Кристијан Пулишиќ потпиша нов договор со екипата на Милан.

Напаѓачот според договорот се обврза на соработка до 2031 година со Милан.

Пулишиќ пристигна во Милано во 2023 година во трансферот од Челзи, и за сиот овој период прерасна во еден од најважните играчи на Сан Сиро.

Досега има одиграно 141 меч во црвено – црниот дрес и постигна  44 гола.

Аргентинскиот фудбалер Лисандро Мартинез е на пат да го напушти Манчестер Јунајтед.

Како што објавија шпанските медиуми, Мартинез наскоро би можел да го напушти Манчестер, а за дефанзивецот се заинтересирани Барселона и Атлетико Мадрид.

Барселона сè уште има проблеми во задната линија, а на Каталонците итно им се потребни засилувања за повторно да ја освојат Лигата на шампионите по повеќе од десет години.

Атлетико го доведе партнерот на Мартинез од аргентинската репрезентација, Кристијан Ромеро, во летниот преоден рок, па доаѓањето на дефанзивецот на Јунајтед изгледа логично.

Поранешниот англиски репрезентативец Џек Грилиш (31) е исфрлен од тимот на Евертон поради кршење на клупската дисциплина.

Грилип без дозвола од тренерот пропуштил тренинг на „карамелите“. Го пропушти дуелот во Лига купот, во кој Евертон го победи Њукасл и се пласира во четвртфиналето.

Според информациите од „Гардијан“ и „АП“, Грилиш го пропуштил тренингот без претходно да побара дозвола, поради што тренерот Дејвид Мојес одлучил да го изостави од тимот. Се очекува дека англискиот фудбалер ќе биде и парично казнет.

Грилиш не играше ниту во поразот од 2:0 од Арсенал во саботата, но тогаш причината за отсуството беше болест. Тој беше во почетниот состав на претходните три лигашки натпревари.

Тој игра во Евертон како позајмен од Манчестер Сити. Во 2021 година Сити за него на Астон Вила и плати околу 117 милиони евра.

Рафиња е капитен на Барслеона и исклучително важен фудбалер во системот на Ханси Флик, а поради лошата историја која ја има со настапи во бразилската селекција, секој список на Карло Анчелоти се очекува со одредена доза на нервоза.

После повредата која ја заработи во месец септември на пријателски натпревар против Австралија, Рафиња мораше да биде во аут неколку недели и се уште е дозиран од страна на Германецот, па токму поради тоа, многумина во Барселона сметаа дека ќе биде поштеден за тоа што следи.

Рафиња заработи серија повреди на неговите три последователни репрезентативни собири во 2026 година, а сето ова предизвикува сериозна загриженост во Барселона во пресрет на ноемврискиот прозорец.

Фудбалската асоцијација на Англија ја одби жалбата на „топчиите“ за црвениот картон на 16-годишниот Макс Дауман, кој ќе ги пропушти следните три домашни натпревари на клубот. Арсенал не успеа да ја оспори казната за младиот фудбалер, откако независната дисциплинска комисија ја одби жалбата на лондонскиот клуб за црвениот картон заработен на натпреварот против Флитвуд во Карабао купот.

Шеснаесетгодишниот фудбалер беше исклучен во 85. минута од средбата, по инцидентот со играчот на Флитвуд, Харисон Нил. Арсенал веднаш поднесе жалба, сметајќи дека станува збор за погрешна судиска процена и дека изречената казна е престрога. Сепак, Фудбалската асоцијација потврди дека независната комисија ги отфрлила двете барања на клубот – за поништување на црвениот картон и за намалување на суспензијата. Тоа значи дека Дауман ќе мора да паузира на следните три домашни натпревари на Арсенал.

Фиорентина ја очекува исклучително активен зимски преоден рок, во кој спортскиот директор Фабио Паратичи ќе мора да интервенира во неколку линии од тимот доколку клубот сака да ја избегне борбата за опстанок во Серија А.

Најголем приоритет се чини дека ќе биде ангажманот на квалитетен напаѓач. Замениците на Моизе Кен, Лоренцо Пелегрини и Бето, засега не ги оправдуваат очекувањата, па Паратичи повторно би можел да ја активира опцијата Џошуа Циркзе.

Холанѓанецот пред неколку месеци беше многу блиску до преселба во Фиренца, но на крајот остана во Манчестер Јунајтед, каде што и оваа сезона има ограничена минутажа. Покрај напаѓач, Фиорентина има потреба и од засилување во одбраната. Едно од имињата што се наоѓаат на листата на Паратичи е Тијаго Габриел од Лече, централен дефанзивец кој би требало да донесе поголема сигурност во последната линија. Третото засилување се очекува да биде во средниот ред.

Серхио Габриел Ди Вани, познат под прекарот „Бебе“ и член на навивачката група на Њуелс Олд Бојс, е осуден на седум години и шест месеци затвор поради заканите упатени кон Анхел Ди Марија и неговото семејство.

Пресудата беше донесена во Аргентина, а казната е резултат на спогодба меѓу обвинителството и одбраната, која беше потврдена од судот. Ди Вани беше прогласен за одговорен за организирање на заплашувањата во март 2024 година, кога се појавија информации дека Ди Марија би можел да се врати во матичниот клуб Росарио Централ.

Заканите биле насочени кон фудбалерот и неговите најблиски со цел да се спречи неговото враќање во клубот, кој е голем ривал на Њуелс Олд Бојс. Во еден од инцидентите биле испукани куршуми во близина на куќата на семејството Ди Марија, а оставена била и заканувачка порака.

Во вториот инцидент, пред недвижносната агенција на сестрата на фудбалерот била ост

Манчестер Јунајтед се соочува со сериозен проблем во офанзивната линија, откако стана јасно дека Бенјамин Шешко ќе мора подолго време да паузира поради повреда.

Лошите вести ги потврди тренерот на англискиот гигант, Мајкл Керик, кој откри дека словенечкиот напаѓач нема наскоро да се врати на располагање на тимот. Иако засега нема прецизна временска рамка за неговото враќање, најавите не се охрабрувачки.

„За жал, изгледа дека Бен ќе биде надвор од терените одреден период. Сè уште не сме сигурни колку точно ќе трае неговото отсуство, но се работи за подолг временски период“, изјави Керик.

Ова е сериозен хендикеп за Манчестер Јунајтед, особено ако се има предвид дека Шешко е еден од играчите од кои се очекува да донесат поголема ефикасност во нападот.

Словенецот сега го очекуваат период на рехабилитација и закрепнување, а во Јунајтед ќе мора да пронајдат алтернативни решенија за најофанзивната позиција во тимот.

Фудбалската федерација на Македонија ги информира навивачите и љубителите на фудбалот дека продажбата на влезниците за натпреварот Македонија – Словенија, кој ќе се одигра на 16 ноември (понеделник) на Националната арена „Тодор Проески“ во Скопје, ќе започне на 2 ноември (понеделник).

За овој натпревар од 5. коло во Лига на Нации / група Б, цената на билетот ќе изнесува 500 денари. Влезниците ќе можат да се набават исклучиво преку официјалната платформа за електронска продажба на билети на ФФМ: eticket.ffm.mk

Миланските гиганти Милан и Интер добија појасна слика за својот иден дом. Новиот стадион, кој ќе биде изграден на местото на легендарниот „Џузепе Меаца“, ќе го носи името „Џенерали стадиум“ и ќе има овална архитектонска форма.

Проектот беше претставен на специјален настан во замокот Сфорца во Милано. Новото спортско здание ќе има капацитет од 71.500 гледачи, распоредени на две нивоа, а посебно внимание привлекуваат двете трибини зад головите, со по 11.500 седишта и наклон од 37 степени. Архитектонското решение е инспирирано од познатиот „Жолт ѕид“ на Борусија Дортмунд, со цел навивачите да бидат што поблиску до теренот и да создаваат посебна атмосфера.

Според најавите, осигурителната компанија „Џенерали“ за правата на името на стадионот би плаќала меѓу 25 и 30 милиони евра годишно.

Почетокот на изградбата е планиран за втората половина на 2027 година, а завршувањето се очекува до крајот на 2031 година. Целта е новиот стадион да биде подготвен за Европското првенство во 2032 година.

Дотогаш, Милан и Интер ќе продолжат да играат на „Сан Сиро“, кој по изградбата на новото здание речиси целосно ќе биде урнат. Од историскиот стадион ќе биде зачувана само една од кулите.

Новиот стадион ќе го замени објектот „Џузепе Меаца“, кој има капацитет од околу 75.000 гледачи и е препознатлив по својата архитектура со три нивоа.