Претседателот на Јувентус, Џон Елкан, планира да направи голема реконструкција во раководниот дел на клубот а прв на удар е спортскиот директор, Кристијано Џунтоли.

Се очекува и Матео Тоњоци да се врати кај „старата дама“ и да ја раководи мрежата на скаути. Поранешниот дефанзивец на клубот од Торино, Џорџо Кјелини, би можел да добие нова улога.

Се претпоставува дека Игор Тудор ќе остане на тренерската позиција откако успеа да го однесе тимот во Лигата на шампионите.

Долго најавуваниот трансфер сега е дефинитивно комплетиран. Реал Мадрид го потпиша Трент Александар-Арнолд. Ливерпул, и покрај тоа што не го продолжи договорот со Арнолд успеа да заработи бидејќи тој ќе му се приклучи на Реал еден месец пред истекот на договорот.

Желбата на Реал беше да го има во составот десниот бек за натпреварите на Светското клупско првенство. За да си ја оствари желбата „кралскиот клуб“ на Ливерпул му плати 10 милиони евра.

Со ова, Реал покажа сериозна намера да го нападне трофејот, во сезона во која остана без трите најважни трофеи.

Фудбалерот на Ипсвич Таун, Лиам Делап, ќе стане првото засилување на Челзи пред сезоната 2025/26.

Ипсвич веќе информирал голем број други заинтересирани клубови дека Делап ја избрал следната станица во својата кариера. Британски „Атлетик“ објави дека напаѓачот се сели во Челзи.

Делап има откупна клаузула во договорот со Ипсвич вредна 30 милиони фунти, која стапи на сила во моментот кога стана јасно дека тимот на Киран Мекена ќе се врати во Чемпионшип.

Челзи веќе го информирал Ипсвич дека ќе ја активира клаузулата, а договорот со Делап во принцип е веќе на сила.

Овој 22-годишен напаѓач, минатото лето се пристигна во Ипсвич, кога го напушти Манчестер сити.

Англичанецот постигна 12 гола во Премиер лигата оваа сезона, додека сите негови соиграчи постигнаа вкупно 21 гол.

Само Мохамед Салах (Ливерпул), Бруно Фернандес (Манчестер јунајтед) и Александар Исак (Њукасл) се директно одговорни за повеќе голови на својот тим од Делап.

Делап претходно работеше со тренерот на Челзи, Енцо Мареска, токму во Манчестер сити. Исто така, како член на „Граѓаните“, тој го делеше теренот со идните соиграчи: Кол Палмер и Ромео Лавија.

„Сините“ неодамна ја освоија Лигата на конференции на УЕФА, а следната сезона ќе играат во Лигата на шампионите.

Фудбалскиот состав на Милан, потврди дека нов тренер ќе биде Масимилијано Алегри. Тој ќе го замени Португалецот, Серџо Консеисао.

Трофејниот италијански стартег ги предводеше „росонерите“ во периодот од 2010 до 2014 година кога ја освои и шампионската титула во Серија А.

Тој треба да остане на стадионот – „Сан Сиро“ во наредните две години. Во договорот ќе има и клаузула за евентуално продолжување на соработката за уште една сезона.

Габриел Мaгаљаеш треба да потпише нов и побогат договор со Арсенал, објавија британските медиуми. Бразилскиот репрезентативец пристигна во Арсенал во летото 2020 година од Лил за 26 милиони евра, а неговиот актуелен договор важи до јуни 2027 година.

Проблемот е што Габриел е меѓу помалку платените играчи во клубот, заработува околу шест милиони евра по сезона. Арсенал реши да реафира бидејќи сериозен интерес за Бразилецот покажал Ал-Наср.

Тренерот на Арсенал, Микел Артета, сака по секоја цена да ги задржи клучните играчи, а стоперскиот пар Габриел и Вилијам Салиба е столб на одбраната.

Иако игра како дефанзивец, Габриел е доста ефикасен во нападот. Оваа сезона постигна пет гола и имаше три асистенции во сите натпреварувања.

Во својата кариера играше и за Динамо Загреб. Тоа беше од февруари до јуни 2018 година.

Вардар објави дека ја прекинува соработката со пет фудбалери додека искусниот голман, Филип Гачевски, ќе биде ставен на трансфер листата без обештетување.

„Црвено-црниот“ состав го напуштија: Јасмин Мециновиќ, Николче Шаркоски, Александар Ѓурковски, Џибрил Дианеси и Михал Пинтер.

Ново име кај освојувачот на Купот е голманот, Илир Зибери, кој доаѓа од екипата на Тетекс.