Пари Сен Жермен стигна до нова победа во француското првенство, откако на домашен терен ја совлада Троа со минимални 1-0 во натпревар од 10. коло во Лига 1.

По спектакуларното издание и триумфот од 6-0 против Виљареал во Лигата на шампионите, избраниците на Луис Енрике овојпат не блескаа во нападот, но ја завршија задачата и ги задржаа трите бода во Париз.

Домаќините ја имаа иницијативата во текот на целиот натпревар, но не успеаја да создадат многу чисти шанси. Феран Торес и Мајулу имаа можности да го отворат резултатот, но реализацијата изостана. Решавачкиот момент се случи во 39. минута, кога по еден корнер од левата страна, Мајулу испрати топка во противничкиот шеснаесетник, а украинскиот стопер Илја Забарњи најдобро се снајде во воздушниот дуел и со глава го постигна единствениот гол на средбата.

Во продолжението ПСЖ успеа да ја зачува предноста и да стигне до значајни три бода пред паузата за репрезентативните обврски.

По нешто послабиот почеток на сезоната во домашното првенство, тимот на Луис Енрике фати ритам и сега се наоѓа на врвот во Лига 1 со 23 бода. Најблиску до ПСЖ е градскиот ривал Париз, кој има три бода помалку. Троа, пак, со само осум освоени бода се наоѓа на 16. место и ќе мора да ја подобри формата доколку сака да се оддалечи од опасната зона.

За разлика од битолчани, победа по пауза од четири натпревари забележа тимот на Новаци, кој со головите на Сиљановски и Милевски на свој терен со 2-0 го надигра ланскиот прволигаш Македонија ЃП.

По единаесет одиграни кола лидер е Охрид со 28 бода, три повеќе од Пелистер, додека Работнички е трет со 24 бода.

Арсен Венгер сериозно размислува да влезе во трката за претседател на ФИФА и да му биде противкандидат на актуелниот претседател Џани Инфантино.

Според францускиот весник „Л’Екип“, Венгер би требало да се изјасни во средината на следната недела.

Во меѓувреме, се очекува да одржи неколку состаноци со луѓе кои го охрабруваат да се кандидира.

Неговото долгогодишно меѓународно искуство и угледот во фудбалот би можеле да му донесат поддршка од националните федерации

Со оглед на неговата возраст од 77 години, се шпекулира дека доколку биде избран, би останал на функцијата само еден четиригодишен мандат.

Селекторот на Англија повторно не го повика офанзивецот на Челси за натпреварите со Хрватска и Шпанија, испраќајќи му јасна порака дека местото во репрезентацијата мора да се заслужи.

Кол Палмер повторно не се најде на списокот на англиската репрезентација за претстојните натпревари во Лигата на нации, а селекторот Томас Тухел објасни зошто одлучил да го изостави еден од најквалитетните офанзивци во Премиер-лигата.

Англија на 12 ноември ќе ја пречека Хрватска на „Вембли“, додека три дена подоцна ќе гостува кај Шпанија во Мадрид. Палмер нема да биде дел од овие натпревари, иако во дресот на Челси повторно прикажува добри настапи.

Германскиот стратег смета дека фудбалерот на Челси премногу често ги пропушта можностите да се наметне во националниот тим, па одлучил да им даде предност на играчите кои беа дел од претходниот репрезентативен собир.

„Претпоставувам дека сите очајно сакаат да играат за Англија, а Кол не е исклучок. Но, важно е она што го правите кога сте во репрезентацијата. Минатиот пат реков дека тој пропушта премногу можности да се докаже“, изјави Тухел.

Селекторот нагласи дека неговата одлука не е лична и дека вратите на репрезентацијата остануваат отворени за Палмер.

„Ова не е лично. Никогаш нема да претпоставиме дека Кол нема желба да доаѓа и да игра за својата земја. Но, конкуренцијата е голема, а фудбалерите кои беа со нас на претходниот собир направија извонредна работа. Нив ја имаат нашата доверба“, објасни германскиот тренер.

Тухел воедно потврди дека е задоволен од атмосферата и работата во репрезентацијата, па нема намера да прави големи промени во групата која ги исполнила неговите очекувања.

Почетокот му припадна на гостинскиот тим. Во 3. минута, Бесмир Бојку грубо стартуваше над Ендрит Красниќи, а судијата Трпчевски покажа на белата точка. Меѓутоа, со интервенција на ВАР системот, пеналот беше поништен.

Во 16. минута, Исмаили нафрли во шеснаесетникот, додека Радески не беше прецизен во својот обид со глава. Во 25. минута, брза контранапад на Струга ТЛ – Бојку асистира, а Агамах шутира од прва, но таму брзо интервенира Манев.

Во 30. минута, одбранбениот играч Рама шутираше од 20 метри, но топката замина над голот. Шкендија возврати во 38. минута, кога Марко Ѓорѓиески со глава упати силен удар, додека домашниот голман Василев интервенираше на гол-линијата.

Шкендија го започна подобро и второто полувреме. Во 48. минута, вистинска мешаница во шеснаесетникот на домашните, каде што Мелиќи упатува силен удар, кој заврши во гредата на Струга ТЛ. Во 51. минута, Шкендија ја имаше најдобрата можност преку Марко Ѓорѓиески, кој шутира од прва после асистенцијата на Трумчи, но Василев со рефлексна реакција ја исфрла топката во корнер

Десната страна на Шкендија беше најризична. Во 56-та минута Трумчи нафрли во шеснаесетникот, додека Тамба со глава ја упати топката над голот на Василев. Во 65. минута, Рочи нафрли во шеснаесетникот, додека Радески само ја допре топката кон голот на Шкендија, но на вистинското место беше голманот Гаје.

И во следната акција, Струга ТЛ поведе со 1:0. Во 79. минута, Папе Фал нафрли во шеснаесетникот, додека Малески погоди со глава.

Во 87. минута уште еден спорен момент. Топката го погоди во рака Бесмир Бојку, а главниот судија покажа на белата точка. Но, судијата Трпчевски повторно ја промени одлуката, по консултација со ВАР.

До крајот на натпреварот резултатот остана непроменет (1-0).

Со гол на Горан Закариќ, Вардар со 1-0 го победи Силекс на негов терен и освои многу важни три бода со кои остана во игра за највисоките позиции во Првата македонска фудбалска лига (ПМФЛ).

Тешки и многу важни три бода за Вардар од гостувањето кај Силекс. Црвено-црните по голема борба ја остварија целта.

Мрежите мируваа во првото полувреме, а самиот почеток на вториот дел го донесе клучниот дел. Закариќ постигна гол по асистенција од Омерагиќ, Вардар поведе со 1-0.

Силекс напаѓаше да го изедначи резултатот, Вардар успеа да оддолее на нападите и на крајот се израдува на триумфот.

По 13 кола Вардар има собрано 24 бодови, се наоаѓа на четвртата позиција со пет бода помалку од новиот лидер, екипата на Струга.

Играчот од средниот ред на Манчестер Јунајтед, Карлос Балеба, мора да паузира неколку недели.

Клубот потврди дека по повредата што ја заработи на натпреварот против Рома, Балеба ќе биде надвор од теренот повеќе од еден месец и ќе пропушти најмалку четири натпревари.

Тој нема да игра против Астон Вила за време на викендот, како и на гостувањата против Ливерпул, Спортинг Лисабон и Њукасл, по паузата и домашниот натпревар со Брентфорд.

Во најдобар случај, Балеба ќе биде подготвен за дуелот со Ковентри, кој е закажан за 5 декември.

Да ве потсетиме, Балеба веќе беше повреден на почетокот на сезоната, поради што дебитираше дури на почетокот на октомври, досега одигра седум натпревари.

Освен него, сè уште се надвор од теренот се Бенјамин Сешко, Лук Шо и Маркус Рашфорд.

Манчестер Јунајтед ја пречекува Астон Вила во недела во 17:30 часот.

Зинедин Зидан го објави списокот на француската репрезентација за претстојните натпревари од Лигата на нации против Италија и Турција, а најголемо внимание привлече изоставувањето на Тео Хернандез.

Дефанзивецот на Ал-Хилал не го криеше незадоволството, но неговата реакција на социјалните мрежи дополнително ја искомпликува ситуацијата.

Искусниот 29-годишен фудбалер повторно не доби повик од новиот селектор, иако во времето на Дидие Дешамп беше редовен член на националниот тим.

Веднаш откако дознал дека не е на списокот за дуелите со Италија и Турција, закажани за 12 и 15 ноември, Тео Хернандез објави емотикон со кој се смее на социјалните мрежи.

Францускиот селектор се одлучи за следните фудбалери:

Голмани: Мајк Мењан (Милан), Гијом Рест (Тулуз), Робин Рисер (Ланс).

Одбрана: Дајо Упамекано (Баерн Минхен), Ибраима Конате (Реал Мадрид), Мало Густо (Челси), Пјер Калулу (Јувентус), Адриен Труфер (Борнмут), Енди Диуф (Интер), Жереми Жаке (Ливерпул), Лени Јоро (Манчестер Јунајтед).

Среден ред: Адриен Рабио (Милан), Орелиен Чуамени (Реал Мадрид), Едуардо Камавинга (Реал Мадрид), Рајан Шерки (Манчестер Сити), Ворен Заир-Емери (ПСЖ), Лука да Куња (Комо).

Напад: Килијан Мбапе (Реал Мадрид), Маркус Турам (Интер), Бредли Баркола (Ливерпул), Мајкл Олисе (Баерн Минхен), Дезире Дуе (ПСЖ), Пабло Пагис (Париз ФК).

Лионел Меси планира да ја продолжи кариерата во Интер Мајами, со што ги намалува шансите за враќање во Аргентина и завршување на кариерата во клубот во кој ги направи првите фудбалски чекори.

Во аргентинските медиуми во изминатиот период се шпекулираше дека легендарниот фудбалер би можел да се врати во Њуелс Олд Бојс, но неговите планови засега се насочени кон продолжување на авантурата во САД.

Според информациите, Меси веќе им порачал на челниците на Интер Мајами дека и во наредниот период сака да остане дел од клубот. Аргентинецот има договор до декември 2028 година, но постоеше можност двете страни повторно да разговараат за иднината пред крајот на 2026 година.

Меси одлично се чувствува во Мајами, каде што ужива во животот со своето семејство, па не ја исклучува ниту можноста да го продолжи престојот во клубот и во 2029 година.