Претседателот на македонскиот фудбалски прволигаш Шкупи, Олгун Ајдин го напушта клубот од Чаир. Шкупи преку социјалните мрежи објави за одлуката на Ајдин да се повлече.

Во продолжение во целост го пренесуваме соопштението од ФК Шкупи:

Претседателот Олгун Ајдин на заедничка вечера со своите вработени најави заминување од ФК Скопје. На ова истото предупреди веднаш по мечот со Вардар, додека ова веќе ја доби вистинската форма. Олгун Ајдин го зеде клубот ФК Скопје да го спонзорира од 2021 година и во првата сезона по неговото доаѓање обезбедивме излез во Европа.
Со Олгун Ајдин претседател, ФК Шкупи покрај тоа што играше во Европа пет последователни сезони, во годината 2022 стана шампион враќајќи го најдобриот трофеј на Чаир по 21 година.

Ова се бројките кои говорат за успесите на нашиот клуб под водство на претседателот Олгун Ајдин, кој за понеделник преку видеоснимка го најави својот последен настап, стои во соопштението на чаирчани.

Ајдин по поразот (3-2) од Вардар пред седум дена најави заминување од мак-фудбалот жалејќи се на судиските одлуки кои ги смета за штетни за неговиот клуб. з

Трент Александер-Арнол по завршувањето на сезоната ќе стане слободен играч. Тој вее во јануари може да преговара со заинтересираните клубови. Медиумите од Шпанија тврдат дека тој кариерата ќе ја продолжи во Реал Мадрид.

Ливерпул нема намера лесно да се откаже од Трент, англиските медиуми објавија, дека клубот му понудил договор според кој ќе биде најплатен играч во Премиер лигата.

Тоа во превод значи неделна плата поголема од 400.000 фунти.

Познато е колку Ливерпул се грижи за традицијата и играчите кои потекнуваат од клупската академија. И не само тоа Трент е локално момче од 2016 година одигра 325 натпревари постигна 19 гола и забележа 83 асистенции.

Избраниците на Роберт Просинечки, фудбалерите на Црна Гора, не успеаја да стигнат до позитивен резултат ниту во петтото коло од Б дивизијата на Лигата на нации. По Исланд, Велс, Турција, и Исланд Црногорците во Никшиќ со 2:0 загубија од Исланд.

Јасно е дека Црна Гора во следниот циклус во Лигата на нации ќе игра во Ц дивизијата. Селекторот Просинечки по натпреварот не го криеше разочарувањето во разговор со новинарите.

„Катастрофа сигурно, ова е веќе седми пораз во низа. Примивме два евтини гола, но тие се физички добра екипа. Не ги искористивме шансите, тешко беше да се вратиме потоа. Не го направивме тоа што требаше, дури и доминиравме во еден период, но тоа не беше доволно“, изјави селекторот Роберт Просинечки и продолжи:

„Ќе разговарам со претседателот Савиќевиќ по мечот со Турција, па ќе видиме што и како понатаму. Што се однесува до пресметката со Турција, прашање е колку ќе можеме да се вратиме и да се мотивираме по поразот од Исланд“.

Натпреварот меѓу Црна Гора и Турција е закажан за 19 ноември со почеток во 20:45 часот во Никшиќ.

Виктор Ѓекереш како што стојат работите ќе биде главна мета на Барселона во летниот преоден рок.

Оваа вест ја објави новинарот Тони Хуанмарти, еден од најдоверливите каталонски новинари кој тврди дека Швеѓанецот е во прв план на сопственикот Лапорта и спортскиот директор Деко бидејќи Ерлинг Халанд е недостижен.

Хуанмарти тврди дека Ѓекереш има џентлменски договор со Спортинг да добие дозвола да замине во случај на понуда помеѓу 60 и 70 милиони евра.

Ѓеќереш веројатно би го искористил тој договор во случај да пристигне понудата од Барселона.

Левандовски игра како во најдобрите денови, но наредната година ќе наполни 37 години, па во Барселона мораат да размислуваат и на други опции бидејќи не е реално да се очекува од него дека ќе одигра 60 натпревари во сезоната.

Шведскиот голгетер експлодираше под водство на Рубен Аморим кој го доведе од Ковентри во 2023 година за 24 милиони евра. Сезонава Ѓекереш веќе има 23 гола и четири асистенции на 18 натпревари.

Meксиканецот Џовани Дос Сантос некогаш важеше за голема надеж на Барселона и во овој клуб пристигна кога имаше само 12 години, а за сениорската екипа дебитираше на 17 со гол против Архус.

Набрзо по појавувањето на големата сцена започнаа и споредбите со Роналдињо, но иако оствари солидна кариера највисоките очекувања не ги исполни.

Кариерата го одведе во: Тотнем, Ипсвич, Расинг Сантандер, Мајорка, Виљареал и Лос Анџелес Галакси.
Дос Сантос има мексиканско, бразилско и шпанско дражвјанство, а настапуваше за Мексико за кој одигра 106 натпревари. Успеа да освои и злато на Олимписките игри во 2012 година.

Пред три години објави крај на кариерата и денес е успешен во светот на бизнисот. Медиумите објавија дека Дос Сантос станал партнер во компанијата „Procur Mexico“ која е поврзана со петрохемиската фирма „Petroleos Mexicanos“.

Новинарот на „Фокс Спорт“, Абрахам Бенсид тврди дека новата зделка на Дос Сантос ќе му носи зарабока помеѓу 400.000 и 500.000 долари годишно. Покрај овој бизнис, Мексиканецот се занимава и со продажба на луксузни автомобили.

Пеп Гвардиола останува во Манчестер сити и следната сезона, тврдат англиските медиуми повикувајќи се на извори во клубот. Додека трае паузата во клупскиот фудбал, Гвардиола имал успешна средба со челниците на Сити. Наводно бил договорен нов едногодишен договор.

Сè уште ништо не е потпишано, а нема официјални изјави кои навестуваат таков исход, но во вестите кои доаѓаат од Островот се вели дека Гвардиола 99% ќе го потпише договорот до крајот на годината.

По заминувањето на спортскиот директор Аитор Чики Бегерстајн, и ангажманот на Хуго Вијана од Спортинг, се шпекулираше дека Гвардиола сигурно ќе си замине на крајот од сезоната.

Шпанецот пристигна во Сити во 2016 година кога започна доминацијата на „граѓаните“ во Премиер лигата и успеа да ја освои Лигата на шампионите на УЕФА. Во моментов тимот е во криза се наоѓа во серијата од четири порази, што на Сити му се случи прв пат во ерата на Гвардиола.

Германија и Холандија го освоија првите две места во Групата 3, во А дивизијата и се пласираа во четвртфиналето во Лигата на нации. Двете селекции на домашен терен забележаа убедливи победи над Бих, односно Холандија.

Германија ја декласира БиХ со 7-0 и ја испрати назад во Б дивизијата.

Домашните поведоа во втората минута со голот на Џамал Мусијала на асистенција на Џошуа Кимих, кој потоа во 23. минута му аиситираше и на напаѓачот на Борусија Менхенгладбах, Тим Клајндинст.

Во 37. минута Германија го постигна третиот гол, кога Флоријан Вирц му асистираше на Каи Хаверц.

Асот на Баер потоа погоди два пати, во 50. и 57. минута, а дебаклот на БиХ беше комплетиран со головите на Лирој Сане (66′) и Клајндинст (79′).

Холандија убедливо славеше над Унгарија со 4-0. „Лалињата“ по два гола постигнаа во двете полувремиња. Два пенали доби Холандија во првиот дел, стрелци беа Вегхорст и Гакпо. Во второто полувреме по еден гол постигнаа Дамфрис и Копмејнерс.

Новиот менаџер на фудбалерите на Манчестер Јунајтед, Рубен Аморим, изјави дека фактот што ќе работи со релативно млади играчи нема да биде оправдување за евентуален неуспех.

„Не сакам да кажам дека ни треба време бидејќи сме млад тим. Фудбалерите се тука и мораат да бидат подготвени за предизвикот, младоста не смее да ни биде алиби. Секогаш ќе одиме на победа“, вели Аморим.

Тој ќе дебитира на клупата на „црвените ѓаволи“ на 24 ноември на мечот со Ипсвич во рамките на Премиер-лигата.

Омер Топрак кој најголем дел од кариерата помина во Бундеслигата одлучи да стави крај на кариерата на 35 години.

Топрак во кариерата во Германија го носеше дресот на: Баер Леверкузен, Борусија Дортмунд и Вердер Бремен, а во најсилната германска конкуренција одигра вкупно 263 натпревари.

Своевремено Топрак беше и репрезентативец на Турција за која одигра 27 натпревари.

„По 16 години со насмевка и солзи во очите време е да ја завршам кариерата“, објави Топрак.

Последните две години од кариерата ги помина во неговата татковина каде што го носеше дресот на Анталијаспор.

Марио Хермосо, не ја исклучува можноста за враќање во Ла Лига. Централниот дефанзивец го напушти Атлетико Мадрид по крајот на минатата сезона, а во последните денови се зборува дека Реал Мадрид покажува интерес за него.

„Читав дека сум меѓу фудбалерите кои Реал ги следи по повредата на Едер Милитао. Многу пријатели ме прашуваат за тоа. Тоа не е првпат. Секогаш е голема чест кога те поврзуваат со најголемите клубови. Тренирав во академијата на Реал Мадрид и сум благодарен за сè што научив таму“, изјави Хермосо.

„Бев во академијата на Реал Мадрид и сум благодарен за сè што придонесоа за мојот развој“, истакна тој за „АС“.

„Не успеав да се етаблирам на „Сантијаго Бернабеу“, но добив можност да преминам во Еспањол. Горд сум на тој период. Во академијата на Реал има момци со огромен потенцијал. Се надевам дека ќе добијат шанса и ќе ја искористат“, сподели 29-годишниот дефанзивец.

„Најголемиот дел од мојата кариера го минав во Шпанија. Го сакам фудбалот што се игра во Ла Лига. Секогаш е полесно да си во својата земја. Не ја исклучувам можноста еден ден да се вратам“, додаде Хермосо.