Словенија преку Белгија до полуфинале на Европското првенство во одбојка

Репрезентацијата на Словенија се пласираше во полуфиналето на Европското одбојкарско првенство, откако беше подобра од Белгија со конечни 3-1 во сетови (25-22, 25-22, 20-25 и 25-13).

Таму, противник ќе им биде селекцијата на Полска, која вчера ѝ одржа лекција на Германија, совладувајќи ја со сигурни 3-0. Втор полуфиналист е и селекцијата на Франција, која го очекува подобриот од дуелот меѓу Италија и Финска.