Поранешниот италијански репрезентативец Жоржињо се најде во центарот на вниманието поради информации дека наводно паднал на допинг-тест. Според бразилските медиуми, случајот сè уште не е разрешен, а конечниот исход би можел да има сериозни последици врз кариерата на искусниот фудбалер.

Наводно позитивниот резултат се однесува на примерок земен пред четвртфиналниот натпревар на Фламенго против Индепендиенте дел Вале во Копа Либертадорес.

Дополнителната анализа на примерокот Б е најавена за 27 октомври, по што се очекува да биде појасно дали сомнежите ќе бидат потврдени и какви последици би можел да има случајот.

Македонските надежи имаа одличен старт, со четири постигнати погодоци и сигурно издание против врсниците од Панама.

Во листата на стрелци се запишаа Фисник Амити, кој постигна два гола, Доротеј Христов и Стефан Стојаноски, кои по еднаш ја затресоа мрежата на противникот.

Македонија на овој натпревар настапи со следниот почетен состав: Марио Стојковски, Јетмир Асани, Дин Рожајац, Стефан Арсов, Давор Таневски, Јоан Ѓорѓиевски, Доротеј Христов и Јован Јанчевски.

Светското првенство во форматот 7+1 е дел од проектот на ФИФА за развој на младинскиот фудбал и обезбедување меѓународно натпреварувачко искуство. Натпреварите се играат со седум играчи во поле и голман, во времетраење од 40 минути, со две полувремиња од по 20 минути.

Македонија во групната фаза ја очекуваат уште натпревари против Чад, Кенија, Малта и Нигер, со можност за пласман во елиминациската фаза.

Комо продолжува да воодушевува со настапите во Серија А, откако на домашен терен го совлада Сасуоло со 2-0 во рамките на осмото коло од италијанскиот шампионат.

Главниот јунак на натпреварот беше грчкиот напаѓач Анастасиос Дувикас, кој со два погодоци во второто полувреме му ја донесе победата на својот тим. Дувикас првпат погоди во 49. минута, а десет минути подоцна повторно ја затресе противничката мрежа за конечни 2-0.

Со новиот триумф, Комо ја продолжи одличната серија и стигна до 17 бода, со што останува веднаш зад водечките екипи Интер и Лацио, кои имаат по два бода повеќе.

Роналдињо на 46-годишна возраст повторно ќе заигра фудбал. Тој ќе настапи за италијанска Равена, клуб во кој е косопственик и чии дресови го носат неговиот бренд „R10“.

Клубот потврди дека освојувачот на „Златната топка“ за 2005 година ќе ги одигра своите први минути на 15 ноември, на дербито од третата италијанска лига против Форли.

Роналдињо и италијанскиот клуб уште во август се договориле поранешниот фудбалер на Пари Сен Жермен и Барселона да одигра најмалку еден официјален натпревар.

„Долгоочекуваниот датум конечно е потврден. Во недела, на 15 ноември, точно во 17:30 часот, бразилската легенда ќе го носи дресот на Равена на дербито против Форли. Овој натпревар ќе го насочи вниманието на целиот свет кон стадионот „Бруно Бенели““, се наведува во соопштението.c

Maкедонскиот репрезентативец, Лука Станковски во украинската Премиер лига го постигна својот првенец во дресот на Колос.

Станковски во натпреварот против Верес Ривне од десеттото коло стрелаше во 53-тата минута кога ги постави конечните 2-0. Пред него резултатот во првиот дел го отвори Антон Салабај.

Претходно од почетокот на сезоната Станковски запиша една асистенција.

Џејдон Санчо некогаш беше еден од најбараните фудбалери во светот, а веќе на 26 години го фаќа последниот воз за спас на кариерата.

Англискиот крилен напаѓач во летото 2021 година го засили Манчестер Јунајтед во трансфер вреден 85.000.000 евра, по одличниот период во Борусија Дортмунд, каде што за три сезони постигна 49 и асистираше за 53 гола на 125 настапи.

На „Олд Трафорд“ целосно згасна, но на неговата сметка и понатаму пристигнуваа по 250.000 фунти неделно во текот на петте години од неговиот стрмоглав пад. Тоа значи дека заработил неверојатни 65.000.000 фунти. Во меѓувреме, беше испраќан на позајмици во Борусија Дортмунд, Челзи и Астон Вила, но ниту еден од овие клубови не можеше или не сакаше трајно да го преземе неговиот договор.

Минатото лето му истече договорот со „црвените ѓаволи“, па оттогаш чека нов ангажман. Се појави информација дека за него е заинтересиран Хетафе, кој е подготвен да му понуди само 400.000 евра до крајот на сезоната, односно 10.000 фунти неделно.

Баерн Минхен соопшти дека Винсент Компани е во болница на детални лекарски прегледи и ќе остане под медицински надзор, откако тренерот колабираше во петокот за време на тренингот на резервниот тим на клубот.

Белгиецот со хеликоптер бил пренесен од тренинг центарот во болница.

„Винсент Компани мораше да побара медицинска помош откако колабираше за време на тренингот на аматерскиот тим на Баерн во петокот. Тренерот на првиот тим го следеше тренингот на резервниот состав. Компани ќе биде подложен на детални прегледи во болница и ќе остане под медицински надзор“, соопшти Баерн, додавајќи дека стручниот штаб до понатамошно известување ќе ги води тренинзите и натпреварите.

Според претпоставките во клубот, причината за неговата состојба е вирусот со кој се борел во изминатите денови. Поради слабоста, тренерот ги намалил работните обврски, а по дуелот со Лајпциг во Бундеслигата веднаш го напуштил стадионот без да даде изјава за медиумите.

Претседателот на Наполи, Аурелио де Лаурентис, нема намера да ја напушти функцијата и покрај интересот на инвеститорите и понудата од Саудиска Арабија, која, според него, достигнала дури 3,5 милијарди евра.

Во гостувањето на локалното радио, првиот човек на Наполи зборуваше за можната продажба на клубот, разговорите со потенцијалните инвеститори и плановите за иднината.

Неговата порака беше јасна дека Наполи не е на продажба, а тој сè уште не е подготвен да се пензионира.

„Арапите сакаа да ми понудат 3,5 милијарди евра, но јас не сакав да се пензионирам“, рече Де Лаурентис.

Искусниот филмски продуцент и фудбалски функционер нагласи дека сè уште сака да го води клубот што го изградил во текот на изминатите 22 години од тим од Серија Ц до едно од најважните имиња во италијанскиот фудбал.

Де Лаурентис, исто така, ги откри деталите од разговорите со инвеститорите што ги претставуваше Ричета.

Првиот контакт се случил пред приближно една година, по што следеле прелиминарни разговори со правните тимови, но никогаш не била спроведена детална финансиска ревизија на клубот.

Квича Кваратцхелија заработи сериозна повреда на коленото на натпреварот ПСЖ – Барселона. Ги повреди вкрстените лигаменти во коленото и за него оваа сезона е завршена.

Јасно е дека клубот ќе се активира на пазарот во јануарскиот преоден рок. Според медиумите познато е кој е „првиот избор“ на Луис Енрике.

Француските медиуми објавија дека ПСЖ ќе се обиде да го доведе Нико Вилијамс од Атлетик Билбао во јануари и веруваат дека нема да има премногу проблеми бидејќи шпанскиот репрезентативец е заинтересиран да се пресели во редовите на европскиот првак.

Тој има договор со Атлетик до летото 2035 година, а Билбао бара за него 100 милиони евра, колку што е износот на неговата откупна клаузула, но јасно е дека парите никогаш не биле проблем за ПСЖ.

ПСЖ е принуден да донесе замена за Кваратцкелија и поради фактот дека токму Енрике го сака Вилијамс, се чини дека ќе платат 100 милиони евра.