последното трето коло Луксембург забележа победа од 1:0 во соочувањето со домаќинот на турнирот Грузија.

На крајот избраничките на селекторката Катерина Милеска го освоија второто место со четири бода, три помалку од првопласираниот Велс. Трет е Луксембург додека четвртата позиција и припадна на Грузија.

Откако изјави дека Унаи Емери треба да ја напушти Астон Вила и да го преземе Манчестер Јунајтед, Џејми Карагер влезе во жестока расправија со навивачите на клубот од Бирмингем.

Синоќа, поранешниот капитен на Ливерпул доби одговорот од клубот:

„Астон Вила ќе покрене судска постапка против Џејми Карагер поради неприфатливите навреди што ги упати кон нашиот клуб и нашите навивачи.

Астон Вила нема да дозволи никој да го запре нашиот подем во англискиот и европскиот фудбал“, се наведува во кратката порака потпишана од претседателот на клубот, Насер Саурис.

Навивачите на Астон Вила се налутија од ставот на Карагер дека Емери треба да се пресели во клуб каде што може да ја „нападне“ Лигата на шампионите.

Тој исто така рече дека Вила никогаш нема да биде Јунајтед, со „сочна“ пцовка и заклучи дека навивачите треба да замолчат.

Манчестер Јунајтед во деветтото коло го доживеа петтиот пораз во Премиер лигата. „Црвените ѓаволи“, попладнево загубија во Лондон од Челзи со 2-0. Јунајтед по девет рунди има само една победа и скромни седум бода. Се чини дека по овој меч Мајкл Керик ќе добие отказ.

Иронијата е што на „Стенфорд Бриџ“, Јунајтед се распадна за 10 минути, откако одигра добро прво полувреме и беше подобар противник. Во првиот дел, поради офсајд беше поништен голот на Матеус Куња, а Бруно Фернадеш, кој се врати во стартниот тим, не реализираше голема шанса.

До крајот полувремето Амад Дијало пропушти две шанси.

Најдобрата шанса во првиот дел, Челзи ја имаше преку Каиседо но неговиот удар заврши во стативата.

Во вториот дел, Јунајтед влезе во црна дупка, имаа играчите во црвени дресови лоши 14 минути.

Морган Роџерс постигна гол за 1:0 во 50-та минута, а 10 минути подоцна, Лисандро Мартинез со несмасен старт врз Фофана направи пенал. Несреќата да биде поголема го доби вториот жолт картон. Кога Палмер погоди од белата точка јасно беше дека нетпреварот е решен.

Англискиот гигант покажува сериозен интерес за еден од најперспективните млади фудбалери на Барселона, а првите конкретни чекори веќе се направени.

Раководството на Јунајтед веќе контактирало со релевантни страни за да се информира за можноста за ангажман на Фермин Лопес.

Барселона го смета за важен дел од своите планови, па евентуалниот трансфер воопшто нема да биде лесен за реализација.

Дополнителен проблем за Манчестер јунајтед може да биде интересот од Пари Сен Жермен, кој исто така ја следи ситуацијата околу шпанскиот играч.

Реал Мадрид и Ливерпул би можеле да направат еден од најинтересните трансфер-потези во изминатите години. „Скај Спортс“ објави дека гигантите сакаат да ги разменат Алексис Мекалистер и Едуардо Камавинга.

Иако годината сè уште не заврши, сепак шпекулациите за потенцијални трансфери секогаш привлекуваат големо внимание, а евентуален договор на тимовите би можел да донесе спектакуларна размена на трансфер-маркетот.

Една од причините поради кои Мекалистер се поврзува со заминување од Ливерпул е тоа што неговиот договор завршува во 2028 година, па затоа екипата од „Енфилд“ сака навреме да ја реши ситуацијата.

„Кралевите“ во Мекалистер гледаат фудбалер кој со неговото искуство и победнички менталитет може да помогне во враќањето на врвот.

Ливерпул, од друга страна, има потреба од динамичен фудбалер за врска, а Камавинга со своите карактеристики се вклопува во таквиот профил на играч.

Франускиот и европски шампион ПСЖ го декласира тимот на Авр со 5-1 во деветтото коло од Лига 1, а мечот го одбележа хет-трикот на Ашраф Хакими, кој е прв во неговата кариерата.

Домашниот тим прв постигна гол на мечот во 18. минута, но парижаните во продолжение преку Годтс и Хакими направи целосен пресврт (2-1).

Хакими беше стрелец и на стартот на вториот дел, а потоа Мајулу во 62. минута стрелаше за убедлива предност од 4-1 на ПСЖ.

Машинеријата на Луис Енрике не запре со нападите, а тоа му донесе уште еден погодок на Хакими, со кој стигна до првиот хет-трик во кариерата, а интересно е тоа што фудбалерот го заврши мечот и со две асистенции.

ПСЖ е лидер во Лига 1 со 20 бодови, по што следи Рен со 16 и Лил и Монако со по 15 поени.