Кике Сетијен е нов тренер на Виљареал

Фудбалскиот клуб Виљареал потврди дека за нов тренер на екипата е назначен Кике Сетијен.

Како што веќе беше најавено во понеделникот, после заминувањето на Унаи Емери во Астон Вила, Виљареал објави дека негов наследник ќе биде Кике Сетијен. Шпанскиот тренер потпиша договор со клубот до летото 2024.година, а претходно беше тренер на Барселона, Бетис, Лас Палмас, Луго.

Сетијен беше без тренерски ангажман од отказот кој го доби од Барселона во август 2020.година.