Душко Ивановиќ ќе биде нов тренер на кошаркарите на Црвена Звезда

Српскиот спортски канал Спорт Клуб пренесува дека Душко Ивановиќ е на чекор да стане нов тренер на кошаркарскиот клуб Црвена Звезда.

Според информациите, Ивановиќ со црвено-белите веќе договорил соработка до летото 2024 година, а неговиот прв тренинг со екипата би требало да го одработи овај викенд.

Одлуката за смена на досегашниот тренер Владимир Јовановиќ дојде после лошиот старт на екипата. Белградскиот клуб во седум натпревари во Евролигата има само една победа со што се наоѓа на дното од табелата.